1 Tsamuheri 16:13 - Kakaɨyari Niukieya

¹³ Hikɨ Tsamuheri 'awa hatseiti muyema newatihana, 'iwamama wahɨxie temaikɨ kaniukawirieni. Hikɨ Yawé 'iyarieya tɨrɨkaɨyetɨ Rawiri hetsie kaninuani, mana mɨtiyehane hamatɨana 'uyeikatɨ kanayani. Mɨpaɨ tiuyurieka Tsamuheri Xama kanakunuani yukie.

1 Tsamuheri 16:13 ပူးပေါင်းရင်းမြစ်များ

1 Tsamuheri 10:6

Hikɨ Yawé 'Iyarieya 'ahetsie kaninuamɨkɨ tɨrɨkaɨyetɨ, 'ekɨta mɨkɨ wahamatɨa pekatinitaxatamɨkɨ yɨkɨ pe'anetɨ pekanayeimɨkɨ,

Hepɨrayutsixi 1:9

Pepinaki'erie tita mɨtiheitserie, pepi'uxiwe'erie tita 'aitsika mɨtititsana, Kakaɨyari 'aku kemɨ'ane mɨ'akakaɨyari pɨmatsi'anayexei, temawierika metsipitɨatɨ, 'inɨaritɨme 'ahamikuma kawaranayexeiyaka».

Wani 3:34

Kemɨ'ane Kakaɨyari meiyenɨ'a, mɨkɨ Kakaɨyari niukieyakɨ katinikuxatani, Kakaɨyari kanipitɨani yu'iyari, kemɨreupaɨme kati'inɨatatɨ.

1 Tsamuheri 10:1

Hikɨ Tsamuheri puteyu hatseiti witsimu'ɨa mayema watihanaka Tsahuri mu'uyatsie kanikawirieni. Meta kani'itseni mɨpaɨ katinitahɨawe: —Yawé kaniyɨaneni mɨmatiukawiri teɨterimama tiwa'aitɨwame pemayanikɨ.

'Itsɨkate 11:29

Hikɨ Ketexi, Yawé 'iyari 'ipitɨaku, Karaha kaniuyeyani meta Manatsexi, Mitsipa kaniuyeyani Karaha, manari 'amunitsixi wahetsɨa kaniye'ani.

'Itsɨkate 3:10

Yawé 'iyarieya 'Utunieri hetsie kaninuani, mɨpaɨ 'ayumieme 'ixaheritsixi wa'itsɨkame kanayani, kanayeyani Kutsani-Xitsatahini hetamienike 'Arami mɨti'aitametɨkai, hikɨ Yawé 'Utunieri kaniupitɨani me'iwakɨ.

'Inɨatsie 27:18

Yawé Muitsexi mɨpaɨ katiniutahɨawe: —Kutsuhexi Nuni nu'aya xekenayeitɨa, mɨkɨ yu'iyarikɨ 'aixɨa katiniyɨkɨhɨaweni. Hetsiena keneutime'i,

1 Tsamuheri 16:18

Xewitɨ ti'uximayatame mɨpaɨ kaniutayɨni: —Ne xeime temaikɨ nepɨmate 'aripakɨ reutayuitɨaweme. Peuyutamiewe pɨkama, kwinimieme rakunieretɨ, heitseriemekɨ pɨtikuxata meta xeimieme pɨrayeitɨwa. Yawé hamatɨana puyeika piparewie. Paapaya 'Itsahi pɨtitewa, Wereni kiekame.

2 Te'aitamete 9:6

Kehu 'anukukeka kaneyani yukiita paitɨ. Hikɨ Kakaɨyari niukameya muwapaitɨ hatseitikɨ kaneika'ɨya, meta mɨpaɨ kaniutayɨni: «Yawé mɨpaɨ kanaineni, 'Ixaheri Kakaɨyarieya: “Hikɨ temeniuka'ɨya 'Ixaheri kiekariyaritsie pemɨtita'aitakɨ.

1 Tsamuheri 11:6

Hikɨ kepauka Tsahuri mɨkɨ niuki mu'eni, Kakaɨyari 'iyarieya hetsiena kaninuani tɨrɨkaɨyetɨ. Ha'atɨ,

'Itsɨkate 14:6

Peru Yawé 'iyarieya yutɨrɨkarima Tsanitsunitsie kaninuani, mɨkɨ yumamakɨ kanimieni xewitɨ muxa nunutsi mumieni hepaɨ. Mɨkɨ pɨkatiwarutaxatɨa yupaapa yumaama kemɨranayetɨa.

'Itsɨkate 13:25

Yawé 'iyarieya hetsiena kanitsutɨani 'ikuyuitɨwatɨ kemɨtiyurienenikekai, kepauka Makane-Rani muyeikakai, Tsura 'Etsitahuri wahixɨapa.

