1 Tsamuheri 15:11 - Kakaɨyari Niukieya

¹¹ «Hikɨke nepɨne'iyaritɨa titayari Tsahuri ti'aitame nerayeitɨa, pɨkanetsi'enie kenemɨrehɨawe yapɨkatikamie». Tsamuheri waɨkawamekɨ puyutihɨawixɨ, tɨkarikɨ kaniukatariyarieni Yawé hahɨawetɨ mɨreiyehɨwirienikɨ.

1 Tsamuheri 15:11 ပူးပေါင်းရင်းမြစ်များ

1 Tsamuheri 13:13

Tsamuheri mɨpaɨ katinitahɨawe: —Neuxei pepɨka'uka'iyari. Yawé 'akakaɨyari 'aitsikaya pepɨkahaye'atɨawe kemɨmatiuta'aitɨa. Yawé matsipitɨanikekai ti'aitame pemayanikɨ yuheyemekɨ 'ixaheritsixi wahetsiemieme.

Tsutɨarika 6:6

kaniuta'iyarixieni titayari kwiepa tewi mɨtiutawewiekai, hikɨ 'iyarieyatsie neikwine.

Nɨawari 119:136

Haa hepaɨ ne'ukai pɨtiuhapane, 'a'aitsika mɨka'aye'atɨariwakɨ.

2 Tsamuheri 24:16

Hikɨ niuki tuayame Yawé hetsɨa mieme kaniyukuha'aritɨani Kerutsareme mɨka'unakɨ. Peru Yawé 'anatɨtɨ pɨwarutinenimayataxɨ kwiniya hepaɨtsita muwarenɨ'airiekai. Mɨpaɨ niuki tuayame katiniutahɨawe: «'Ariri ketineuhayewa». Mɨpaɨ pɨtiuyɨ 'Arahuna kewutseu tewiyari tɨriku matihena 'aurie, hakewa niuki tuayame mewekai.

Keremiyaxi 9:18

Xeiya meke'u'axɨani, tahetsiemieme meke'utitsuanani. Tahɨxita 'ukai kanitihɨnimɨkɨ, meta ta'ukai kananakaxɨrimɨkɨ,

Nɨawari 36:3

Yakɨ xeikɨa pɨtikuxata pɨtiyukananaima, 'aixɨa mɨti'ane kaneuyehɨani meta 'aixɨa mɨtiyurienenikɨ.

1 Tsamuheri 15:35

Yawé ti'aitame Tsahuri hayeitɨaka 'Ixaheri kwieyaritsie 'arike pɨka'inakixɨ, 'ayumieme hatsuaku Tsamuheri Tsahuri pɨka'uxei, matsi mɨixa puyuhiweriekai hetsiena mieme.

1 Tsamuheri 15:9

'Akaki meka'umieka, Tsahuri yukuyaxima wahamatɨa mekaniwaruhayewata muxatsi 'aixɨa memɨ'anene meta wakaitsixi, tsikerutsixi memɨwaiyatɨarietɨka, meta hipame piinite mɨraye'atɨka xeikɨa. 'Ikɨ naime memɨteheuyehɨani mepɨkayuwaɨri, mɨkatiyunaki'erie 'axamɨti'anene xeikɨa mekateneuyehɨani.

1 Tsamuheri 15:3

Merikɨte xekenehu hikɨ kwitɨwa 'amarekitsixi xekenewaretakuya. Naime tita memɨtehexeiya xeketenewareka'uniri, xepɨkawarenenimayaka. Yunaime xekenewarekuya, 'ukitsi, 'ukarawetsixi, tɨɨri meta 'unetsitsixi, watuurutsixi, muxatsi, kameyutsixi meta wapuxurima”».

Hepɨrayutsixi 10:38

Mɨkɨ heitserie mexeiya nehetsɨa miemetɨtɨ mɨkɨ kanayenierekamɨkɨ yuri mɨti'eriekɨ. Xɨka waɨripieka, ne'iyaritsie nepɨkanaki'aka kenemɨtixeiya».

Mateu 5:44

Ne matsi mɨpaɨ nepɨtixekɨhɨawe: Xekeniwanaki'erieka mɨkɨ memɨxe'aye'unie, xekeneyunenewieka mɨkɨ memɨxe'uweiya wahetsiemieme.

Keremiyaxi 13:17

Peru xɨka xeme xekahanu'enanani, 'awie nekanitatsuamɨkɨ xeme xemuyuti'ɨrekɨ, nehɨxita 'ukai panexɨani hatsiwimekɨ, Yawé muxatsimama 'ateewa memanuhapanienikɨ kayukwieyaritsie.

