1 Tsamuheri 17:36 - Kakaɨyari Niukieya

³⁶ Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

1 Tsamuheri 17:36 ပူးပေါင်းရင်းမြစ်များ

1 Tsamuheri 17:10

Piritsiteu tewiyari 'imatɨrieka mɨpaɨ kaniutayɨni: «Ne hikɨ kuyaxi 'ixaheritsixi nepɨxeta'iwa, xeime xekenanayexeiya nehamatɨa mɨyutamienikɨ».

Tsakariyaxi 12:3

meta yunaitɨ nuiwarite kwiepa memɨtama mepɨyunɨni memika'unakɨ. »'Iya tukaritsie Kerutsareme tete mɨkayukemarinɨa nepayeitɨani yunaime teɨteri wahetsiemieme. Kemɨ'ane memikuyuitɨani mɨkɨ pɨwatipɨna.

Tsakariyaxi 2:8

Karikɨ Yawé Naimekɨmɨtɨrɨkaɨye mɨpaɨ kanaineni, mɨnetsiheyenɨ'a 'iya nuiwarite naime memɨxete'unawairi wahetsɨa: «Kemɨ'ane teɨteri neteɨterima memɨwa'uximatɨa, nehɨxita memeumemeni hepaɨ mekaniyɨaka.

'Etsekieri 32:19

Keniwaruta'iwawiya: “¿Kamɨtsɨ xeme matsi waɨkawa witsiti'anekame xete'erie? Hikɨtsɨ meukatewatsie xekeneukayuni xitekiya memɨkahexeiya wahamatɨa xekeneyeheni”.

Kitsariyaxi 36:18

»Xepɨka yuwaɨriyani xɨka 'Etsekiyaxi mɨpaɨ tixekɨhɨaweni: “Yawé tahetsie kanitanuamɨkɨ”. ¿Hipatɨ nuiwari kamɨtsɨ wakakaɨyarima wahetsie mete'utanua kepauka ti'aitame 'Atsiriya kiekame wahetsɨa mɨye'a?

Kitsariyaxi 36:15

'Etsekiyaxi xepɨka'enieka mɨxekemakaxɨanikɨ Yawé hetsie yuri xemɨte'eriekakɨ mɨpaɨ xetikɨhɨawetɨ: ‘Yurikɨ Yawé pɨtatsixɨna, 'ikɨ kiekari 'Atsiriyatsie ti'aitame hetsɨa pɨkakaweni.’ ”

Kitsariyaxi 10:15

¿Kamɨtsɨ tiyɨwe hatsa yɨweme muyuxatani keyuri mikumaɨwa, yatɨni tixitekeme yɨweme muyuxatani keyuri kemɨ'ane mikumaɨwa? 'Itsɨ mɨyɨweni hepaɨ mikuhananenikɨ kemɨ'ane mekwe'e, yatɨni kɨye mɨkaxani mɨyɨweni hepaɨ menukukwenikɨ waɨkawa matsi haheteme keyuri mexa.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

1 Tsamuheri 14:6

Hikɨ Kunatani yuparewiwame mɨpaɨ katiniutahɨawe: —Hikɨmɨ teɨteri Kakaɨyari memɨkamate wahɨxie tekaniuyekɨnikuni, Yawé ketatsiparewieka, mɨkɨ mɨtatsitawikweitsitɨanikɨ pɨkakwaniwe, tsepanetɨ memɨyuwaɨkawa ya'etsimemɨyupaɨme wahepaɨtsita.

1 Tsamuheri 17:35

nematsi nekanenukuweiyamɨkɨ ne'ikuwayatɨ kepaukake mitatuani. Kepauka ne 'ɨrawe netsikwaimɨtɨ mɨnetsi'anukuweiya, nepitiwaxɨani kepaukake nemimieni.

1 Tsamuheri 17:37

Kepauka maye meta hutse mɨnetsikuwiwiyakaitsie Yawé kemɨnetiutawikweitsitɨa, hikɨta yaxeikɨa 'ikɨ piritsiteu tewiyari hepaɨtsita kaneniparewimɨkɨ. Tsahuri mɨpaɨ katinitahɨawe: —Kenemietsɨ Yawé kematsihe'ɨwiyani.

1 Tsamuheri 18:17

Merikɨtsɨ heiwa Tsahuri Rawiri mɨpaɨ katiniutahɨawe: —Neniwe 'amɨyumate Merawi 'ena kaniukani, nekamaniyetuirieka pemitiwitɨnikɨ, peru pekamatɨ pekaniyumienemɨkɨ Yawé hetsiemieme, Mɨpaɨ Tsahuri katiniku'eriwakaitɨni: «'Aixɨa pɨyɨni nemamatsie mɨkamɨnikɨ, piritsiteutsixi matsi wahetsɨa mɨmɨnikɨ pɨta».

1 Tsamuheri 31:4

Tsahuri yɨhɨweme mɨpaɨ katiniutahɨawe: «'A'ixipara kenewatihanaka keneneumi'a, yaketineuyuri mexi 'iya xitekiya 'inɨariyari memɨkahexeiya meka'axɨawawe, mɨkɨ xeikɨa mekanenitinanaimakuni». Merikɨte mi'ɨwiyakai waɨkawa kanimakaitɨni, mɨkɨ mɨpaɨ mɨtiuyurieni pɨkayuwaɨriyakai, 'ayumieme Tsahuri yukɨmana yu'ixipara watihanaka kaniuyumieni.

'Etsekieri 28:10

Teewatari mekametenikwinitɨakuni, mekamenimiekuni xitekiya 'inɨariyari memɨkahexeiya, ne mɨpaɨ nemainekɨ. Yawé naimekɨmɨyɨwe mɨpaɨ kanaineni”».

2 Kemɨtiuyɨ 32:17

Yaxeikɨata Tsenakeriwi xapa kanenɨ'ani Yawé, 'Ixaheri kakaɨyarieya, hepaɨtsita 'axahaitɨ, mɨpaɨ 'utaitɨ: «Hipatɨ nuiwarite wakakaɨyarixi hepaɨ memɨka'uyɨwekaxɨa memɨwatawikweitsitɨani nehetsɨa, mɨkɨta 'Etsekiyaxi kakaɨyarieya pɨkayɨwekaxɨani yuteɨteriama muwaxɨna nehetsɨa».

Tanieri 5:23

Matsi pɨta, Kakaɨyari muyuawitsie makawe pepaye'unie, pepɨtiuta'ai tekɨxite mɨhapaniemiekɨ tukitana mieme, hetana xemɨti'ienikɨ 'ekɨ meta 'aparewiwamete, meta xe'ɨitama metatsiere xetuxexerima. 'Ekɨ pepɨ'ayetua pewanɨawatɨ kakaɨyarixi memɨwewiyatɨka, hurukɨ, pɨratakɨ, tepɨakɨ, kɨyekɨ meta tetekɨ, mɨkɨ kakaɨyarixi memɨkaheuneniere, memɨkaheu'enana meta memɨkaheti'enatɨkɨka, matsi Kakaɨyari mariweme pepɨka'ayeitɨa tukari mɨmatsipitɨa meta kepemɨti'aitani mɨmatsipitɨa.