1 Tsamuheri 12:23 - Kakaɨyari Niukieya

²³ Peru neta Yawé kenetsiparewieka nemɨkatihayewakɨ xehetsiemieme neyunenewietɨ, xɨka ne netiuhayewa Kakaɨyari hetsiemieme 'axanepɨtiyurieni. Meta huye mɨheitserie 'aixɨa mɨ'ane nepɨxe'ɨkitɨaka 'akuxi.

1 Tsamuheri 12:23 ပူးပေါင်းရင်းမြစ်များ

Kurutsetari 1:9

Yatetehetimaika 'anapaitɨ hikɨke, tame 'ayumieme tepɨkatehayewa tetanenewietɨ xehetsiemieme, mɨpaɨ tete'iwawirietɨ Kakaɨyari, xemɨhɨpɨnenikɨ yaxetemaitɨ tita mɨtinake Kakaɨyari, naimekɨ xetemaiwawetɨ, 'Iyaritsie timieme xetemaitɨ naimekɨ,

Xumatari 1:9

Ne'iyarikɨ Kakaɨyari hetsiemieme nepɨti'uximaya, niuki nu'aya hetsiemieme 'aixɨa manuyɨne nekuxatatɨ. Mɨkɨ Kakaɨyari mɨpaɨ pɨtihekɨata, kenemɨtixeha'eriwa nekatihayewatɨ kepauka nemɨnenenewie neheyemekɨ,

2 Timuteu 1:3

Mɨkɨ Kakaɨyari nepayexeiya ne'iyari 'itiyakaku, ne'ukiyarimata kememɨteheyexeiyakai. Mɨkɨ pamɨpariyutsi nekanipitɨaka nematsiha'eriwatɨ nekatihayewatɨ tukarikɨ tɨkarikɨ kepauka nemɨnenenewie.

1 Tetsarunikatari 3:10

Tukarikɨ tɨkarikɨ panuyuhayewa ta'iwaurika, te'iwawiriekaku temixeiyakɨ xenierika, temɨxe'aye'atɨirienikɨ tita mɨreuyewetse yuri xete'eriekaku.

1 Te'aitamete 8:36

'ekɨ keniwaru'eni muyuawitsie paitɨ meta ketiniwareuyehɨwiri ke'axamemɨte'uyuri mate'uximayatsiriwamete, 'ateɨrima 'ixaheritsixi. Keniwaruwitɨximeni huye 'aixɨa mɨ'ane memuweiyanikɨ meta wiyeri kenanɨ'a 'ikɨ kwieyaritsie, mɨti'apiini, 'ekɨtsɨ pekaniwayetuirieni 'ateɨterima mɨtiwahetsiemiemetɨnikɨ.

Nɨ'ariekate 12:5

Mɨkɨ ni'ɨwiyariekaitɨni katsariyanata. Memɨyutixexeɨriwakai mekatehayewatɨ nenewieri mepipitɨakai Kakaɨyari hetsiena mieme.

Nɨawari 34:11

Xekenakɨni tɨɨri, xekeneneu'eni, Yawé kehepaɨ mɨrayemakaxenikɨ nepɨtixeta'ɨkitɨani.

Keremiyaxi 6:16

Yawé mɨpaɨ kanaineni: «Huyeta xekenewa'uti hikɨ xekeneutanierixɨa, xekeneuta'iwau huye meripai mieme hepaɨtsita. Xekeneuta'iwau huye 'aixɨa mɨ'ane hepaɨtsita, hikɨ mɨkɨ xepɨka'uku'e'eiriwani. Mɨpaɨ xepɨte'ikaxeiya 'uxipiya xemuku'eriwa. Peru mɨkɨ mɨpaɨ mekaniutiyuani: “Hawaikɨ tepɨka'enukuweiya”.

2 Kemɨtiuyɨ 6:27

'ekɨ keniwaru'eni muyuawitsie paitɨ meta ketiniwareuyehɨwiri ke'axamemɨte'uyuri mate'uximayatsiriwamete, 'ateɨrima 'ixaheritsixi. Keniwaruwitɨximeni huye 'aixɨa mɨ'ane memuweiyanikɨ, meta wiyeri kenanɨ'a 'ikɨ kwieyaritsie, mɨti'apiini, 'ekɨtsɨ pekaniwayetuirieni 'ateɨterima mɨtiwahetsiemiemetɨnikɨ.

Kurutsetari 1:28

Tame tekanihekɨatani Kɨritsitu, ketemɨtewaku'imaiya yunaime teɨteri, ketemɨtewa'ɨkitɨa yunaime teɨteri tetemaiwawetɨ naimekɨ, temɨwaraye'atɨanikɨ yunaime teɨteri me'aye'arɨkame Kɨritsitu hetsie metewiyame.