Keremiyaxi 9:1

Nemu'u haixa xɨka hɨkɨtɨnike, meta nehɨxite 'ukai haixayari, tukarikɨ meta tɨkarikɨ nemutsuanenikɨ, neniwe 'uka teɨterimama memukwi'iwaxɨkɨ.

Nɨawari 125:5

Peru kemɨ'ane huye mututuni 'utɨa memuhu, Yawé, keniwaranuyexɨri, 'axateyuruwamete wahamatɨa. 'Ixaheri kwieyaritsie kayuwatɨ ke'umaka.

Nɨawari 110:4

Yawé yaputayɨ kename yatikayani mɨkɨ pɨkatihayewa pɨkatipata: «'Ekɨ mawari wewiwame pekanihɨkɨtɨni yuheyemekɨ mieme, Merikitsereki hepaɨ».

Nɨawari 109:4

Newanaki'eriekakutɨtɨ 'axamepɨnetekuxata, peru ne mɨkɨ nepɨwayetua neyunenewietɨ 'ahetsɨa.

Nɨawari 78:57

Heitserie mepɨka'u'uwakai 'axamepɨte'u'iyarikai, yupaapama wahepaɨ, 'axamepɨte'u'iyarikai watupi mututuni hepaɨ mepɨ'anenekai.

1 Tsamuheri 12:23

Peru neta Yawé kenetsiparewieka nemɨkatihayewakɨ xehetsiemieme neyunenewietɨ, xɨka ne netiuhayewa Kakaɨyari hetsiemieme 'axanepɨtiyurieni. Meta huye mɨheitserie 'aixɨa mɨ'ane nepɨxe'ɨkitɨaka 'akuxi.

Kutsuhexi 22:16

―Yunaitɨ Yawé hetsɨa memuyukuxexeɨriwa mepɨtemaiku, ¿titayari xete'iku'eiri 'ixaheritsixi takakaɨyari, titayari Yawé xekate'enie xete'iku'eiri, mawari taiyame titayari xete'utawewi?

Rukaxi 6:12

Merikɨtsɨ 'ana hɨritsie kaneutiyune yutanenewienike, xeitɨkari nenewieri kanipitɨakaitɨni yukakaɨyari.

Mateu 24:13

peru kemɨ'ane tiuka'eniwatɨ mɨkatihayewa 'atsita 'imatɨrieka tukaritsie, mɨkɨ kanitawikweitsitɨariemɨkɨ.

Nɨawari 78:41

Kakaɨyari yamepɨte'inɨatatɨwekai, Mɨpatsie 'Ixaheri hetsiemieme mepɨhaxɨatɨakai.

Tsupuniyaxi 1:6

meta kemɨ'ane Yawé memuku'e'eiriwa, meta memɨka'ikuwautɨwe meta memɨkahe'iwawiya.

Kunatsi 4:2

'Ayumieme mɨpaɨ katiniuyunenewieni Yawé hahɨawetɨ: ―Neuxei Yawé. Ne 'ikɨ nepɨxatakai nekwiepa neheyeikatɨ 'akuxi. 'Ayumieme meripaitɨri nepuyuta'unakai 'Itsipaniya paitɨ, ne mɨpaɨ nemɨtimaikaikɨ Kakaɨyari 'aixɨa pemɨtiuka'iyari pemɨhɨkɨ pemɨtiyukanenimaya, pemɨkahayu'eriya meta waɨkawa pemɨtiyukanaki'erie, pemɨ'awaɨriya hipame pemɨtiwareuyehɨwirieni meta pemɨkawakwini.

Kunatsi 3:10

Hikɨ Kakaɨyari waruxeiyaka kememɨyɨkai, tatsɨari, kememɨte'uhayewakai 'axameteyurietɨ, kaniwarutinenimayata, yapɨkatiuyuri pɨkawaruka'unaxɨ kemɨtiwarahɨawekai.

'Amuxi 7:3

Hikɨ Yawé kaniwarutinenimayata, mɨpaɨ kaniutayɨni: ―Matsi mɨpaɨ pɨkatiyɨni.

Tsutɨarika 6:7

'Ayumieme Yawé mɨpaɨ kaniutayɨni: «Tewi kwiepa nemitawewi nekanekumaweriyamɨkɨ, yaxeikɨata nekatiniyurimɨkɨ yeutari wahetsie, kuterixi meta memɨte'awɨwawe. ¿Titayari netiwarutawewi?»

