1 Tsamuheri 14:6 - Kakaɨyari Niukieya

⁶ Hikɨ Kunatani yuparewiwame mɨpaɨ katiniutahɨawe: —Hikɨmɨ teɨteri Kakaɨyari memɨkamate wahɨxie tekaniuyekɨnikuni, Yawé ketatsiparewieka, mɨkɨ mɨtatsitawikweitsitɨanikɨ pɨkakwaniwe, tsepanetɨ memɨyuwaɨkawa ya'etsimemɨyupaɨme wahepaɨtsita.

1 Tsamuheri 14:6 ပူးပေါင်းရင်းမြစ်များ

Mateu 19:26

Hikɨ Ketsutsi kwi waxeiyatɨ mɨpaɨ katiniwarutahɨawe: —Teɨteri mepɨkayɨwawe, peru Kakaɨyari naimekɨ kaniyɨweni.

Xumatari 8:31

¿Keri te'utiyuaneni xɨka mɨpaɨ 'aneni? Xɨka Kakaɨyari tatsinaki'erieka, ¿kepaikɨ pɨtatsi'uxiwe'erieka?

Tsakariyaxi 4:6

Hikɨ niuki tuayame mɨpaɨ kanetiniutahɨawe: «'Ikɨ Yawé kaniniukieyatɨni Tsuruwaweri hetsiemieme kanihɨkɨtɨni: »“Kuyaxi watɨrɨkariyakɨ pɨkatiyɨni meta nixeime tɨrɨkariyayakɨ, matsi Ne'iyari mupatsiekɨ pɨta —Yawé Naimekɨmɨtɨrɨkaɨye mɨpaɨ kanaineni—.

Hutarieka 'inɨari 32:30

Tewi pɨkayɨwe yuxaɨta xeimiriyari mɨwara'iwa xɨka teteya ka'ituanike. Yuhutatɨ tamamata miriyari memɨwataweiyakɨ mepɨkayɨwawe xɨka Yawé kawayetuanike.

2 Kemɨtiuyɨ 14:11

'Atsá mana Yawé yukakaɨyari kaniutahɨawe, mɨpaɨ katinitahɨawe: «Yawé, 'ekɨ xeikɨa pepɨyɨwe kemɨ'ane mɨkatɨrɨkaɨye pemuparewieni meta mɨtɨrɨkaɨye. Yawé takakaɨyari ketaneuparewi, tame 'ahetsie tepɨtewiya, meta 'aixɨa temetetahɨaweke tepeyekɨ 'ikɨ memɨyumɨire tewatakwinike. 'Ekɨ Yawé, takakaɨyari pekanihɨkɨtɨni. Pepɨka'ipitɨaka tewitɨtɨ mɨmatsi'a'iwani».

Keremiyaxi 9:26

'Ekipitu nekatinikwinitɨamɨkɨ meta Kura, 'Erumi, 'Amuni, Muhawi, meta yunaime makumawetsie memu'uwa yumu'utsie memuyukaxika. Yunaitɨ nuiwarite xitekiya 'inɨariyari mepɨkahexeiya, peru matsi 'ixaheritsixi xitekiya 'inɨariyari yu'iyaritsie mepɨkahexeiya».

2 Tsamuheri 16:12

Yawé xɨari yapɨtimate kenemɨtiuka'eniwa, 'aixɨa mɨti'anekɨ pɨta netinakapitɨwani 'axamɨti'anekɨ nehetsie kemɨrahɨiwa.

Tsupuniyaxi 2:3

Yawé xekeneutiwawa, yunaitɨ xeme tixaɨtɨ xemɨkatehayuyeitɨa 'ena kwiepa, yaxemɨteyurie 'aitsikateya kemaine. Xekeneutiwawa tita mɨtiheitserie meta 'axekeneu'uwani tixaɨtɨ xekatehayuyeitɨatɨ, heiwatɨ 'ana xe'uti'awieta, kepauka Yawé haxɨaya tukarieya maye'anitsie.

'Amuxi 5:15

'Axamɨti'ane xeketenexani'erieka matsi 'aixɨa mɨti'ane xeketenenaki'erieka. Tita mɨtiheitserie keti'aitani memati'iwawiyarɨwatsie, mɨpaɨ heiwatɨ Yawé, Kakaɨyari Naimekɨmɨtɨrɨkaɨye, Kutse nuiwarimama memuyuhayewatɨwe warutinenimayata.

Keremiyaxi 9:23

Yawé mɨpaɨ kanaineni: «Pɨkayuta'ɨreni mɨtimaiwe mɨtimaiwekɨ, meta mɨtɨrɨkaɨye yutɨrɨkariyakɨ, meta mɨxiku mɨrexeiyakɨ.

2 Te'aitamete 19:4

Heiwatɨ Yawé 'akakaɨyari 'i'enieni naime kuyaxi tiwa'aitɨwame kemutayɨ, mɨkɨ ti'aitɨwameya, 'Atsiriyatsie ti'aitame meiyenɨ'a, Kakaɨyari mayeyuri 'axamɨtitahɨawekɨ. Yawé 'akakaɨyari 'uximatɨarika ke'ipitɨani mi'enikɨ kemutayɨ. Kamɨtsɨ, nenewieri keneupitɨa tahetsiemieme teɨteri 'akuxi temɨtahayewatɨwe”».

2 Tsamuheri 1:20

»Kahati kiekariyaritsie xepɨkaheikuxatani meta 'Atsikaruni kayeyari 'utɨa mɨpaɨ xepɨkatehehiwani, 'ukari piritsiteutsixi memɨkaheyutemamawiekakɨ 'ixɨarari memɨkahewewiekakɨ mɨkɨ xitekiya 'inɨariyari memɨkahexeiya waniwema.

