1 Tsamuheri 17:43 - Kakaɨyari Niukieya

⁴³ Mɨpaɨ katinitahɨawe 'inanaimatɨ: —¿Nekuta netitsɨkɨ titayari kɨye pe'akwetɨ mana peramie? Rawiri 'axakatinikɨhɨawekaitɨni, yukakaɨyarixima pɨwawawiriekai 'axamemiyurienikɨ.

1 Tsamuheri 17:43 ပူးပေါင်းရင်းမြစ်များ

2 Tsamuheri 9:8

Mepiwutseti mɨpaɨ katinitahɨawe 'utihɨximakeka: —Ne ti'a'uximayatsiriwame tixaɨtɨ matsi nepɨkatihɨkɨ, tsɨkɨ mɨmɨki hepaɨ xeikɨa nekani'aneni.

2 Tsamuheri 3:8

Hikɨ 'Awinexi waɨkawamekɨ 'uyeha'aka mɨya mɨtitahɨawixɨkɨ, mɨpaɨ katinita'eiya: —¿Ne tsɨkɨ netihɨkɨ Kura kiekame? Ne heitseriemekɨ Tsahuri tɨɨriyamama nepɨtiwa'uximayatsiriekai, yaxeikɨata 'iwamama, hamikumama, meta nepɨkamatsiyetuawe Rawiri hetsɨa. ¿Titayari hikɨ penerate'a kename 'ukaratsi hamatɨa ne'ukahui?

1 Tsamuheri 24:14

»¿Kemɨ'ane pepukumiene 'ixaheritsixi tiwa'aitɨwame? ¿Kemɨ'ane pepukuhupiene? Mɨkamatsi'aye'unie pepɨkuweiyane, tsɨkɨ mɨmɨki nekanihɨkɨtɨni yatɨni tepɨ.

Temaiwawemete 26:2

Wiiki mukuwiene xeikɨa yatɨni 'itsitame yu'itɨa mɨkahexeiya hepaɨ, mɨpaɨ kani'aneni tewi 'axamɨ'itɨarienikɨ yamɨtiutawawie matsi hetsiena pɨkaye'ani.

2 Te'aitamete 8:13

Katsaheri mɨpaɨ kaniutayɨni: —Ne matsi tixaɨtɨ nepɨkatihɨkɨ, ne mati'uximayatsiriwame, tsɨkɨ haweri mɨ'ane nepɨhɨkɨ. ¿Titayari mɨpaɨ petiku'eriwa nehepaɨtsita, kename 'axamɨ'anekɨ neyɨwe? 'Eritseu mɨpaɨ katinita'eiya: —Yawé mɨpaɨ kanetiniutahɨawe kename Tsiriya kwieyaritsie ti'aitame pe'ayani.

2 Tsamuheri 16:9

'Awitsahi Tsariwiya nu'aya ti'aitame mɨpaɨ katiniutahɨawe: —¿Kehapaɨtɨtɨ 'ikɨ tsɨkɨ mɨmɨki puyuwaɨriya 'axamɨmatikɨhɨawe neti'aitɨwame? Keneneupitɨa nemɨmiekɨ mu'uya nemanutixitenikɨ.

Tsutɨarika 27:29

Waɨkawa teɨteri 'ahetsɨa mekete'uta'uximayata, nuiwarite 'ahɨxie meke'utitunuma'uni. 'A'iwamatɨme peketiwaruta'aitɨani, 'amaama niwemama 'ahɨxie meke'utitunuma'uni. Kemɨ'ane 'axamɨmatsiyurieni mɨkɨta 'axapɨ'itɨarieka, meta kemɨ'ane 'aixɨa mɨmatixeiyani mɨkɨta 'aixɨa pɨ'itɨarieka».

'Inɨatsie 22:6

Waɨkawa nemetsiwawirie pemamiekɨ 'ikɨ 'axapemɨwayurienikɨ nehetsiemieme, waɨkawa pemɨtɨrɨkaɨyekɨ. Mɨpaɨke newara'iwake nepɨne'erie 'ateewapai newaranunɨ'ame. Ne mɨpaɨ nepɨtimate kemɨ'ane 'aixɨa pemuyurieni 'aixɨa'itɨarietɨ payeika, kemɨ'aneta 'axapemuyurieni 'axa'itɨarietɨ payeika».

'Itsɨkate 9:27

Yuwaxata me'anukɨneka meta kaxie takari me'utiketsika, 'ixɨarari mekanatinetɨani yukakaɨyari tukita. Kepauka memɨtekwakai meta memɨ'iekai 'Awimereki 'axamekateniutamani.

1 Tsamuheri 14:12

Merikɨte kuyaxi tehɨwemete Kunatani mekaniutahiwieni meta 'iparewiwameya: —'Ena xekenatikɨni, tepɨtehayexeiya tepɨtexetaxatɨani. Kunatani yuparewiwame mɨpaɨ katiniutahɨawe: —Ne'utɨma keneumieni, Yawé 'ixaheritsixi temɨtehayu'iwakɨ kataniupitɨani.

2 Tsamuheri 16:5

Hikɨ kepauka Rawiri ti'aitame Wakurini munua, mana xewitɨ tewi kanayeneni Tsahuri nuiwarieyatɨtɨ, Tsimi titewatɨ Kera nu'aya. Mɨkɨ 'axatikɨhɨawetɨ kanitsutɨani,

1 Te'aitamete 20:10

Hikɨ Weni-'Arari tawari niuki 'Akawi kanenɨ'airieni: «Mekenetsi'u'uximatɨani kakaɨyarixi, xɨka Tsamariyatsie 'etsiwa tumuanari 'uyuhayewa, xɨka nekuyaxima meyɨwaweni xeituiyari memanutunikɨ».

1 Tsamuheri 24:15

Yawé kehɨkɨtɨni tame teyuhutame tahetsie kerahɨani, yaxeikɨa ke'uniere kemɨ'ane 'axamɨtiyuriene, ne kenemɨtiyuriene ke'utiniere, 'aixɨa kenetsi'uyurieni meta 'ahepaɨtsita kenetsi'utawikweitsitɨani».