1 Tsamuheri 18:17 - Kakaɨyari Niukieya

¹⁷ Merikɨtsɨ heiwa Tsahuri Rawiri mɨpaɨ katiniutahɨawe: —Neniwe 'amɨyumate Merawi 'ena kaniukani, nekamaniyetuirieka pemitiwitɨnikɨ, peru pekamatɨ pekaniyumienemɨkɨ Yawé hetsiemieme, Mɨpaɨ Tsahuri katiniku'eriwakaitɨni: «'Aixɨa pɨyɨni nemamatsie mɨkamɨnikɨ, piritsiteutsixi matsi wahetsɨa mɨmɨnikɨ pɨta».

1 Tsamuheri 18:17 ပူးပေါင်းရင်းမြစ်များ

1 Tsamuheri 25:28

Ne nepɨmatsiwawirie ti'a'uximayatsiriwame xɨka 'axanetiuyurieni kenetineuyehɨwirieka. Yurikɨ Yawé kamaniyetuiriemɨkɨ 'anuiwarima memɨkaheuyeweni mete'aitatɨ, nixewitɨ matsi 'ekɨ 'axapɨkamatsiyurieni, 'ekɨtsɨ Yawé hetsiemieme pekani'amieneni.

1 Tsamuheri 18:25

matsi Tsahuri mɨpaɨ katiniwarutahɨawe: —Rawiri mɨpaɨ xeketenetahɨawi: “Ne neniwekɨ tixaɨtɨ nepɨkareuyehɨwa mɨnetiyetuirienikɨ hetsiena mieme. Ne 'inɨari pɨta neneuyehɨaka piritsiteutsixi waxieyame mɨnetsi'atɨirienikɨ, xeitsienituyari kename warekwi. Mɨkɨ nepɨtiwarakapitɨani kememɨnetsi'uyuri”. Matsi Tsahuri pinakekai yuheyemekɨ Rawiri piritsiteutsixi memimienikɨ.

1 Tsamuheri 17:25

Mɨpaɨ mekaniutiyuanekaitɨni hipatɨ: «¿Mɨkɨ tewi xetexeiya 'ixaheritsixi tatsimariutatɨ tatsi'iwamɨtɨ mayeyeika? Kemɨ'ane mimieni me'iwa, ti'aitame waɨkawa katinipitɨamɨkɨ. Meta yuniwe kaniwitɨtɨamɨkɨ waniu meta 'iwamama mepɨkateyutuaka 'ikɨ kwieyaritsie».

1 Tsamuheri 18:21

mɨpaɨ katiniu'erieni: «Neniwe nepiwitɨtɨani mɨpaɨ nemɨtiwiniyakɨ, piritsiteutsixi memimienikɨ wakwinekaku». Hikɨ Tsahuri Rawiri tawarita mɨpaɨ katiniutahɨawe: —Hikɨri nemune pekanayeimɨkɨ.

1 Tsamuheri 17:47

Mɨpaɨ mekatenetimaikuni yunaitɨ hikɨ 'ena memɨ'uwa, Yawé 'ixipara meta pitsika pɨkaheuyehɨwa mɨtatsitawikweitsitɨanikɨ. Matsi Yawé pɨyumiene, mɨkɨ kanixeyetuamɨkɨ temɨxeha'iwakɨ.

Nɨawari 55:21

Yuteta witsimepɨte'eniuriɨkɨ wiya witsima'ane hepaɨ, peru yu'iyaritsie 'imieri xeikɨa mepuku'eriwa. Waniuki witsipɨ'ane hatseiti hepaɨ, peru 'ixipara mataxikakauni mepɨhɨkɨ.

Nɨawari 12:2

Meteyu'itaiyatɨwetɨ xeikɨa 'amekaniu'uwani yunaitɨ, 'aixɨa mete'uxaxatatɨtɨ kwitɨwata 'axamekaniutiyuaneni.

2 Tsamuheri 12:9

¿Merikɨte titayari Yawé niukieya petiutixani'eri, yapetiyurienetɨ tita mɨkanetinake? 'Uriyaxi heti tewiyari pekaniumieni 'ɨyaya pewitɨmɨtɨ. 'Amunitsixi wa'ixiparakɨ pekanimieni.