Memeyekɨ 32:11

Muitsexi Yawé yukakaɨyari kaninɨtɨamɨkɨkaitɨni mɨpaɨ katinitawawirieni: —Neuxei Yawé, ¿'ateɨterima wahepaɨtsita pepɨkaha'aka, pemɨwarayewitɨ 'Ekipitu 'atɨrɨkariyakɨ waɨkawa petiyurienetɨ?

Memeyekɨ 32:14

Hikɨ Yawé kaniuhaxɨapieni, katiniuhayewa yuteɨterima kemɨwayurienikekai.

1 Tsamuheri 8:6

Kepauka mɨpaɨ memɨte'itahɨawixɨ kename ti'aitame meheuyehɨwa, 'ana Tsamuheri pɨka'inakixɨ. Hikɨ Yawé nenewieri kaniupitɨani,

1 Tsamuheri 15:10

Merikɨte Yawé Tsamuheri mɨpaɨ katiniutahɨawe:

1 Kemɨtiuyɨ 21:15

Meta Kerutsareme kiekariyaritsie yuniuki tuayame kanenɨ'ani mana kiekatari mɨwakwinikɨ. Hikɨ Yawé kepauka mixei wakwineme, kemɨtiwakwinitɨakai pɨwarutinenimayataxɨ, hikɨ niuki tuayame mɨpaɨ katiniutahɨawe: «'Ariri. Ketineuhayewa 'ari». 'Ana yemekɨ, niuki tuayame Yawé hetsɨa mieme 'Uxinahani kewutseu tewiyari tɨriku matihenatsie kaniuwekaitɨni.

Kuwi 34:27

me'iweiyatɨ memɨte'uhayewaxɨkɨ 'aitsikaya memɨka'anuku'erikɨ.

Keremiyaxi 11:10

Wa'ukiyarima ke'axamemɨte'uyuri yaxeikɨa mepɨteyurie, memɨka'uyuwaɨri nehetsiemieme yamemɨtekahunikɨ. Hipame pɨta kakaɨyarixi mekaniwareweiya mekaniwarayexeiyani. 'Ixaheritsixi meta Kura xiɨyarimama, tɨratu kenemɨtiuwewi wa'ukiyarima wahamatɨa mɨkɨ mekanititsanaxɨani.

Keremiyaxi 34:16

Hikɨta ta'aurie xepaxɨri, meta kenemɨtitewa nekapatsiekame xepayeitɨa. Tawarita yuxexuitɨ waɨriyarika xepɨwapitɨa memɨxete'uximayatsiriekai 'ukarawetsixi meta 'ukitsi, xewarɨxɨnakatɨtɨ hikɨtari hekwamekɨ xepɨtewareu'aitɨa”.

'Etsekieri 18:24

»Xɨka heitserie yamɨtikamie 'aixɨa mɨti'ane tiuku'eirieni, 'axatiyurienetɨ xeikɨa xɨka hayani, mɨkɨ 'amuyeikani pɨkapitɨarieni, matsi kanimieriemɨkɨ 'axamɨtiuyurikɨ meta yamɨkatikatɨakɨ, pɨkaraye'eriwa meripaitɨ ke'aixɨa mɨtiyurienekai.

1 Tsamuheri 16:1

Merikɨtsɨ Yawé Tsamuheri mɨpaɨ katiniutahɨawe: —¿Kepaɨmexɨari pepuyurieka Tsahuri hetsiemieme pe'utatsuatɨ xɨkari ne 'Ixaheri kwieyaritsie mɨti'aitametɨnikɨ neka'inaki'erieka? Matsi hatseiti 'a'awata keneutahɨniyaka kenemie. Wereni huyeyari 'utɨma nekamanitanɨ'amɨkɨ 'Itsahi kie, ne mɨkɨ nu'aya xeime nepanayexei ti'aitame mayanikɨ.

1 Te'aitamete 11:9

Hikɨ Yawé, 'Ixaheri Kakaɨyarieya, kaniuyeha'ani Tsarumuni hepaɨtsita 'iyarieya hetsiena mieme mɨkayukɨhɨawekaikɨri, tsepanetɨ hutakɨa Tsarumuni hɨxie muyuhekɨatakai,

1 Kemɨtiuyɨ 10:13

Hikɨ Tsahuri kaniumɨni Yawé mɨka'anu'enikɨ, niukieya ka'anu'enieka, 'uka mɨtimaiwe hetsɨa kaniuta'iwauni, Yawé kaha'iwawiyatɨ, 'ayumieme tukarieya kaninawairieni meta mɨra'aitakaitsie, Rawiri pɨta kaniyetuirieni 'Itsahi nu'aya.