1 Tsamuheri 17:34 - Kakaɨyari Niukieya

³⁴ Hikɨ Rawiri mɨpaɨ kaniutayɨni: —Ne nepaapa muxatsimama nekaniwahɨka. Merikɨte kepauka maye yanutsutɨni hutse muxa xeime 'uwiyame xɨka heihana,

1 Tsamuheri 17:34 ပူးပေါင်းရင်းမြစ်များ

Hepɨrayutsixi 11:33

Mɨkɨ yuri memɨte'eriekaikɨ mepɨwara'iwaxɨ kwiepa te'aitamete, heitseriemekɨ mepɨte'aitakai, meheixeiyatɨ mepakɨ kememɨte'utahɨawarie, mekaniwaruta'imaiya mayetsi memɨkawatikwanikɨ,

'Itsɨkate 14:6

Peru Yawé 'iyarieya yutɨrɨkarima Tsanitsunitsie kaninuani, mɨkɨ yumamakɨ kanimieni xewitɨ muxa nunutsi mumieni hepaɨ. Mɨkɨ pɨkatiwarutaxatɨa yupaapa yumaama kemɨranayetɨa.

1 Tsamuheri 17:33

Hikɨ Tsahuri mɨpaɨ katinita'eiya: —Pepɨkayɨwe pemitamieni 'ekɨ 'axaɨta 'ikɨ piritsiteu tewiyari. Mɨkɨ yumienetɨ kepauka mɨreitsutɨa, 'ekɨ matsi pekaninunutsitɨni 'akuxi.

1 Tsamuheri 17:35

nematsi nekanenukuweiyamɨkɨ ne'ikuwayatɨ kepaukake mitatuani. Kepauka ne 'ɨrawe netsikwaimɨtɨ mɨnetsi'anukuweiya, nepitiwaxɨani kepaukake nemimieni.

'Amuxi 3:12

Yawé mɨpaɨ kanaineni: «Muxatsi wahɨweme maye kemɨtikunawairiwa heiwa hutame 'ɨkate ya naka 'etsiyeume, mɨpaɨ mekatenitawikweitsitɨariekuni 'ixaheritsixi, Tsamariyatsie kiekatari yu'utá 'etsikinayaritsie xeikɨa meta Ramatsikutsie».

Tsutɨarika 31:39

Xeime hatsuaku nepɨka'atɨa 'ɨrawe 'itexierieya, nepɨta nepɨrayukatuayakai mɨkɨkɨ. Yaxeikɨata hekɨta tɨkarikɨ memɨnawarietɨwekai 'ekɨ mɨkɨkɨ pepɨnetsiwiyakai.

1 Tsamuheri 17:15

Tsahuri manuyeikakai kaneta'axekaitɨni, peru Wereni kani'axekaitɨni yupaapa muxatsimama mɨwahɨnekaikɨ.

2 Tsamuheri 17:8

'Ekɨ 'apaapa Rawiri pekanimaika yaxeikɨata kuyaximama: waɨkawa mekaniyɨwaweni hikɨ matsi mekaneha'aka hutse yeutanaka yuniwema munawaiyarieni hepaɨ. Metatsiere 'apaapa waɨkawa katinakumaika yumemiwame hepaɨ, xɨari tɨkarikɨ yukuyaxima wahamatɨa pɨkaheyuhayewani.

2 Tsamuheri 23:20

Wenahiyaxi Kuyara nu'aya Kawɨtseri kiekame, mɨkɨ yumemiwame pɨhɨkɨtɨkai, waɨkawa mariweme katiniuyurieni kuyakɨ. Yuhutame teɨteri memauyutakwiwawekai Muhawi kiekatari kaniwara'iwa, xeimiemeta kepauka 'ɨwi 'ukawiwieku putsu muyewakita kaneukahani maye muwa kaniumieni.

1 Kemɨtiuyɨ 11:22

Wenahiyaxi Kuyara nu'aya kuya pɨhɨkɨtɨkai Kawɨtseri kiekame. Mɨkɨ teɨteri yuhutame memeuyutakwiwawe pɨwarukwi Muhawi kiekatari, meta heiwa 'u'ɨwiyakaku putsu muyewakita heukahaka xeime maye kaniumieni.

Nɨawari 143:5

Nepɨtiku'eriwa meripaitɨ kemɨtiɨyɨ: mariweme kepemɨtiuyuri nepuku'eriwa, mɨpaɨ nepɨtimate kepemɨtiuyuri 'amamakɨ.

'Etsekieri 34:12

Muxatsi wa'ɨwiyame hepaɨ kemɨtiwata'ɨwiya meheuyexɨrieyu, mɨpaɨta ne nepɨtiwaxeiyani nemuxatsima meta naitsarie mɨpaɨ nepɨtiwatawikweitsitɨani, haiwitɨri mɨyɨyɨwi tukariyari 'aye'ayu meta tsepa kememɨteheutayeixɨakai.

Tsakariyaxi 9:7

Wateta nepɨwanawairieni wai muxuxure, meta 'ikwai mɨka'itiya. Meta piritsiteutsixi yayupaɨmetɨ mepɨyuhayewa takakaɨyari hetsiemieme, Kura kwieyaritsie kuyaxi tewa'aitɨwamete mepakɨne, meta 'Ekuruni kiekatari kewutseutsixi wahepaɨ me'anetɨ mepakɨne.

Tsakariyaxi 11:16

karikɨ ne xeime muxatsi wahɨweme nekananukakemɨkɨ 'ikɨ kwieyaritsie, mɨkɨ pɨkayu'iyaritɨaka muxatsi memɨkwixime wahetsiemieme, meta pɨkawatiwauni 'etsimemɨpepe, meta pɨkawati'uayemani memɨti'ɨkamɨrike, meta 'aixɨa memɨ'anene pɨkatiwamini, matsi pɨwatikwani kemɨ'ane memɨwaiyatɨka meta wakarutsa panutihɨnaxɨani».

Rukaxi 2:8

Merikɨtsɨ 'ana muxatsi wahɨwemete mana mekaniu'uwakaitɨni, yeuta meniwahɨtɨwekaitɨni yumuxatsi yɨwikɨta.

Wani 10:11

»Ne muxatsi wahɨweme 'aixɨa nemɨtiuka'iyari nekanihɨkɨtɨni. Muxatsi wahɨweme 'aixɨa mɨtiuka'iyari yutukari kaniyetuani muxatsi wahetsiemieme.

Xumatari 5:4

Xɨka tete'uka'eniwatɨ tetseiriyarieka, te'inɨatsietɨ tepakɨne. Xɨka te'inɨatsieka, teyɨwawetɨ tepakɨne yuri temɨte'eriekakɨ teta'ikwewatɨ.

Matsiɨkɨtɨ kemɨratɨa 13:2

Mɨkɨ yeutanaka nemuxei tɨwe hepaɨ katiniyuxexeiyakaitɨni, hutse hepaɨ re'ɨkatɨ, meta maye hepaɨ retenitɨ. Hikɨ kuu 'amɨtimariwe yɨtɨrɨkariya kanipitɨani, heitserie kanipitɨani mɨti'aitanikɨ 'uwenitsie 'akaitɨ hakewa kuu 'amɨtimariwe mɨre'aitakai, meta heitserie waɨkawamekɨ kanipitɨani.