1 Tsamuheri 15:33 - Kakaɨyari Niukieya

³³ Tsamuheri mɨpaɨ katinitahɨawe: —'A'ixipara hipame 'ukarawetsixi mekaniwetɨkaime pɨwaruhayewaxɨ, 'ekɨta 'amaama kaniwetɨ kaniyuhayewamɨkɨ. Kirikari mɨrakutewatsie mana Yawé hɨxie, Tsamuheri 'Akaki kaneutixitexɨani.

1 Tsamuheri 15:33 ပူးပေါင်းရင်းမြစ်များ

'Itsɨkate 1:7

Hikɨ 'Aruni-Wetseki mɨpaɨ kaniutayɨni: «Haika tewiyari heimana tamamata te'aitamete yu'itɨwame 'amɨpapa mewatiwitekiyarietɨkaitɨ meta yuketatetsie, nemexatɨa mɨranakaxɨrɨwe mekatenekukwa'akaitɨni. Kakaɨyari yaxeikɨa hikɨ pɨnetsi'uyuri». 'Ana Kerutsareme mekaneihana, manari kanemɨni.

Tsutɨarika 9:6

»Xɨka xewitɨ tewi xuriyaya 'utayeurieni, mɨkɨta xewitɨ tewi kanimiemɨkɨ, tewi mutawewiyakɨ Kakaɨyari hepaɨ 'anetɨ.

Mateu 7:2

Hipame wahetsie kexemɨte'uhɨpa, mɨpaɨta xeme xehetsie pɨrahɨiyani, kexemɨtewa'inɨatsirie hipame, yaxeikɨata xeme mɨpaɨ xepɨte'inɨatsiyarieni.

Matsiɨkɨtɨ kemɨratɨa 18:6

Tuminieyakɨ xeketenakapitɨa, tawarita matsi hepaɨna paɨmemekɨ ke'axamɨtiuyurikɨ, meta tekɨxita yuwinu hakewa meikatu'akai tawarita hepaɨna paɨmeme xekeneukawewiri.

Matsiɨkɨtɨ kemɨratɨa 16:6

Mɨkɨ 'ateɨterima meta 'aniukamete waxuriya memutayeuri, 'ekɨta xuriya pepɨwaranu'itɨa, mɨyamemɨte'uyurikɨ mɨkɨkɨ pepɨtiwarakapitɨa».

Tsatiyaku 2:13

Kemɨ'ane mɨkatiyukanenimaya, 'itsɨkame ka'inenimayatɨ pitahɨawe. Matsi kemɨ'ane mɨtiyukanenimaya, Kakaɨyari 'inenimayatɨ kanitahɨawimɨkɨ.

Keremiyaxi 48:10

»'Axake'itɨarieka kemɨ'ane yamɨkatikayani Yawé 'uximayatsikayatsie. 'Axake'itɨarieka kemɨ'ane xuriya mɨkatayeurieni yu'ixiparakɨ.

Kitsariyaxi 34:6

Yawé 'ixiparaya kanixuriyamaka, tsipuri meta muxatsi waxuriyakɨ, kaniwiyamaka, muxatsi 'ukitsi wamumé wiyayari xiteyarikɨ. Yawé mawarika puwewie Wutsira paitɨ, meta puwarukwi 'Erumi kwieyaritsie yumɨireme.

1 Te'aitamete 18:40

Hikɨ 'ana 'Eriyaxi mɨpaɨ katiniuta'aita: —Xekeniwaretiwiya Wahari niukametemama, nixewitɨ pɨkaheyuta'unani. Kepauka memɨwarutiwi, 'Eriyaxi katiniuta'aita Kitsuni 'akiyaritsie memanuhapanienikɨ, muwa kaniwarukwini.

'Inɨatsie 14:45

Hikɨ 'amarekitsixi meta kananeutsixi mana memɨkiekataritɨkai mekaniwarutakwini mekaniwara'iwa, mewaruweiyatɨ Kuxima mɨrayetewatsie paitɨ mekaniwaye'atɨani.

Memeyekɨ 17:11

Kepauka Muitsexi yumamate teikɨ metseratɨkani 'ixaheritsixi yuneukixiwima mepɨwara'iwakai, kepauka muti'uxikekai teikɨ hemetɨ 'ana mepɨtehayu'iwakai 'amarekitsixi.

1 Tsamuheri 15:32

Hikɨ mana Tsamuheri mɨpaɨ kaniutayɨni: —'Akaki 'amarekitsixi tiwa'aitɨwame xekenene'atɨiri. Kepauka Tsamuheri hepa muhanieximekai, 'Akaki mɨpaɨ pɨtiku'eriwakai ka'imienike pɨ'eriekai mɨixa tukari manukamiekaikɨri.

Keremiyaxi 18:21

'Ayumieme waniwema 'ukitsi keniwayetua haakakɨ memɨkwinikɨ, keniwaruku'eiri 'ixiparakɨ memɨkwi'iyanikɨ. Wa'ɨitama wiuraxi meke'akɨne meta yuniwema 'ukitsi mekawarexeiyatɨ, wakɨnama meke'ukwi'iwa, waniwema temari mekehekwi'iwa 'ixiparakɨ meheyukwitɨwetɨ.

'Utseyaxi 6:5

'Ayumieme nepɨxeheutaxɨriexɨa Kakaɨyari niukametemama newanɨ'akaku, nepɨxe'utiwa neniukikɨ. Kenemɨtixetaxaneta mimierɨkari hepaɨ pɨxeyurieni.

Memeyekɨ 21:24

xɨka xeime hɨxieya watituni mɨkɨta hɨxieya kewatitɨiyani, xɨka tameya 'anaye'una mɨkɨta tameya ke'anaye'unarieni, xɨka mamaya wayemura mɨkɨta mamaya yaxeikɨa, yatɨni 'ɨkaya xɨka wayemura mɨkɨta 'ɨkaya kewayemurarieni,

1 Tsamuheri 10:8

»Kenemie Kirikari 'ekɨ meri. Mana 'ahamatɨa mawari taiyariyari meta 'aixɨa temɨteyuxeiyanikɨ mawariyari nekanewewimɨkɨ, kepauka nemenuani, yanepɨmaretahɨawe kepemɨtiyurieneni. Perutsɨ 'atahuta tukari kenenetakwewieka».