1 Tsamuheri 18:27 - Kakaɨyari Niukieya

²⁷ Hikɨ Rawiri kaneyani yukuyaxima warawitɨtɨ 'anari huta tsienituyari piritsiteutsixi kaniwarekwini, Tsahuri 'inɨari kaniyetuirieni miwawiriekaikɨ. Hikɨ Tsahuri yuniwe Mikari kaniwitɨtɨani.

1 Tsamuheri 18:27 ပူးပေါင်းရင်းမြစ်များ

2 Tsamuheri 3:14

Metatsiere, Rawiri hipame yuhetsɨa miemete kaniwarenɨ'ani 'Itsiwutseti Tsahuri nu'aya hetsɨa, mɨpaɨ memɨteheitaxatɨanikɨ: «Ne'ɨya Mikari keneneyetuiri, xeitsienituyari piritsiteutsixi newarukwika neme'iwaxɨ».

1 Tsamuheri 18:13

'Ayumieme hɨxiena mɨka'uyeikanikɨ 'ateewa kaneinɨ'ani, xeimiriyari kuyaxi tiwa'aitɨwamekɨ 'eyeitɨaka, muwa mɨtiware'aitɨakakɨ.

'Itsɨkate 14:19

Hikɨ Yawé 'iyarieya mɨtɨrɨkaɨye Tsanitsuni hetsie kaninuani, hikɨ mɨkɨ kaneyani 'Atsikaruni mana xeitewiyari heimana tamamata wateɨterima kaniwarukwini, katiniwarunawairieni wapiinite, wakamixate katiniwarupitɨani memɨtehetima. Hikɨ, ha'atɨ, kaninuani yupaapa kie.

1 Tsamuheri 14:49

Merikɨtsɨ Tsahuri yuhaikame yuniwema 'ukitsi kaniwarayexeiya: Kunatani, 'Itsiwi meta Marikitsuha. Yuhutame meta 'ukari kaniwarayexeiya: Merawi 'amɨyumate pɨtitewakai, Mikari 'etsimɨyumate.

1 Tsamuheri 18:17

Merikɨtsɨ heiwa Tsahuri Rawiri mɨpaɨ katiniutahɨawe: —Neniwe 'amɨyumate Merawi 'ena kaniukani, nekamaniyetuirieka pemitiwitɨnikɨ, peru pekamatɨ pekaniyumienemɨkɨ Yawé hetsiemieme, Mɨpaɨ Tsahuri katiniku'eriwakaitɨni: «'Aixɨa pɨyɨni nemamatsie mɨkamɨnikɨ, piritsiteutsixi matsi wahetsɨa mɨmɨnikɨ pɨta».

1 Tsamuheri 18:28

Tsahuri mɨpaɨ katinetimani, Yawé Rawiri hamatɨa muyeikakaikɨ meta niweya Mikari minaki'eriekaikɨ.

1 Tsamuheri 25:44

Tsahuri yuniwe Mikari Rawiri muwitɨtɨakai Paritiheri Rahitsi nu'aya kaniuwitɨtɨakaitɨni, Karini nuiwame pɨhɨkɨtɨkai.

2 Tsamuheri 3:13

Hikɨ Rawiri mɨpaɨ katinita'eiya: «'Aixɨa kani'aneni. Ne tɨratu nepɨwewieni 'ahamatɨa, perutsɨ xɨka penetsi'atɨirieni Mikari Tsahuri niweya. Mexɨka pekanetsi'atɨirieni, kanikatixaɨtɨni».