1 Tsamuheri 13:5 - Kakaɨyari Niukieya

⁵ Meta piritsiteutsixi mekaniyukuha'aritɨani 'ixaheritsixi mewatakwinike. Haika miriyari kaxetate kuyaxa miemete mepuwarahapakai, meta 'ataxewi miriyari kuyaxi kawayutsixi wahetsie me'utetɨ, kuyaxi yu'ɨkama memuhu mepɨyumɨirekai mepɨkayu'inɨatsinɨakai xiekari hepaɨ. Mikimatsi mɨrakutewatsie mekaniye'axɨani, Weti-'Aweni mɨrakutewa 'aurie tau manatineika hepa, mana mekaniyuhayewa.

1 Tsamuheri 13:5 ပူးပေါင်းရင်းမြစ်များ

1 Tsamuheri 14:23

'Ana tukaritsie Yawé 'ixaheritsixi mɨpaɨ katiniwarutawikweitsitɨani, Weti-'Aweni paitɨ mekaniye'axɨani meyukwitɨwetɨ.

Kutsuhexi 11:4

Mɨkɨ meyunaitɨ mekanayeixɨani yukuyaxima mewaruwitɨtɨ meta kawayutsixi kaxetatsixi memɨyutakwinikɨ. Mekaniyumɨirekaitɨni xiekari hepaɨ mekateniyuxexeiyakaitɨni.

Kutsuhexi 18:12

Wakwie manuye'atɨka katini'anekaitɨni haa manuyeka Kurutani, meta Keriku heima kaniye'atɨkateitɨni, hɨritsie kaneutiyunekaitɨni, makumawetsie Weti-'Aweni ye'atɨkaitɨ.

'Utseyaxi 10:5

Tsamariyatari waɨkawa mekanimamaka tsikeru Weti-'Aweni kakaɨyariyari memayexeiyakɨ. Tsikeru teteyari memayexeiya waɨkawa mepɨyutihiwerieni, yaxeikɨata mawari wewiwamete memɨwarayexeiya kakaɨyarixi. Waɨkawa meyuhiwerietɨ mepɨtihiwa mɨmariwekaikɨ, wakakaɨyari xeime kwieyaritsie manutɨkienikɨ.

'Utseyaxi 5:8

»Kuxineta xekenetahɨtsi Kiweya kiekariyaritsie, Xamatsie paitɨ 'awa kehetahɨtsieni, Weti-'Aweni meta xekenetihiwa xemɨyutakwinikɨ, mɨpaɨ mete'uhiwatɨ: “Wenikamini, kene'a'ɨwiyani 'awarita”.

'Utseyaxi 4:15

»Xɨka 'ekɨ, 'Ixaheri, mɨpaɨ peyɨaneni, Kura hetsie pepɨkarahɨpani. »Kirikari xepɨkaheuhuni Weti-'Aweni tukita xepɨkaheutahakeni, mɨpaɨ xepɨkahaitɨkani xeyɨhɨritɨatɨ: “Yawé 'apuyeika”.

Keremiyaxi 15:8

Xiekari haramara mɨtika reuyeta hepaɨ meyupaɨmeme nekaniwarayeitɨamɨkɨ xewiuraxi, tuka yemekɨ tiyuka'uname nepanunɨ'ani temari wamaamama wahepaɨtsita. Yapauka wahetsie nekatinipitɨamɨkɨ 'uximatɨarika meta hiwerika.

Kitsariyaxi 48:19

Xiekari hepaɨ 'anuiwarima mepɨyupaɨmenike, 'aniwema, xiekari 'uriyari hepaɨ, kememɨtetewa hatsuaku mepɨka'akuyeitɨarienikekai, metatsiere nehɨxie mepɨkahayeitɨarienikekai».

2 Kemɨtiuyɨ 1:9

Yawé meta Kakaɨyari, ne'ukiyari Rawiri kepemɨtiutahɨawixi kenaye'atɨa, 'ekɨtsɨ ti'aitame pekanenayeitɨani teɨteri memɨyumɨire wahetsiemieme tumuanari kwiepa mieme hepaɨ.

'Itsɨkate 7:12

Mariyanitsixi, 'amarekitsixi, meta hipatɨ teɨteri tau manatineika hepatsie kiekatari mana mekanititekaitɨni mayeweritsie, mekaniyumɨirekaitɨni 'utsikari wehepaɨ mekateniyuxexeiyakaitɨni. Wakameyutsixi mepɨkayu'inɨatsinɨakai, xiekari haramara tetsita mɨtika hepaɨ.