2 Tsamuheri 11:15

Xapa mɨpaɨ payetainekai: «'Uriyaxi kenanuyeyetsa, hakewa matsi waɨkawa memeyukwitɨwetsie. Hikɨ yuxaɨtame xekenehayewa metsekienikɨ meta memierienikɨ».

Hutarieka 'inɨari 17:7

Kemɨ'ane meri memɨtekatsutɨani memɨte'ikwinitɨanikɨ memunenierixɨ mekaniyɨkuni, hikɨ 'arike yunaitɨ teɨteri mepitituaxixɨani. Mɨpaɨ xepɨte'ekumaweriya 'axamɨti'ane xetsata muxuawe.

'Inɨatsie 32:29

—Xɨka Kahari meta Xuweni wanuiwarima Kurutanitsie yu'ɨrɨ me'u'ɨtɨ me'anukɨne memuyukwiyukɨ kwie xemɨ'axekɨ, Yawé kemaine, xeme xekaniwayetuiriekuni 'ikɨ kwie Karaha kwieyari.

'Inɨatsie 32:27

peru tame 'anɨ'arima tekananɨkɨnikuni Kurutanitsie ta'ɨrɨ te'u'ɨtɨ tekaniwatakwikuni Yawé memaye'unie, mɨkɨ kemɨti'aita.

'Inɨatsie 32:20

Muitsexi mɨpaɨ katiniwarutahɨawe: —Xɨka xeyuwaɨriyani mɨpaɨ xemuyɨni, yu'ɨrɨ xeketeneutipika hikɨmɨtɨka tekaniyukwiyuni.

'Inɨatsie 21:14

'Ayumieme puyuterɨwanɨa Yawé kemɨtiyutami xapayaritsie: «Haramara Mɨxeta hepatsie, mayeweweritsie meta haa 'Axinuni.

1 Tsamuheri 14:49

Merikɨtsɨ Tsahuri yuhaikame yuniwema 'ukitsi kaniwarayexeiya: Kunatani, 'Itsiwi meta Marikitsuha. Yuhutame meta 'ukari kaniwarayexeiya: Merawi 'amɨyumate pɨtitewakai, Mikari 'etsimɨyumate.

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

1 Tsamuheri 18:27

Hikɨ Rawiri kaneyani yukuyaxima warawitɨtɨ 'anari huta tsienituyari piritsiteutsixi kaniwarekwini, Tsahuri 'inɨari kaniyetuirieni miwawiriekaikɨ. Hikɨ Tsahuri yuniwe Mikari kaniwitɨtɨani.

1 Tsamuheri 30:26

Merikɨte manata Tsikɨraki me'u'axɨaka, Rawiri yuhamikuma 'ukirawetsixi Kura kiekatari katiniwarenɨ'airieni piinite memɨtehekaxeiyakai, mɨpaɨ tiwakɨhɨawetɨ: «'Ikɨ 'imikieri 'ena katinitipika Yawé memaye'unie wapiini temɨtehekuwikweitsitɨa».

2 Tsamuheri 6:16

Hikɨ kepauka Yawé kakunieya Rawiri kiekarieyatsie meutahaximekai, Mikari Tsahuri niweya yukiitsie wapaitɨ kananiere, hikɨ kepauka Rawiri muxei 'utitsukwakame meta tineineme Yawé hɨxie, waɨkawa kanitixani'erieni.

Temaiwawemete 26:24

Kemɨ'ane mɨtiyuka'uxiwe'erie yuniukita katini'awietani, matsi yutaɨta 'axakatiniyurimɨkɨni.

Temaiwawemete 26:25

Kepauka witsimetikuxaxatɨwa yuri pepɨkati'eririeka, 'iyarieyatsie 'axamɨti'ane mɨtihɨnekɨ.

Temaiwawemete 26:26

Tsepa 'uxiwe'erika muti'awietaxɨ yuhetsie, matsi mɨkɨ mɨirikɨa memayuxeɨrietsie katinitahekɨatsiemɨkɨ ke'axamɨtiuyuri.