1 Tsamuheri 15:8 - Kakaɨyari Niukieya

⁸ 'Akaki 'amarekitsixi teɨteriyari tiwa'aitɨwame mekaniuwiya 'ayeniereme mekaniuhayewa. Hipame yunaime teɨterimama 'ixiparakɨ mekaniwarukwini.

1 Tsamuheri 15:8 ပူးပေါင်းရင်းမြစ်များ

1 Tsamuheri 30:1

Merikɨtsɨ Rawiri kuyaximama, hairieka tukaritsie Tsikɨraki mekaniu'axɨani, mana 'amarekitsixi Nekexi kwieyaritsie mekanitahaxɨakaitɨni meta Tsikɨraki kiekariyari mekaniutataiya.

'Etsitexi 3:1

Mɨyatiuyɨkukeri ti'aitame 'Atsuheru 'Amani waɨkawa mariweme kanayeitɨani Hamerata nu'aya, 'Akaki nuiwarieya, kanipitɨani hetsɨana mɨti'uximayakakɨ matsi waɨkawa katinipitɨani keyuri hipame.

'Inɨatsie 24:7

Xariteya haa panakayeuriwe, 'imɨarieya puyutemawie haa waɨkawa mexeiyakɨ. Ti'aitame pɨmariwe 'Akaki reuyeta, mariwetɨ 'aitsikaya payuyeitɨwa.

1 Te'aitamete 20:30

Hipatɨ kuyaxi mekaniyuta'unaxɨani 'Apeki kiekariyaritsie, peru mana kiekari kuraruyari wahetsie kaniu'une kaniwarukwini xeitewiyari heimana 'atahuta miriyari. Weni-'Arari meta muyuta'unakai, mana kaniyu'awietanekaitɨni xeikɨa kiekaritsie.

1 Tsamuheri 15:3

Merikɨte xekenehu hikɨ kwitɨwa 'amarekitsixi xekenewaretakuya. Naime tita memɨtehexeiya xeketenewareka'uniri, xepɨkawarenenimayaka. Yunaime xekenewarekuya, 'ukitsi, 'ukarawetsixi, tɨɨri meta 'unetsitsixi, watuurutsixi, muxatsi, kameyutsixi meta wapuxurima”».

Kutsuhexi 11:12

Kutsuhexi yumɨireme te'aitamete wahetsɨa kaniye'ani wakwinetɨ kiekaritetsie, 'ikɨ kaniwarukwini yu'ixiparakɨ wakwitɨ mawari hepaɨ. Mɨpaɨ tiyurienetɨ mɨkɨ yakatinikayani Kutsuhexi Muitsexi, Yawé ti'uximayatsiriwame, kemɨtita'aitɨakai.

Kutsuhexi 10:39

Kiekari mekaniutanenixeiya meta mana mɨti'aitametɨkai meta 'auriena mamanetɨkatei kiekari, yunaime mana kiekatari mekaniwarukwini mawari hepaɨ. Nixewitɨ pɨka'uyuhayewaxɨ 'ayenieretɨ. Rewixi yaxeikɨa katinanuyeyani kemɨranuyeyakai Riwina meta Hewuruni meta mana te'aitamete.

1 Tsamuheri 15:20

Tsahuri mɨpaɨ katinita'eiya: —Ne Yawé nepanu'eni. Kemɨnetiuta'aitɨa 'aitsikaya nepaye'atɨa. 'Akaki tepewiyaxɨ tepenutahɨa 'amarekitsixi tiwa'aitɨwame, peru 'amarekitsixi yunaime tepɨwarekwi.

2 Tsamuheri 8:12

'Erumi, Muhawi, 'amunitsixi, piritsiteutsixi meta 'amarekitsixi. Meta Yawé katiniyetuirieni Harari-'Etsexi tiwapiini mɨtiwarenawairi, ti'aitame Xekuwi nu'aya Tsuwa kiekame.

1 Kemɨtiuyɨ 4:43

Mewarukwika 'Amareki teɨterimama memutawikwekai mana memukutekai, mana mekaniuyuhayewa, hikɨ 'akuxi mana mekanetiteni.

Mawari 27:29

Xewitɨ tewi mɨyetuiya pɨkayɨweni mɨnanaiyanikɨ, matsi mɨkɨ kanimieriemɨkɨ.

Kutsuhexi 8:23

Ti'aitame 'Ahi kiekame mekaniuwiya mekanihayewa 'ayeniereme Kutsuhexi mekaniyetuirieni.

1 Tsamuheri 22:19

Hikɨ meta Nuwi kiekariyaritsie kaneyani, mawari wewiwamete wakie, 'ixiparakɨ kaniwarekwini 'ukitsi, 'ukarawetsixi, tɨɨri meta memutinunuiwaxɨke, tuurutsixi, puxuri meta muxatsi.