1 Tsamuheri 18:1 - Kakaɨyari Niukieya

^1-2 Merikɨtsɨ Rawiri Tsahuri yuhamatɨa metekuxatatɨ mete'utahayewakari, 'anatɨtɨ Tsahuri Rawiri pɨka'upitɨa para yukie mɨyemiekɨ yupaapa hetsɨa, 'ahura xeikɨa muyeikanikɨ ti'uximayatsirietɨ. Meta Kunatani Rawiri waɨkawa naki'erietɨ kanayani meta yɨkɨmana kemɨtiyunaki'erie hepaɨ katininaki'eriekitɨni.

1 Tsamuheri 18:1 ပူးပေါင်းရင်းမြစ်များ

Temaiwawemete 18:24

Mekanixuaweni hipatɨ hamikutsixi 'axamɨraku'anetsie memumatsi'atɨanikɨ, hipatɨta hamikutsixi mekanixuaweni 'aixɨa mete'u'iyaritɨ keyuri 'a'iwa.

1 Tsamuheri 20:17

kemɨtiyunaki'eriekai yukɨmana Rawiri mɨpaɨ mɨtinaki'eriekaikɨ. Mɨya mɨtinaki'eriekaikɨ, Rawiri kaniutawawirieni mɨkɨ tɨratu hepaɨtsita yamɨtayɨnikɨ.

2 Tsamuheri 1:26

Kunatani, 'ahetsiemieme waɨkawa nepɨneheiwerie, ne'iwa hepaɨ nepɨmatinaki'eriekai. Matsi waɨkawamekɨ nepɨmatsinaki'erikai keyuri 'ukarawetsixi ketemɨtewanaki'erie.

1 Tsamuheri 18:3

Waɨkawa minaki'eriekaikɨ, tɨratu hamatɨana kaniuwewieni:

Kurutsetari 2:2

Wa'iyari mɨtuikarienikɨ, memɨyutaxewirekɨ meyunaki'erietɨ, memeuka'unikɨ yemekɨ yametemaitɨ kemɨtiheitserie, memeitimanikɨ tita Kakaɨyari mɨti'awietakai, mɨkɨ Kɨritsitu kanihɨkɨtɨniri,

Tsutɨarika 44:30

»Xɨka nepaapa hetsɨa nehenuani, tamuta xɨka kahenuani tahamatɨa tapaapa matɨa xei'iyariyari memɨhɨkɨ,

Hutarieka 'inɨari 13:6

»Xɨka 'a'iwatɨtɨ, yatɨni 'aniwe 'uki 'uka, yatɨni 'a'ɨya kwinimieme pemɨtinaki'erie, yatɨni 'ahamiku peminaki'erie yemekɨ, xɨka metsi'anayewitɨmɨkɨni 'awie mɨpaɨ metikɨhɨaweni: “Hikɨmɨ hipame kakaɨyarixi tepɨwarayexeiyani”, xɨka kakaɨyarixi pemɨkawamate waxatani meta xepaapama memɨkawaretima,

1 Kemɨtiuyɨ 12:17

Rawiri kanayeyani waranukunakeke mɨpaɨ katiniwarutahɨawe: ―Xɨka 'aixɨa 'anemekɨ xekɨyɨaka xenetsiparewienike nekanixetanaki'erimɨkɨ, peru xɨka xenetsi'aye'unietɨ xeyɨaka xenetsiyetuanike, ta'ukiyarima wakakaɨyari yakeretimani meta ketiwarukwinitɨani, netsɨ tiyumiekame nepɨkahɨkɨ.

1 Tsamuheri 19:2

mɨpaɨ Rawiri katiniutahɨawe: «Keni'akweriwayurieka nepaapa Tsahuri katinikuwauneni kehapaɨ mɨmatimieni. 'Ɨtsita muwa keneyuti'awieta 'uxa'a ximeri.

'Itsɨkate 20:11

Hikɨ yunaitɨ 'ixaheritsixi me'uyutinɨka me'utaxewireka, mɨkɨ kiekari memɨtamienikɨ.

Nɨawari 86:11

Yawé, 'ahuyeta nemumienikɨ kenetine'ɨkitɨaka nemumienikɨ 'aixɨa netikamietɨ. Ne'iyaritsie 'aixɨa netinekɨhɨaweme kenenayeitɨa nemɨmetsimakaxenikɨ.

1 Tsamuheri 14:45

Hikɨ kuyaxi Tsahuri mɨpaɨ mekateniutahɨawe: —Kehapaɨtɨtɨ Kunatani pumɨni, mɨkɨ tiuyurieku matsi 'ixaheritsixi tepɨtehayu'iwaxɨ, tepɨtemate Yawé kemɨrayeniere, meta yaxeikɨa tepɨtemate nixewitɨ tɨma kɨpaya kwiepa pɨkakawiwieni, Kakaɨyari 'iparewiekaku ke'aixɨa mɨtiuyuri. Merikɨte Kunatani kemɨtimɨnikekai menitawikweitsitɨani.

1 Tsamuheri 19:1

Merikɨtsɨ Tsahuri yuniwe Kunatani katiniutaxatɨani meta te'i'uximayatsiriwamete yunaime Rawiri kememɨtemieni. Peru Kunatani waɨkawa Rawiri mɨnaki'eriekaikɨ,

1 Tsamuheri 20:8

Metsɨ Yawé hɨxie tɨratu pekaniuwewieni nehamatɨa, kename ti'a'uximayatsiriwame nehɨkɨ, 'ayumieme waɨkawa nepɨmatsiwawirie yurikɨ pemɨnetikuxaxatɨwanikɨ. Xɨka ne 'axanetiuyurieni mɨpaɨ peretimani, 'apaapa hetsɨa pepɨkanetsiyetuayani, 'ekɨ matsi keneneumi'a.

1 Tsamuheri 22:8

Hikɨke mɨpaɨ nepɨretima yunaitɨ titayari xemɨnete'uku'eiri, titayari nixewitɨ mɨkaneraxaxatɨwa neniwe meta 'Itsahi nu'aya hamatɨa tɨratu kememɨte'uwewi. Xeme nixewitɨ tɨma pɨkaneraxaxatɨwa neniwetɨtɨ Rawiri kemɨtiuparewi netsi'aye'unietɨ mayanikɨ, hikɨ kememɨ'ane.

1 Tsamuheri 23:18

Merikɨte 'ayumieme yuhutatɨ tɨratu me'uwewieka Yawé hɨxie, Kunatani yukie kaneyani, Rawiri meta Huretsi kaniyuhayewa.