1 Tsamuheri 17:51 - Kakaɨyari Niukieya

⁵¹ Piritsiteu tewiyari manukateitsie kaniutanautsa, 'ixiparaya watihanaka kaniheyetsitɨani mu'uya kananutiwiteni. Kepauka piritsiteutsixi yu'ukiyari waɨkawa mauyutamiewe mɨkime memuxei mekaniutinautsa mekaniyuta'unaxɨani.

1 Tsamuheri 17:51 ပူးပေါင်းရင်းမြစ်များ

Hepɨrayutsixi 11:34

mekanitɨni tai tsepa mɨtɨrɨkaɨyekai, mekaniutawikweni kutsirakɨ memɨkakwi'iwakɨ, tsepa memuweraranikai meputɨrɨkariyarie, kuyakɨ memɨyɨwawe mekanakɨne, mekaniwaranukuweiya kuyaxi xaɨtsie miemete.

1 Tsamuheri 21:9

Mawari wewiwame mɨpaɨ katinita'eiya: —Kuriyati piritsiteu tewiyari 'ixiparaya xeikɨa nepexeiya, 'Era mayeweritsie pemími. Mana kanakani 'ixurikikɨ kani'eimeni, mawari wewiwame kamixaya warie kanakukani. Xɨka pe'awaɨriyani pemeikweni kaniyɨweni, 'ixiparate hipame nepɨkahexeiya. Rawiri mɨpaɨ kaniutayɨni: —Keneneukweitɨa, mɨkɨ 'aixɨa kaniyɨmɨkɨ.

2 Tsamuheri 23:21

Yaxeikɨata 'Ekipitu kiekame kwinimieme 'utewime kana'iwa. 'Ekipitutanaka tepɨa kanakwekaitɨni, matsi Wenahiyaxi kɨye xeikɨa kanakwekaitɨni, hikɨ tepɨaya 'inawairieka mɨkɨkɨ kanimieni.

Hepɨrayutsixi 2:14

Merikɨtsɨ, raniwema 'axeikɨa mekaniyuxewini xeixuriyayari meta xeiwaiyari mehɨtɨtɨtɨ, 'ayumieme mɨkɨta yaxeikɨa tahamatɨa yuxewitɨ kanayani, tahepaɨ yemekɨ, mɨpaɨ mɨtiuyurikɨ mumɨkɨ meta pɨyɨwekai mika'unanikɨ kemɨ'ane tɨrɨkariya mexeiya yemekɨ mɨtatsikwinikɨ Kauyumarietɨtɨ.

'Etsitexi 7:10

Mɨpaɨ katiniuyɨni 'Amani kɨyetsie kaniukawiyani Maxirukeyu hetsiemieme mita'aitakai. Mɨpaɨ katiniuhaxɨapieni ti'aitame mɨha'akai.

1 Tsamuheri 17:50

Rawiri mɨpaɨ katine'iwa piritsiteu tewiyari: Kanimieni tete texɨpametsie yekaimekɨ, 'ixipara kahauyehɨatɨ.

1 Tsamuheri 21:10

Hikɨ Rawiri 'ana tukariyaritsie, Tsahuri hepaɨtsita 'akuxi kaniyu'unarɨmekaitɨni, Kahati kiekariyaritsie kaneyani, mana ti'aitame 'Akihitsi hetsɨa kanekuyeixɨani.

1 Tsamuheri 31:9

Hikɨ mu'uya mekananutixiteni, piiniteya pitsikaya, 'ixiparaya meta menakekai mekateninawairieni. Naitsarie piritsiteutsixi wakwieyaritsie texaxatamete mekaniwareutanɨ'axɨani yutukiteta kakaɨyarixi memɨwayewetɨkatsie meta yunaime yuteɨterima wahɨxie.

2 Tsamuheri 4:7

Kepauka 'upaitɨ memeutahaxɨa 'Itsiwutseti kanikutsukaitɨni yu'utatsie. Muwa mekaneititseixɨani mekanimieni, hikɨ mu'uya mehanutixiteka mekaneituni. Mɨkɨ tɨkaritsie 'Arawa makumawetsie mekaniuyekɨne,