1 Tsamuheri 18:25 - Kakaɨyari Niukieya

²⁵ matsi Tsahuri mɨpaɨ katiniwarutahɨawe: —Rawiri mɨpaɨ xeketenetahɨawi: “Ne neniwekɨ tixaɨtɨ nepɨkareuyehɨwa mɨnetiyetuirienikɨ hetsiena mieme. Ne 'inɨari pɨta neneuyehɨaka piritsiteutsixi waxieyame mɨnetsi'atɨirienikɨ, xeitsienituyari kename warekwi. Mɨkɨ nepɨtiwarakapitɨani kememɨnetsi'uyuri”. Matsi Tsahuri pinakekai yuheyemekɨ Rawiri piritsiteutsixi memimienikɨ.

1 Tsamuheri 18:25 ပူးပေါင်းရင်းမြစ်များ

1 Tsamuheri 18:17

Merikɨtsɨ heiwa Tsahuri Rawiri mɨpaɨ katiniutahɨawe: —Neniwe 'amɨyumate Merawi 'ena kaniukani, nekamaniyetuirieka pemitiwitɨnikɨ, peru pekamatɨ pekaniyumienemɨkɨ Yawé hetsiemieme, Mɨpaɨ Tsahuri katiniku'eriwakaitɨni: «'Aixɨa pɨyɨni nemamatsie mɨkamɨnikɨ, piritsiteutsixi matsi wahetsɨa mɨmɨnikɨ pɨta».

1 Tsamuheri 14:24

Merikɨtsɨ kuyaxi 'ixaheritsixi waɨkawa mekaneuhakakwikukaitɨni, Tsahuri mɨpaɨ mutayɨkaikɨ Kakaɨyari hɨxie kuyaxi wahetsiemieme: «Kakuyɨriwekaku 'akuxi kemɨ'ane mɨtikwani mɨkɨ Yawé 'axake'iyurieni, memɨnetsi'aye'unie nekawara'iwawekaku 'akuxi». 'Ayumieme xewitɨ tɨma 'ana tukaritsie kuya pɨkatikwakai.

Tsutɨarika 34:12

Xepɨyɨwawe tita xemɨnete'utawawirieni kɨmana, meta 'imikieri nemɨtixeminikɨ, peru yemekɨ xekeneneupitɨa 'uka ne nemɨtiwitɨnikɨ.

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

Kutsuhexi 5:3

Hikɨ Kutsuhexi tete nawaxayari kaniutiwewieni, 'ixaheritsixi xitekiya 'inɨariyari kaniwaruwewirieni 'Araruti yemuriyaritsie.

Tsutɨarika 29:18

Hikɨ Kakuwu Xakeri mɨhiwe'eriekaikɨ yutatatsi mɨpaɨ katiniutahɨawe: —'Atahuta wiyari nepɨti'uximayaka 'ahetsɨa, 'aniwe yakɨ mɨyumate Xakeri nemɨtiwitɨnikɨ.

1 Tsamuheri 18:24

Tsahuri parewiwametemama mɨpaɨ mekatenitaxatɨani, Rawiri kemɨtiku'eriwakai,

2 Tsamuheri 3:14

Metatsiere, Rawiri hipame yuhetsɨa miemete kaniwarenɨ'ani 'Itsiwutseti Tsahuri nu'aya hetsɨa, mɨpaɨ memɨteheitaxatɨanikɨ: «Ne'ɨya Mikari keneneyetuiri, xeitsienituyari piritsiteutsixi newarukwika neme'iwaxɨ».

1 Tsamuheri 19:1

Merikɨtsɨ Tsahuri yuniwe Kunatani katiniutaxatɨani meta te'i'uximayatsiriwamete yunaime Rawiri kememɨtemieni. Peru Kunatani waɨkawa Rawiri mɨnaki'eriekaikɨ,