1 Tsamuheri 16:7 - Kakaɨyari Niukieya

⁷ Peru Yawé Tsamuheri mɨpaɨ katiniutahɨawe: —Pepɨka'aku'ɨwiyani kememutɨtɨ yatɨni kememɨteyuxexeiya herie miemekɨ, ne matsi mɨkɨ nepɨkanaki'erie. Kememɨteyuxexeiyakɨ xeikɨa teɨteri mekaniyukɨ'ɨwiyani, ne matsi 'iyaritsie pɨta nekaniyɨkɨ'ɨwiyani.

1 Tsamuheri 16:7 ပူးပေါင်းရင်းမြစ်များ

Wani 7:24

Kemɨtiyuxexeiyakɨ xeikɨa niuki xepɨkawewieka, kemɨtiheitseriekɨ pɨta niuki xekenewewieka.

Keremiyaxi 17:10

«Ne Yawé, 'iyari 'awie nepɨxeiya, meta kemɨtiku'eriwa nepɨ'inɨata, yanemɨtiwapitɨanikɨ yuxexuime kememɨteyurie meta yuxexuitɨ kememɨte'ukaxuxuawere».

Rukaxi 16:15

Hikɨ Ketsutsi mɨpaɨ katiniwarutahɨawe: «Xeme yuri xekateniwa'eritɨaka teɨteri kename heitserie xeyɨa xe'utiyuatɨ, peru Kakaɨyari pimate xe'iyari. Tita teɨteri mamariwaweme memɨtexeiya, mɨkɨ pɨtixani'eriwa, Kakaɨyari kemɨtixeiya.

1 Pekuru 3:4

Matsi xekenemariwani kexemɨ'anene yutaɨta hakewa mɨkahematsiɨkɨ herie, yu'iyaritsie pɨta. Xɨka xe'iyari ka'ayu'eriyani xɨka kayuwatɨ 'umaka, mɨkɨ matsi witsipɨrekemari mɨkapɨniwekɨ, kemɨ'ane mɨpaɨ mɨ'ane, Kakaɨyari kwinimieme mariwemekɨ 'aixɨa pɨtixeiya.

Temaiwawemete 16:2

Tewi yapɨtiku'eriwa yuhetsiemieme kemɨtiyurieni kename 'aixɨa ti'ane naitɨ, matsi Yawé pimate kehepaɨtɨtɨ mɨtiyuriene.

Temaiwawemete 31:30

Katiniyukwamanani kemɨ'ane witsimɨtiyuxexeiya xeikɨa meta pɨkareutetere, matsi 'uka Yawé mayemakaxe 'aixɨa katinaniuwamɨkɨ hetsiena mieme.

1 Kemɨtiuyɨ 28:9

»'Ekɨ Tsarumuni neniwe kena'eriwani 'a'ukiyari Kakaɨyarieya. Meta kenayexeiyani naime 'a'iyarikɨ meta 'aixɨa 'anemekɨ 'a'eriwamekɨ. Karikɨ Yawé 'iyari kanixeiyani meta naime 'iyaritɨarika kanimaika. Xɨka pe'itiwauni, pɨmatsipitɨani pemitaxeiyakɨ, mexɨka pe'iku'eirieni yuheyemekɨ kamaniku'eirimɨkɨ.

1 Te'aitamete 8:39

'ekɨ keniwaru'eni muyuawitsie paitɨ, hakewa pemeyeika, meta ketiniwareuyehɨwiri. Yakeniwaruyuri yuxexuitɨ kememɨte'u'uwakai, 'ekɨtsɨ pekatinimaika, 'ekɨ xeikɨa tewi 'iyarieya pekanimaika.

Nɨ'ariekate 1:24

Hikɨ mɨpaɨ mekateniyutanenewieni: «'Ekɨ Ti'aitame yunaime wa'iyari pemɨmate. Ketaneuxeitsitɨa kemɨ'ane pemanuyexeiya 'ikɨ yuhutame wahetsie,

2 Kemɨtiuyɨ 16:9

Yawé naitsarie kwiepa kanitaniereni, mɨwaparewienikɨ hetsiena mieme yamemɨtekahu. Peru hikɨ 'ena mɨtiyehane pekanimierienemɨkɨ, 'axatiyurienetɨ muyutemawie hepaɨ pemɨtiuyurikɨ».

Hepɨrayutsixi 4:13

Tsepa kemɨtitita munetɨarie pɨkayɨwe mɨ'awietsiekakɨ mɨkɨ kemɨtixeiya, naitɨri matsi pɨmatsiɨkɨ panutiyepiya kemɨ'ane mɨtatsitahɨawe 'ixeiyakaku.

Keremiyaxi 20:12

Yawé Naimekɨpemɨtɨrɨkaɨye, 'ekɨ 'aixɨa mɨtiuka'iyari pemɨmate, tewi kemɨtiyu'iyaritɨa kemɨtiku'eriwa pemi'enie, keneneuxeitsitɨa kepemɨtiwarakapitɨani, 'ahetsɨari nekaniwayetuani kememɨnetsiyurie.

Nɨawari 139:2

Pepɨtimate kepauka 'anemayeixa meta kepauka nemanukukeka, Tsepa kemeteewa kenemɨtiyɨkɨhɨawe pepɨtimate.