'Inɨatsie 11:17

Ne 'ahamatɨa nemɨtitaxatakɨ nekananukatemɨkɨ, mɨkɨ wahetsieta yanekatiniyurimɨkɨ 'iyari pemexeiya memexeiyanikɨ, memɨmatsiparewiekakɨ 'ikɨ teɨteri mɨmatsihɨritɨa wahekɨ. Mɨpaɨ 'ekɨ 'axaɨtame xeikɨa pemɨkayɨanenikɨ.

Nɨ'ariekate 13:22

Kakaɨyari kanipata. Rawiri pɨta kananukakeni, kwiepa ti'aitame mayanikɨ wahetsiemieme. Mɨpaɨ katiniutahekɨata hepaɨtsitana: “Rawiri Kitsahi nu'aya nekaniutaxeiya, tewi kenemɨre 'iyari hepaɨ yatikamieme. Naime kemɨnetinake yakatiniyuriemɨkɨ”.

Hepɨrayutsixi 11:32

Merikɨte, ¿tita 'akuxi netitaxata? Kerehuni, Waraki, Tsanitsuni, Ketexi, Rawiri, Tsamuheri, meta Kakaɨyari niukametemama yunaime xɨka mɨkɨ newarutaxata, tukari peuyewekayeyu nehetsiemieme.

1 Tsamuheri 2:35

»Peru matsi ne xeime nepanukakeni mawari wewiwame yatikamieme, yamɨtiyurieni kemɨnetinake. Hatsuaku nuiwarieya mepɨkaheuyeweni, matsi mɨixa wiyari puyeikani kemɨ'ane nemanayexei ti'aitame hɨxie.

1 Tsamuheri 18:12

Tsahuri mɨpaɨ katinimaikaitɨni kename Yawé 'iku'eiri, Rawiri hamatɨa pɨta 'uyeikakai. 'Ayumieme Rawiri 'ayemakatɨ kanayani.

2 Tsamuheri 2:4

Merikɨte Kura kwieyaritsie kiekatari Hewuruni kiekariyaritsie mekanekɨne, mana Rawiri mu'uyatsie hatseiti mekanikawirieni, mɨpaɨ mekatenenukakeni ti'aitame mayanikɨ Kura nuiwariyari hetsiemieme. Meta mekatenitaxatɨani kename Kawetsi Karaha kwieyaritsie memɨtama Tsahuri me'ukateukixɨ.

2 Tsamuheri 5:3

Mɨpaɨ katiniuyɨni, 'ixaheritsixi 'ukirawetsixi Hewuruni kiekariyaritsie mekaniuyukuxeɨrieni ti'aitame Rawiri hamatɨa memɨtetixatakɨ, mana wahamatɨa Rawiri tɨratu kaniuwewieni Yawé hɨxie. Hikɨ 'ana hatseiti Rawiri mekaniukawirieni mu'uyatsie 'Ixaheri kwieyaritsie ti'aitame mayanikɨ.

2 Tsamuheri 12:7

Merikɨte Natani Rawiri mɨpaɨ katiniutahɨawe: —'Ekɨtsɨ mɨkɨ tewi pekanihɨkɨtɨni. Yawé mɨpaɨ kanaineni, 'ixaheritsixi wakakaɨyari: “Ne ti'aitame nekamanayeitɨani 'Ixaheri kwieyaritsie pemɨtita'aitakɨ meta nekamaniutawikweitsitɨani Tsahuri matsimiemɨkɨkaku.

2 Tsamuheri 23:1

'Ikɨ Rawiri 'imatɨrieka mieme niukieya kanihɨkɨtɨni: «Rawiri 'Itsahi nu'aya kemɨtiwarutaxatɨa yuteɨterima, witsi'anɨyɨtɨkaime nɨawari mutiwewi 'ixaheritsixi wahetsiemieme, tewi, Mɨmariwe hepaɨtsitana 'aixɨa mutayɨ meta Kakuwu Kakaɨyarieya menayexei.

Nɨawari 89:20

Rawiri nekaniutaxeiya, neti'uximayatsiriwame, nekanikawirieni ne'atseiti mɨpatsiekɨ.

1 Tsamuheri 1:19

'Uxa'arieka ximeri Yawé nenewieri me'upitɨaka menekɨne yukie Xama kiekariyaritsie. 'Erikana yɨ'ɨya matɨa Hana kaniukahuni, Yawé Hana kanaye'erieni.

1 Kemɨtiuyɨ 11:3

Merikɨte, yunaitɨ 'ukirawetsixi 'Ixaheritsie kiekatari mekanekɨne Hewuruni paitɨ Rawiri hetsɨa, hikɨ mɨkɨ mana tɨratu wahamatɨa kaniuwewieni Yawé hɨxie. Hikɨ 'ana Rawiri hatseiti mekanikawirieni, 'Ixaheri kwieyaritsie ti'aitame mayanikɨ, Yawé kemainekai Tsamuheri kemɨrahɨawekai.

Nɨawari 89:21

Nemamá yuheyemekɨ pituikani, netɨrɨkariya pitatɨrɨkariya.