1 Tsamuheri 15:22 - Kakaɨyari Niukieya

²² Tsamuheri mɨpaɨ katinita'eiya: «¿Tita matsi Yawé tinake: mawari taiyariyari meta hipame 'imikierite, nutsu 'aitsikaya kemaine yatepɨtekahuni? Matsi peuyewetse temi'enieka, keyuri mawari, yatemɨteyurieka peuyewetse, wai wiya matɨa pɨkaheuyewetse.

1 Tsamuheri 15:22 ပူးပေါင်းရင်းမြစ်များ

'Utseyaxi 6:6

Ne naki'eriya nepɨxewawirie, mawarika pɨkatixaɨ, matsi Kakaɨyari pɨta xekene'enieka mawari taiyariyari pɨkatixaɨ.

Temaiwawemete 21:3

Kepauka teɨteri kemɨtiheitserie yamemɨteyurie, mɨkɨ Yawé pinake keyuri mawari.

Marikuxi 12:33

Xɨka tewi 'inaki'erieka naime yu'iyarikɨ, naime kemɨtiyumatekɨ naime yutɨrɨkariyakɨ, xɨka yuhepaɨ tewi naki'erieka kemɨtiyunaki'erie hepaɨ, matsi mɨpaɨ 'aixɨa kani'aneni, keyuri mawari taiyariyari meta hipame mawarika.

Mateu 9:13

Peuyewetse 'akuxi yaxemɨtehetimanikɨ kemaine mɨkɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Ne nepɨkanua newata'inienike mɨkɨ heitseriemekɨ yamemɨtekahu, mɨkɨ 'axamemɨteyurie pɨta newata'inienike nekaninuani.

Ti'ɨkitame 5:1

Kepauka Kakaɨyari kiita pemeutahani, pe'a'ɨwiyatɨ kepemɨtiuyeikakɨ kene'enieka keyuri pe'iyetuirienike mawari 'atsimemɨkatemate wahepaɨ, mɨkɨ 'axameteyuriekame mepɨkayu'erie.

Mateu 12:7

Xɨka xeme xe'imaikake 'ikɨ niuki mɨpaɨ manuyɨne: “Ne nepɨxewawirie xeketeneuyukanenimayaka, nepɨkaxewawirie mawari”. Xɨka xeheiti'enietɨkɨkanike, mɨkɨ 'atsimemɨkate'uyuri wahetsie xepɨkate'uhɨpanikeyu.

Mateu 23:23

»Xɨa'ui xeme, 'inɨarikɨ xemɨte'ɨkitamete meta paritseutsixi, xemɨte'itawamete. Tamamatatsie mieme xeime xepɨyuwaɨriya xemixatɨanikɨ Kakaɨyari: yerɨwawena, texuxuri meta kuminu, peru xepihayewa tita matsi mɨreuyewetse 'inɨari niukiyaritsie, kemɨtiheitserie hetsiemieme, kemɨtiuyukanenimayaka meta yaxemɨtekahunikɨ kexemutiyuane. Mɨpaɨ xemɨtekahunikekai peuyewekai xekatehayewatɨ 'iya kexemɨteyurie.

Mateu 5:24

mana mɨrayutimawatɨre keneuku'eirieka 'a'imikieri. Kenemie meri, 'aixɨa xeteyuxeiyatɨ xekenakɨni yu'iwamatɨ, 'anake muwa pe'ayeneme keneutimawa.

Keremiyaxi 26:13

Hikɨ 'ayumieme xeketeneuhayewa ke'axaxemɨte'u'uwa meta kexemɨteyurie, Yawé xekeneu'enieka yukakaɨyari, hikɨ Yawé katinihayewamɨkɨ ke'axamɨxeyurienikekaikɨ.

Memeyekɨ 19:5

Xɨka hikɨ xeme naimekɨ yaxetekakɨne, netɨratu xɨka xehaye'atɨani, neteɨterima xepɨhɨkɨtɨni yunaime nuiwarite kwiepa memɨtama wahɨxie. Tsepa naitɨ kwie nehetsɨa mɨmieme,

Keremiyaxi 11:7

Kepauka paitɨ xe'ukiyarima 'Ekipitu nemɨwarayewitɨ hikɨ 'akuxi, nepɨkatihayewawe mɨpaɨ netixekɨhɨawetɨ: ‘Xekeneneu'enieka’.

Keremiyaxi 11:4

ne netiwaraka'utɨirieka xe'ukiyarima kepauka nemɨwarayewitɨtsie 'Ekipitu, mɨkɨ huxunu tepɨa muwatitaiyarɨwata”. Mɨpaɨ nekatiniwarutahɨawe: “Xekenenanu'eni meta yaxeketenekakɨni kenemɨtixe'aka'utɨiri, hikɨ 'ana xeme neteɨterima xepakɨne neta xekakaɨyari nepɨhɨkɨtɨni.

Tsutɨarika 4:4

'Aweri kani'atɨanita Yawé hetsiemieme muxa 'aixɨa mɨ'ane matɨari mieme muwaiya mawari mayanikɨ, Yawé 'Aweri 'aixɨa katiniuxeiya meta mawarieya pinakixɨ,

1 Tsamuheri 13:13

Tsamuheri mɨpaɨ katinitahɨawe: —Neuxei pepɨka'uka'iyari. Yawé 'akakaɨyari 'aitsikaya pepɨkahaye'atɨawe kemɨmatiuta'aitɨa. Yawé matsipitɨanikekai ti'aitame pemayanikɨ yuheyemekɨ 'ixaheritsixi wahetsiemieme.

1 Tsamuheri 13:12

Mɨpaɨ nepɨtiu'eri: “Piritsiteutsixi mepɨyuha'aritɨa Kirikari meye'axɨanike metatsitakwinike, peru ne Yawé mɨnetsiparewienikɨ nepɨka'itawawiriewe 'akuxi”. 'Ayumieme nepɨnewaɨri mawari nemɨwewienikɨ.

'Utseyaxi 8:13

Mepɨnetemawirie mawari taiyariyarikɨ meta 'imikierite, waiyari mekwatɨ, ne mɨkɨ pɨkanetsinake. Hikɨ ne ke'axamemɨteyurie naime nepɨkaratɨmaiya, ke'axamemɨte'uyurikɨ mɨkɨkɨ nepɨwaranutaxɨrieni, mekanakunuaxɨakuni 'Ekipitu.