1 Tsamuheri 15:13 - Kakaɨyari Niukieya

¹³ Hikɨ kepauka Tsamuheri munua, Tsahuri mɨpaɨ katinitahɨawe: —Yawé 'aixɨa kematsiyurieka. 'Ari nepɨraye'atɨa Yawé kemɨnetiuta'aitɨa.

1 Tsamuheri 15:13 ပူးပေါင်းရင်းမြစ်များ

Xuti 3:10

―Neniwe Yawé kematsi'ɨwiyani. Hikɨ hekwamekɨ kepemɨtiuyuri, pepɨ'ahekɨata kepemɨtiwiya 'amu'e hetsie, yaxeikɨata 'akɨnatɨkaitsie temari pemɨkawakuwaunekɨ, memɨkatehexeiya yatɨni memɨtehexeiya.

'Itsɨkate 17:2

mɨkɨ yumaama mɨpaɨ katiniutahɨawe: ―Xeimiriyari heimana xeitsienituyari (1.100) pɨrata tuminiyari pemunawatsiyarie meta mɨkɨ tuminikɨ 'axa'aneme pemɨyetua niuki, ne mɨkɨ pɨrata nepexeiya, ne nematsi'unawatsiri. Maamaya mɨpaɨ katinitahɨawe: ―Yawé 'aixɨa kematsiyurieka, neniwe.

Rukaxi 18:11

Merikɨtsɨ paritseu mana 'utakeka nenewieri kaniyupitɨakaitɨni mɨpaɨ 'utaitɨ: “Kakaɨyari, pamɨpariyutsi nekamanipitɨaka hipame teɨteri wahepaɨ nemɨka'anekɨ ne ―mɨkɨ mepɨtenawaya, heitseriemekɨ yamepɨkatekahu, hipame wa'ɨitama mepɨwakumaɨwa― meta nitsikere 'ikɨ tiwawame hepaɨ nepɨka'ane.

Rukaxi 17:10

Xemetari yaxeikɨa, kepauka yaxemɨteyurieka naime kexemɨte'u'aitɨarie, mɨpaɨ xekeneutiyuaneni: “Te'uximayatamete tekanihɨkɨtɨni xeikɨa, tixaɨtɨ tahetsie pɨkatinake, kemɨreuyewekai xeikɨa tepɨte'uyuri”».

Temaiwawemete 31:31

'Uka pumatiwani naitsarie kemɨtiukaxuxuawere, meta 'uximayatsikayatsie naitɨ mɨtihekɨakɨ 'aixɨa pɨraniuwani.

Temaiwawemete 30:13

Hipatɨta mekanixuaweni waɨkawa meyɨwaweme meyu'erietɨ, mɨkɨ yunaitɨ mekaniwaxeiyani mewa'uxietɨ.

Temaiwawemete 28:13

Kemɨ'ane 'axamɨti'ane mɨti'awieta hatsuaku 'aixɨa pukatiyeyani, matsi kemɨ'ane muyutahekɨata 'axamɨti'ane mɨtiku'eirieni mɨkɨ katineuyehɨwiyariemɨkɨ.

1 Tsamuheri 15:11

«Hikɨke nepɨne'iyaritɨa titayari Tsahuri ti'aitame nerayeitɨa, pɨkanetsi'enie kenemɨrehɨawe yapɨkatikamie». Tsamuheri waɨkawamekɨ puyutihɨawixɨ, tɨkarikɨ kaniukatariyarieni Yawé hahɨawetɨ mɨreiyehɨwirienikɨ.

1 Tsamuheri 15:9

'Akaki meka'umieka, Tsahuri yukuyaxima wahamatɨa mekaniwaruhayewata muxatsi 'aixɨa memɨ'anene meta wakaitsixi, tsikerutsixi memɨwaiyatɨarietɨka, meta hipame piinite mɨraye'atɨka xeikɨa. 'Ikɨ naime memɨteheuyehɨani mepɨkayuwaɨri, mɨkatiyunaki'erie 'axamɨti'anene xeikɨa mekateneuyehɨani.

Tsutɨarika 14:19

Hikɨ Kakaɨyari kaniutawawirieni 'Apɨrami 'aixɨa muyurienikɨ, mɨpaɨ 'utaitɨ: «Kakaɨyari 'Amutewi, muyuawi mutawewi meta kwie, 'Apɨrami 'aixɨa keyurieka.

Tsutɨarika 3:12

'Uki mɨpaɨ kaniutayɨni: —Mɨkɨ 'uka pemɨnetsi'uwitɨtɨa, pɨnetsi'umi nepitakwai.

Temaiwawemete 27:2

'Ekɨ 'akɨmana 'ahetsiemieme 'aixɨa pepɨkahaineni, hipatɨ pɨta 'aixɨa mekehaitɨkani 'ahepaɨtsita.

1 Tsamuheri 13:10

Kepauka Tsamuheri munua, Tsahuri katinitahayewarɨmekaitɨni mawari wewietɨ. Tsahuri kanayeyani heinakimieka, hikɨ kanitahɨawe.

1 Tsamuheri 15:20

Tsahuri mɨpaɨ katinita'eiya: —Ne Yawé nepanu'eni. Kemɨnetiuta'aitɨa 'aitsikaya nepaye'atɨa. 'Akaki tepewiyaxɨ tepenutahɨa 'amarekitsixi tiwa'aitɨwame, peru 'amarekitsixi yunaime tepɨwarekwi.

1 Tsamuheri 25:14

Hikɨ xewitɨ ti'uximayatame 'Awikahiri katiniutaxatɨani, Nawari 'ɨyaya: «Rawiri yuteɨterima makumawetsie heyeikatɨ kaniwareyenɨ'ani tati'aitɨwame memɨtawaɨritɨanikɨ, peru mɨkɨ 'axakatiniwaru'eiya.

2 Tsamuheri 2:5

Hikɨ Rawiri Kawetsi kiekatari niuki kaniwarenɨ'airieni mɨpaɨ tiwarahɨawetɨ: «Yawé 'aixɨa kexeyurieka tixe'aitɨwame Tsahuri hetsie xemɨtewiyakaikɨ meta xemeikateukixɨkɨ.

1 Tsamuheri 23:21

Tsahuri mɨpaɨ katiniwarutahɨawe: —Yawé 'aixɨa kexeyurieka waɨkawamekɨ xemɨnete'utaxatɨakɨ.