Matsiɨkɨtɨ kemɨratɨa 2:23

Niwemama nepɨwakwini. Mɨpaɨ netiyurieyu yunaitɨ naitsarie memɨyutixexeɨriwa mɨpaɨ mepɨtemaika, ne nepɨhɨkɨ xe'iyari nemɨmate kexemɨteyɨkɨhɨawe. Yuxexuime nepɨtixe'apinirieni kexemɨte'uyuri.

2 Kurinitutari 10:10

Mɨpaɨ pɨraniuwa: «Xapakɨ kemaine pahete pɨtɨrɨkawi, peru yuwaiyaritsie 'uwa 'uyeikatɨ pɨkayɨwe, yuniukitsie pɨxani'eriwa».

1 Pekuru 2:4

Kɨritsitu tete mayeniere kanihɨkɨtɨni, teɨteri memitixani'eri, peru Kakaɨyari kanenayexeiya. Mariwemekɨ 'aixɨa mɨtixeiyarienikɨ. Kepauka hetsɨana xemɨye'axe

Kuwi 10:4

Tewi mɨmɨwe hepaɨ 'ahɨxite pɨka'anene, tewi kemɨtiniere hepaɨ 'ekɨ pepɨkatiniere.

2 Tsamuheri 14:25

Naitsarie 'Ixaheri kwieyaritsie tewi pumawekai 'aixɨa tiyuxexeiyatɨ 'Awitsaruni kemɨtiyuxexeiyakai hepaɨ, 'aixɨa pɨ'anekai naitɨ kemutewikai.

1 Tsamuheri 9:2

Kihitsi yuniwe pexeiyakai Tsahuri titewakame, mɨkɨ temaikɨ witsipɨtiyuxexeiyakai, 'ixaheri tewiyari nixewitɨ mɨpaɨ pɨka'anekai, kwinimieme putewikai hipatɨ xeikɨa naiparieyatsie mepuku'axekai.

Keremiyaxi 11:20

Peru 'ekɨ, Yawé Naimekɨpemɨtɨrɨkaɨye, 'aixɨa pemɨrakayuruwa kemɨtiheitseriekɨ, xewitɨ kemɨtiyumate kemɨtiku'eriwa pemɨtimate, keneneuxeiyatsitɨa kepemɨwayurieni, 'ari nekamatiniyetuirieni kenemɨranuyemie.

Temaiwawemete 15:11

Yawé naime katinimaika teukiyapa meta meukatewatsie timieme, matsi tewi kemɨtiyɨkɨhɨawe yu'iyaritsie mɨkɨ pumate.

Nɨawari 7:9

Kakaɨyari heitserie pemexeiya, 'ekɨ pemɨtimate wa'iyari kemɨtiku'eriwa, ketineukumaweriya 'axateyuruwamete ke'axamemɨteyurie keneparewieka heitserie mexeiya.

2 Kurinitutari 10:7

Xekeneuyɨ'ɨwiya tita xehɨxie mɨtixuawe. Xewitɨ xɨka yu'iyaritsie Kɨritsitu hetsɨa mieme yu'erieka, mɨpaɨta matsi yu'iyaritsie ketiyɨkɨhɨaweni, mɨkɨ Kɨritsitu hetsɨa kemɨtimieme, tameta hetsɨana temɨmiemetekɨ.

Wani 8:15

Xeme teɨteri wahepaɨ xepɨteyu'inɨata. Nepɨta tewi nepɨka'inɨata.

Tsutɨarika 4:5

peru Kahini mɨpaɨ pɨkatiuxei meta mawarieya pɨka'inakixɨ. 'Ayumieme Kahini kaniuyeha'ani, yu'uximatɨatɨ 'aniuyeikakaitɨni.

1 Tsamuheri 2:3

»Xeketeneuhayewa mariwemekɨ xetekuxatatɨ, xetemaiwaweme xeyuxatatɨ. Matsi Yawé Kakaɨyari tanaime pɨtatsimate. Pɨtimate kepauka 'aixɨa temɨteyurie, meta kepauka 'axatemɨteyurie.

2 Tsamuheri 7:20

»¿Kehepaɨ tawarita mati'uximayatsiriwame Rawiri matitahɨawe yapekatinimaikari, 'ekɨ Yawé nekakaɨyari?

2 Kemɨtiuyɨ 6:30

'ekɨ keniwaru'eni muyuawitsie paitɨ, hakewa pemeyeika, meta ketiniwareuyehɨwiri. Yaketiniwarakapitɨa yuxexuitɨ kememɨte'uyuri, 'ekɨtsɨ pekatinimaika, 'ekɨ xeikɨa tewi 'iyarieya pekanimaika.

Temaiwawemete 24:12

Tsepa mɨpaɨ pemutaine, «Ne 'atsinepɨkatimaikai», Kakaɨyari hɨrixɨa pɨtimaikai 'a'iyari kemɨtiyukɨhɨawekai. Meta 'atukari mɨ'ɨwiya yapɨtimate, mɨkɨ tewi 'akatinapiniyariemɨkɨ kemɨtiu'uximayataxɨ.

1 Kemɨtiuyɨ 17:18

¿Ketsɨkuta tawari ne ne'utayɨni ke'aixɨa pemɨnetixeiyakɨ, 'ekɨtsɨ pekanenimateni ne ti'a'uximayatsiriwame?

Kuwi 35:5

Muyuawitsie keneutinieri, kwi keneuyu'ɨwiya, haiwitɨri meutitewatsie keneutixeiya.