1 Tsamuheri 17:45 - Kakaɨyari Niukieya

⁴⁵ Hikɨ Rawiri mɨpaɨ katinita'eiya: —'Ekɨ mana pekanamieni 'ixipara pe'akwetɨ, pitsika 'amɨtewi meta 'ɨrɨ, ne matsi mana nekaniumieni 'ahepa Yawé Naimekɨmɨtɨrɨkaɨye ne'ayexeiyatɨ, 'Ixaheri kuyaxiyari wakakaɨyari pemɨwananaima pewakwimɨtɨ.

1 Tsamuheri 17:45 ပူးပေါင်းရင်းမြစ်များ

2 Kurinitutari 10:4

Waitsie pɨkamieme kuya tepɨaya kɨmana temɨtakwitɨwe, matsi pɨta pɨtɨrɨkawi Kakaɨyari hetsiemieme, temika'unaxɨanikɨ kuyaxi waki.

2 Kemɨtiuyɨ 32:8

Mɨkɨ teɨteri wahetsie kaniuyukutɨrɨkariyani, tameta Yawé takakaɨyari hetsie tekaneuwaɨreni, mɨkɨ kataniparewieka meta mɨkɨ pɨta kaniuyutamemiwani tahetsiemieme». 'Etsekiyaxi niukieya me'u'enieka Kura kwieyaritsie ti'aitame, 'ana teɨteri wa'iyari 'aixɨa kaniuyɨni.

2 Kurinitutari 3:5

Mɨpaɨ tepɨkateku'eriwa kename takɨmana teyɨwawe tixaɨtɨ temɨtetsutɨani. Matsi Kakaɨyari yatatipitɨakaku tepɨyɨwawe.

Piriputari 4:13

Naime nekatinikemaka Kɨritsitutsie netiwiyatɨ, mɨkɨ netsitɨrɨkariyakaku.

Nɨawari 18:2

Yawé 'ai hepaɨ kani'aneni, mɨnetsikunama, mɨnetsiwikweitsitɨa, nekakaɨyari kanihɨkɨtɨni, 'ai 'amutitɨtɨ taɨta mɨnetsi'awieta. Nehetsie kaninunuwametɨni, tɨrɨkaɨyemekɨ mɨnetsiwikweitsitɨa, mɨkɨ 'ateewa paitɨ pɨnetsi'awieta.

Nɨawari 124:8

Yawé tatsiparewiwame kanihɨkɨtɨni, muyuawi mutawewi meta kwie.

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

Kitsariyaxi 37:23

¿Kemɨ'ane 'axapepɨranutahɨawixɨa? ¿Kemɨ'ane hetsiemieme 'axapeputayɨ? ¿Kemɨ'ane pepanutahiwiexɨa meta kemɨ'ane hɨxie pepuyuta'ɨrixɨ? Mɨpatsie 'Ixaheri hetsiemieme hepaɨtsita.

1 Tsamuheri 17:10

Piritsiteu tewiyari 'imatɨrieka mɨpaɨ kaniutayɨni: «Ne hikɨ kuyaxi 'ixaheritsixi nepɨxeta'iwa, xeime xekenanayexeiya nehamatɨa mɨyutamienikɨ».

Nɨawari 3:8

Yawé, wikweitsitɨarika pɨti'apiini, 'aixɨa ketineuyuri 'ateɨterima wahetsɨa.

Temaiwawemete 18:10

Yawé kawi 'amutewi hepaɨ kani'aneni, hetsɨana mekaniutinanautsani heitseriemekɨ yamemɨtekahu memɨtawikweitsitɨarienikɨ.

Nɨawari 44:6

Ne netupi hetsie nepɨkaheuwaɨre, ne'ixipara nemɨrayu'iwakɨ pɨkanetsi'uparewiwe,

Kitsariyaxi 37:28

»”Ne nepɨtimate kepauka pemanukayeixa, kepauka pemeutahake, kepauka pemɨwayeyeika, meta kepauka nehepaɨtsita pemuyeha'arɨwe.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

1 Tsamuheri 17:6

yu'ɨkatetsie neikamanakaitɨni wurunitse tepɨayari meta pitsika 'amɨtewi matɨkɨkai wurunitse tepɨayari pɨhɨkɨtɨkai.

2 Kemɨtiuyɨ 14:10

Ti'aitame 'Atsá kanayeyani para menukunakekɨ mayeweritsie Tsepata mɨrayetewatsie, hikɨ mana 'aixɨa mekateniuyu'uitɨani Maretsa 'ehurakaku.

Nɨawari 20:8

Mɨkɨ mekana'iwarɨwani meta mekanatixɨrɨweni, peru tame tepanuku'uwe, 'atepɨti'u.