Kutsuhexi 7:2

Kutsuhexi Keriku 'ukaitɨ kaniwarenɨ'ani 'awie nenieremete 'Ahi reyetewakaku 'ehurakaku Weti-'Aweni, Weteri hɨxie meta mɨpaɨ katiniwarutahɨawe: «Kwie xekenexeiyayu». 'Ana mekaneikuxeiya 'Ahi kiekariyari.

Tsutɨarika 22:17

'Aixɨa nepɨmatsiyurieni waɨkawamekɨ, 'anuiwarima yɨmɨireme nepuwarayeitɨani xurawetsixi muyuawitsie memɨtama wahepaɨ meta xiekari haramara tetsita mɨtika hepaɨ. Meta 'anuiwarima mepɨte'ayu'iwani kemɨ'ane memɨwaraye'unie wakiekarite mepɨwanawairieni.

Xumatari 9:27

Kitsariyaxi mɨpaɨta katiniuhiwa 'Ixaheri hepaɨtsita: «Tsepanetɨ 'Ixaheri xiɨyarimama memɨyumɨire haramaratsie mieme xiekari hepaɨ memɨyupaɨme, yayupaɨmetɨ xeikɨa mekanitawikweitsitɨariekuni.

1 Tsamuheri 7:13

Tsamuheri kepaɨmexɨa tukari 'amuyeikakai, Yawé yɨtɨrɨkariya puhekɨataxɨ piritsiteutsixi wahetsie. Tawariri 'ixaheritsixi mepɨkawara'iwaxɨ mepɨkayɨwawekairi wakwie memɨwanawairienikɨ.

1 Tsamuheri 13:2

Tsahuri 'ixaheritsixi haika miriyari kuyaxi kaniwaranayexeiya, hamatɨana mepu'uwakai huta miriyari Mikimatsi mɨrakutewatsie meta Weteri hɨriyaritsie, Kunatani hetsɨata xeimiriyari mepu'uwakai Kiweya Wenikamini kwieyaritsie. Kuyaxi memɨyuhayewaxɨ Tsahuri mɨkɨ wakie kaniwarenɨ'ani.

1 Tsamuheri 13:11

Tsamuheri matsi mɨpaɨ pɨtitati: —¿Kepetiuyuri 'ekɨ? Tsahuri mɨpaɨ katinita'eiya: —Nekuyaxima mepuyuta'unakai, 'ekɨta pekatinuawekai kepemɨtiutukaritakai, piritsiteutsixi Mikimatsi mɨrakutewatsie mekaniyuxeɨrieka.

1 Tsamuheri 17:1

Merikɨtsɨ piritsiteutsixi yukuyaxima mekaniwarukuxeɨrieni memɨyukwiyukɨ, mekaniyukuxeɨrieni Tsuku mɨrakutewatsie 'aurie, mɨkɨ kiekari Kura kwieyaritsie pɨmieme. 'Epetsiramini mɨrakutewatsie mekanitiyaxe, mɨkɨ Tsuku meta 'Atseka wahixɨapa katini'anekaitɨni.

2 Tsamuheri 17:11

»Neta mɨpaɨ pɨta nepɨtiku'eriwa: 'Ekɨ ti'aitame yunaime 'ixaheritsixi kememɨyupaɨme keniwaruta'ini, Rani kiekatari 'atsita Weritsewa meye'atɨkaime. Mekaniyumɨireni xiekari haramara tetsita mɨtika hepaɨ, meta 'ekɨ ti'aitame pekaniwaranuwitɨmɨkɨ memɨyukwiyutsie.

1 Te'aitamete 20:27

Meta ti'aitame 'Akawi yaxeikɨa yukuyaxima kaniwarukuha'aritɨani meta 'ikwai katiniwayetuirieni kepaɨmeme memɨteheuyehɨakai. Hikɨ mɨkɨta mekanayekɨne wahepa memɨwatakwinikɨ tsiriyutsixi, yatewa mekanikuyaxe wahɨxie. 'Ixaheritsixi 'etsimepɨyupaɨmekai, tsipuri xeitewayari 'etsimemɨyupaɨme wahepaɨ mepɨteyuxexeiyakai, peru tsiriyutsixi mepakutsekai makuweritsie.

Kitsariyaxi 10:28

'Ayati paitɨ kaninuamɨkɨ rayuye'uniekame, Mikuruni kaniuyeyeimɨkɨ, meta yupiinite Mikimatsi katiniku'eirimɨkɨ.

1 Tsamuheri 14:52

Kepauka Tsahuri mɨti'aitakai puyumienekai piritsiteutsixi wahamatɨa kwinimieme. 'Ayumieme kepauka Tsahuri xeime mɨxeiya tɨrɨkaɨyeme, mɨkɨ kaniwaruta'iniwakaitɨni kuya hetsiena mieme mayanikɨ.