1 Tsamuheri 19:24 - Kakaɨyari Niukieya

²⁴ Hikɨ yu'ixɨriki kananutihɨna, kwiepa 'ukaitɨ mawetɨ, tɨkarikɨ tukarikɨ 'iyari kaniwiyakaitɨni Tsamuheri hɨxie. Xatsika mana kanayeneni: «¿Kamɨtsɨta Tsahuri Kakaɨyari niukameya tihɨkɨ?»

1 Tsamuheri 19:24 ပူးပေါင်းရင်းမြစ်များ

Mikeyaxi 1:8

'Ayumieme nekanititsuamɨkɨ meta kukuiniyakɨ nekaniutahiwamɨkɨ, neheumamawetɨ 'anepuyeikani meta neheumawetɨ. Yawi mayu'eriya hepaɨ nekatiniutsuakamɨkɨ, 'aru 'amɨnena hepaɨ nekatiniutsuakamɨkɨ.

Kitsariyaxi 20:2

Mɨkɨ tukaritsie Yawé Kitsariyaxi hetsie kaniutaniuni 'Amuxi nu'aya. Mɨpaɨ katinitahɨawe: «Neuxei, hiwerika kamixayari pemanakatɨkɨ kenanutihɨna meta 'akakai». Mɨpaɨ Kitsariyaxi katiniuyurieni, heumawetɨ 'akaniuyeikakaitɨni meta heumamawetɨ.

2 Tsamuheri 6:20

Kepauka Rawiri munua yukie 'aixɨa wayurienike yutɨɨriyama, Mikari Tsahuri niweya kaneikunake, mɨpaɨ katinitatieni: —Neuxei hikɨ 'aixɨa pepɨka'ɨyɨ. 'Ixaheri kwieyaritsie ti'aitame kemɨtiuka'iyari hepaɨ pepɨka'ɨyɨ. Pemutitsukwakakaitsie 'ukari te'uximayatamete 'awarita mepɨmatsixeiyakai. Tewi tixaɨtɨ mɨkatihɨkɨ hepaɨ pepɨyɨanekai.

Nɨ'ariekate 9:21

Mekanihɨxiyakaitɨni yunaitɨ memi'eniekai, mɨpaɨ mekaniutiyuanekaitɨni: «'Ikɨ kanihɨkɨtɨni kemɨ'ane mɨwaraye'uniekai mɨkɨ memehɨawe mɨkɨ kemɨ'ane mɨhɨkɨ Kerutsareme kiekatari, 'uwata 'ayumieme kaninuani, mɨwaranuwitɨnikɨ mehɨatɨkaime mawari wewiwamete memɨhɨritɨarie wahetsɨa».

2 Tsamuheri 6:14

Rawiri xeime xeikɨa 'anakatɨtɨ mawari wewiwame kamixaya 'etsimɨnena rinu 'ixurikiyarikɨ mɨwewiya, katiniutineitɨyani Yawé hɨxie waɨkawamekɨ yutemawietɨ.

'Inɨatsie 24:4

Niukieya mɨ'enie Kakaɨyari kaniniukieyatɨni, Naimekɨmɨtɨrɨkaɨye mɨtixeiya, mukakukutsutsie hepaɨ mɨtikuxaxatɨariwa.

1 Tsamuheri 10:6

Hikɨ Yawé 'Iyarieya 'ahetsie kaninuamɨkɨ tɨrɨkaɨyetɨ, 'ekɨta mɨkɨ wahamatɨa pekatinitaxatamɨkɨ yɨkɨ pe'anetɨ pekanayeimɨkɨ,

1 Tsamuheri 15:35

Yawé ti'aitame Tsahuri hayeitɨaka 'Ixaheri kwieyaritsie 'arike pɨka'inakixɨ, 'ayumieme hatsuaku Tsamuheri Tsahuri pɨka'uxei, matsi mɨixa puyuhiweriekai hetsiena mieme.

1 Tsamuheri 18:10

Hikɨ 'uxa'arieka, Rawiri mexi 'aripakɨ tiyuitɨakai kemutiumiekai, 'iyari 'axamɨ'ane Kakaɨyari meiyenɨ'a Tsahuri hetsie kaninuani tikwinitɨanike, hikɨ Tsahuri yukiita kaniyeyeikakaitɨni mɨtaweka hepaɨ yɨanetɨ, pitsika yakɨ mɨtewi 'akwetɨ,