1 Tsamuheri 15:26 - Kakaɨyari Niukieya

²⁶ Tsamuheri mɨpaɨ katinita'eiya: —Ne 'ahamatɨa nepɨkamie, Yawé niukieya 'ekɨ pepɨka'anu'eni, mɨkɨta 'ari pɨkamatsinaki'erie, 'ixaheritsixi wahetsie pemɨti'aitanikɨ.

1 Tsamuheri 15:26 ပူးပေါင်းရင်းမြစ်များ

'Utseyaxi 4:6

neteɨterima mepuka'unarie 'atsimekatehetimaika mepɨkwixime. »Metsɨ pepɨka'itanaki'eri tita yuri mɨraine, neta nepɨkametsinaki'erie mawari wewiwame pemɨhɨkɨtɨni. Kakaɨyari niukieya pematɨmaiyaxɨkɨ, netatsiere 'aniwema nekaniwaratɨmaiyamɨkɨ.

1 Tsamuheri 16:1

Merikɨtsɨ Yawé Tsamuheri mɨpaɨ katiniutahɨawe: —¿Kepaɨmexɨari pepuyurieka Tsahuri hetsiemieme pe'utatsuatɨ xɨkari ne 'Ixaheri kwieyaritsie mɨti'aitametɨnikɨ neka'inaki'erieka? Matsi hatseiti 'a'awata keneutahɨniyaka kenemie. Wereni huyeyari 'utɨma nekamanitanɨ'amɨkɨ 'Itsahi kie, ne mɨkɨ nu'aya xeime nepanayexei ti'aitame mayanikɨ.

1 Tsamuheri 13:14

Hikɨ peru mɨpaɨ nepɨmarahɨawe, pepɨkareutere peti'aitatɨ. Yawé xeime pɨta tewi pukuwaune minaki'atsitɨani, 'ekɨ 'aitsikaya pemɨkahaye'atɨakɨ.

2 Wani 1:11

Kemɨ'ane mitawaɨritɨani, mɨkɨ 'uximayatsikaya 'axakemɨ'anene, mɨpaɨ 'anetɨ kanayeimɨkɨ.

Keremiyaxi 6:19

Neuxei, kwiepa xemɨtama naitsarie xekeneu'enana: 'Ikɨ teɨteri wahetsie 'uximatɨarika nepɨ'atɨani, ke'axamemɨteyɨkɨhɨawekaikɨ xeikɨa, neniuki memɨka'u'enikɨ, matsi ne'ɨkitɨarika mepehɨa.

1 Tsamuheri 15:23

Yemekɨ 'aixɨa pɨka'ane xɨka yakatikamieni, memɨtehetimamateke wahepaɨ pɨ'aneni, meta muyuta'ɨre, kakaɨyarixi mɨwarayexeiyani hepaɨ pɨtiyurieneni. 'Ekɨ Yawé niukieya pemuku'eirikɨ, mɨkɨta pumatsi'uku'eiri pemɨkati'aitametɨnikɨ».

1 Tsamuheri 15:31

Hikɨ Tsamuheri kaniyuwaɨriya mɨkunuanikɨ hamatɨana, Tsahuri 'ana Yawé kaniutahɨawe.

1 Tsamuheri 2:30

»Mɨya pemɨtiuyurikɨ, hipame 'a'iwama nepɨkawapitɨani, tsepa kenemutayɨkai meripaitɨ 'atewarima kename yunaitɨ 'a'iwama 'apaapama yaxeikɨa 'aniwema menetsiparewiekakekai yuheyemekɨ. Ne Yawé 'Ixaheri Kakaɨyarieya yanekaniutayɨni. Nekaniwa'enieka memɨnetsi'enie, tixaɨtɨ nepɨkatiwarayeitɨa memɨnetsi'uxie.

Tsutɨarika 42:38

Kakuwu tawarita mɨpaɨ kaniutayɨni: —Neniwe pɨkayemie xe'utɨma. Kutseri pɨka'uyeika, mutaya xeikɨa puyuhayewane. Xɨka huyeta yɨkɨ reiyurieni, xemetsɨ pɨxehetsietɨni xɨka ne 'ukiratsi hiwerikakɨ ne'umɨni.

Nɨ'ariekate 13:22

Kakaɨyari kanipata. Rawiri pɨta kananukakeni, kwiepa ti'aitame mayanikɨ wahetsiemieme. Mɨpaɨ katiniutahekɨata hepaɨtsitana: “Rawiri Kitsahi nu'aya nekaniutaxeiya, tewi kenemɨre 'iyari hepaɨ yatikamieme. Naime kemɨnetinake yakatiniyuriemɨkɨ”.

1 Tsamuheri 28:18

'Ekɨ Yawé pemɨka'anu'enikɨ, 'amarekitsixi kemɨtiwahekakai pepɨkawarukwi, 'ayumieme hikɨ mɨkɨ mɨyakamatinikwinitɨaka.

2 Tsamuheri 12:9

¿Merikɨte titayari Yawé niukieya petiutixani'eri, yapetiyurienetɨ tita mɨkanetinake? 'Uriyaxi heti tewiyari pekaniumieni 'ɨyaya pewitɨmɨtɨ. 'Amunitsixi wa'ixiparakɨ pekanimieni.

'Utseyaxi 13:11

Neha'atɨ ti'aitame nemetsi yetuiri, neha'atɨ nemetsi'unawairi.

2 Tsamuheri 7:15

Peru ne'inaki'erietɨ nepɨka'ihayewa, Tsahuri kenemɨtiuhayewaxɨ hepaɨ, 'ekɨ pɨta hetsiena mieme heitserie nemɨmatsipitɨanikɨ.