Nɨ'ariekate 20:20

Nepɨkaneku'imawakai, nepɨnewaɨriyakai nemɨtixetahekɨatɨanikɨ tita mɨreuyewekai, teɨteri wahɨxie meta xekiiteta nekatinixe'ɨkitɨakaitɨni.

Ti'ɨkitame 12:10

Tsiepɨre hipame niukite kaniutaxeiya 'aixɨa 'anuyɨtɨkaime, mɨkɨta kaniti'utɨani yumarima yuri mainekɨ.

Temaiwawemete 4:11

Ne nepɨmati'ɨkitɨa petimaiwetɨ 'apemuyeikanikɨ, nepɨmetsi'uwitɨxime huye mɨheitserie pemuweiyanikɨ.

1 Kurinitutari 9:16

Tsepa niuki 'aixɨa manuyɨne nemɨkuxata, matsi mɨkɨkɨ nepɨkayɨwe 'aixɨa nemɨtikuxatanikɨ nehepaɨtsita. Waɨriyarika matsi nepitɨarietɨ nekatinikuxatani. Xɨa'ui, nehetsiemieme 'aixɨa pɨka'anenikeyu, xɨka niuki 'aixɨa manuyɨne nekakuxatanike.

Memeyekɨ 32:30

'Uxa'arieka tukaritsie, Muitsexi mɨpaɨ katiniwarutahɨawe 'ixaheritsixi teɨteriyari: «Xemetsɨ kwinimieme 'axaxekateniuyurieni. Peru hikɨ hɨritsie nekanimieni Yawé nemetahɨawekɨ, heiwatɨ xereuyehɨwirieni Kakaɨyari ke'axaxemɨte'uyuri».

1 Tsamuheri 12:19

'Ayumieme Tsamuheri mɨpaɨ mekateniutahɨawe: —Yawé 'akakaɨyari nenewieri keneupitɨa tahetsiemieme mate'uximayatsiriwamete mɨkatatsikwinikɨ. Tame teyunaitɨ 'axatepɨte'uyuri 'akuxi matsi ti'aitame temuta'iwaukɨ yemekɨ 'axatepɨte'uyuri.

Keremiyaxi 15:1

Yawé mɨpaɨ kanetiniutahɨawe: «Tsepa Muitsexi meta Tsamuheri nehɨxie memɨteti'ui, ne nepɨkawarutinenimayatawe 'ikɨ teɨteri. Hikɨ keniwaranunɨ'a nehɨxie memɨka'u'uwanikɨ. Mekeheuhuni.

Keremiyaxi 27:18

Xɨka yurikɨ Kakaɨyari niukametemama mehɨkɨtɨni meta Yawé niukieya mehexeiyani, Yawé Naimekɨmɨtɨrɨkaɨye nemɨhɨkɨ mekenetsi'utawawirieni Wawiruniya mɨkaranutɨkienikɨ Yawé netukita 'akuxi mɨtiyuhayewane meta Kura kwieyaritsie ti'aitame paratsiyuyata meta Kerutsareme.

Keremiyaxi 42:4

Keremiyaxi mɨpaɨ katiniwaruta'eiya: —'Aixɨa pɨ'ane. Yawé nekanitahɨawimɨkɨ, xekakaɨyari, kexemaitɨka. Nepɨtixetaxatɨani naime kemɨnetitahɨawe, nitixaɨtɨ nepɨkatixe'anukanamirieni.

1 Tsamuheri 8:6

Kepauka mɨpaɨ memɨte'itahɨawixɨ kename ti'aitame meheuyehɨwa, 'ana Tsamuheri pɨka'inakixɨ. Hikɨ Yawé nenewieri kaniupitɨani,

Nɨawari 34:12

Kemɨ'ane tukari meuyehuwa, kemɨ'ane tukari witsi'anemetsie meuyeimɨkɨ,

Nɨawari 122:6

Kerutsareme hetsiemieme tepuyunenewieka kayuwatɨ mexeiyanikɨ: «'Aixɨa 'anemekɨ memu'uwanikɨ kemɨ'ane memɨmetsinaki'erie.

Kitsariyaxi 30:21

Tsepa tatserieta pemeukuyunixɨ yatsepa ta'utata, 'anakata mɨpaɨ pepɨti'ena niuki mɨpaɨ matikɨhɨaweme: «'Ikɨ mɨkɨ huye kanihɨkɨtɨni, keneuweiyani».