1 Tsamuheri 17:36

Xɨka ne mati'uximayatsiriwame nehɨkɨtɨtɨ mayetsi hutseri newatakukuyani, 'ikɨta yaxeikɨa piritsiteu tewiyari nepɨyurieni, Kakaɨyari mɨkamate hikɨ Kakaɨyari mayeniere kuyaximama mɨwananaima.

1 Tsamuheri 17:26

Hikɨ Rawiri kaniwaruta'iwawiya hamatɨana memɨti'ukai: —¿Keme'utiyuane xɨka 'ikɨ piritsiteu tewiyari 'umieni tita tiyetuiriyarieni meta 'ixaheritsixi kemɨtatinanaima mɨtihayewakɨ? ¿Ketita 'ikɨ tiyu'erie piritsiteu tewiyari Kakaɨyari mɨkamate, Kakaɨyari mayeniere kuyaximama mɨwananaima wakwimɨtɨ?

'Itsɨkate 15:18

Waɨkawa meuharimɨkɨkaikɨ, Yawé kaniutahɨawe karima: «'Ekɨ pepɨtiuyuri 'ikɨ mati'uximayatsiriwame mɨrayu'iwakɨ. ¿Kamɨtsɨta hikɨ hariyakɨ netimɨni, 'ikɨ xitekiya 'inɨariyari memɨkahexeiya wapɨretsu nerayani?»

Piriputari 3:3

Tame pɨta Kakaɨyari 'inɨarieya tepexeiya, tame pɨta tepɨhɨkɨ Kakaɨyari temayexeiya 'Iyari kemaine, tame taheyemekɨ tekaninaki'aka Kɨritsitu Ketsutsi hetsie temɨtewiyakɨ, mɨkɨ meta, yuri tepɨkate'erie herie miemetsie.

1 Tsamuheri 14:5

Mexɨakame tayeta Mikimatsi hɨxie pɨti'anekai, xewitɨta tatsutɨa hepatsie Kehewa hɨxie pɨti'anekai.

1 Tsamuheri 14:7

'Iparewiwame mɨpaɨ katinita'eiya: —'Aixɨa pɨyɨni, naime 'ekɨ yaketineuyuri kepemɨtiku'eriwa, neta nepɨnewaɨriya nemɨmatsiparewienikɨ.

1 Tsamuheri 17:46

Yawé hikɨ kwitɨwa kamaniyetuamɨkɨ, nemɨmatsimienikɨ 'amu'u nekananutixitemɨkɨ. Hikɨ kwitɨwa kuyaxi piritsiteutsixi wawaiyari nekaniwatimimɨkɨ wirɨkɨxi meta yeutari, 'ana mɨpaɨ mekatenetimaikuni naitsarie kwiepa memɨtama kename 'Ixaheri kwieyaritsie yuri Kakaɨyari 'uyeika.

1 Tsamuheri 17:47

Mɨpaɨ mekatenetimaikuni yunaitɨ hikɨ 'ena memɨ'uwa, Yawé 'ixipara meta pitsika pɨkaheuyehɨwa mɨtatsitawikweitsitɨanikɨ. Matsi Yawé pɨyumiene, mɨkɨ kanixeyetuamɨkɨ temɨxeha'iwakɨ.

1 Tsamuheri 31:4

Tsahuri yɨhɨweme mɨpaɨ katiniutahɨawe: «'A'ixipara kenewatihanaka keneneumi'a, yaketineuyuri mexi 'iya xitekiya 'inɨariyari memɨkahexeiya meka'axɨawawe, mɨkɨ xeikɨa mekanenitinanaimakuni». Merikɨte mi'ɨwiyakai waɨkawa kanimakaitɨni, mɨkɨ mɨpaɨ mɨtiuyurieni pɨkayuwaɨriyakai, 'ayumieme Tsahuri yukɨmana yu'ixipara watihanaka kaniuyumieni.

Nɨawari 135:6

Yawé naime yapɨtiyuriene kemɨtinake, taheima muyuawitsie meta 'ena kwiepa, haramaratsie meta naitsarie meukatetewatsie.

Keremiyaxi 9:25

Yawé mɨpaɨ kanaineni: «Tukari kanaye'amɨkɨ kepauka ne nemɨtiwakwinitɨani kemɨ'ane xeikɨa yuwaiyaritsie xitekiya 'inɨariyari memexeiya:

'Inɨatsie 10:32

Xɨka petatsi heweiya, tame tematsi heyetuirieni 'aixɨa mɨti'ane Yawé mɨtareyetuirieni.

'Inɨatsie 31:4

Yuxexuitɨ 'Ixaheri nuiwarimama xeimiriyari yuteɨterima mekewarenɨ'axɨani».

Kutsuhexi 14:12

'Ayumieme keneneyetuiri mɨkɨ kwie muhɨriya, Yawé kemɨnerahɨawekai 'ana. 'Anatɨtɨ mana mɨtiyehane 'ekɨ pekatinimaika kename 'anakitsixi mana mekutei, meta pekatinimaika wakiekari mɨmamariwawe 'aixɨa mɨreukunatɨka, peru matsi Yawé netsiparewiekaku nepɨyɨwe nemɨwara'iwakɨ, mɨkɨ kemɨnerahɨawekai».

2 Kemɨtiuyɨ 14:10

Ti'aitame 'Atsá kanayeyani para menukunakekɨ mayeweritsie Tsepata mɨrayetewatsie, hikɨ mana 'aixɨa mekateniuyu'uitɨani Maretsa 'ehurakaku.