1 Tsamuheri 12:22 - Kakaɨyari Niukieya

²² Yawé pinake memeitimanikɨ teɨteri yemekɨ, 'ayumieme yuteɨterima pɨkawarexɨrieni, matsi pɨta yuteɨterima pɨxe'ayeitɨa xeme 'aixɨa 'iyarikɨ.

1 Tsamuheri 12:22 ပူးပေါင်းရင်းမြစ်များ

Piriputari 1:6

Mɨpaɨ yuri nekatini'erieka: kemɨ'ane mitsutɨa xekuyuitɨwatɨ 'aixɨa 'anemekɨ ti'uximayatɨ xehetsie, mɨkɨ katinaye'atɨakamɨkɨ kepaukake Kɨritsitu Ketsutsi munuani.

Nɨawari 106:8

Peru Kakaɨyari pɨwarutawikweitsitɨa, yuhetsiemieme mariweme mayuyeitɨanikɨ, yutɨrɨkariya matsiɨkɨme mayeitɨanikɨ.

Hutarieka 'inɨari 14:2

xeme karikɨ teɨteri xemɨpatsie xekanihɨkɨtɨni Yawé xekakaɨyari hetsiemieme. Mɨkɨ kanixe'anayexeiya yunaime hipame kwiepa memɨtama watsata, xeme yemekɨ hetsɨana miemete xemɨhɨkɨtɨnikɨ.

1 Te'aitamete 6:13

Ne 'ana 'ixaheritsixi wahamatɨa nepukani meta hatsuaku nepɨkawaku'eirieni neteɨrima 'ixaheritsixi».

Xumatari 11:29

Kakaɨyari pɨkayupata kemɨtiwamikwa meta kemɨtiwa'inie.

Keremiyaxi 14:21

'Aixɨa pemɨrahɨawarɨwanikɨ pepɨkatatsihexɨrɨwani, 'a'uweni mɨmariwe pepɨkananaimaka. Kenaye'eri tɨratu kepemɨtiuwewi tahamatɨa. Pepɨkaheihɨpani.

Kutsuhexi 7:9

Kananeutsixi mepɨtetamarieni kiekari 'ahurawa mumanetɨkatsie mepɨtehetamarieni, hikɨ tahetsɨa mepɨye'axɨani mepɨtatsikwini. Hikɨtari keraniuwani 'ahepaɨtsita.

'Epetsutari 1:12

Tame meri yuri temɨte'uta'eri Kɨritsitu hetsie, tame tekananayexeiyarieni 'aixɨa temutiyuanenikɨ 'iya hepaɨtsita witsikemɨ'ane.

'Etsekieri 20:14

Peru mɨpaɨ netinehɨaweka mɨpaɨ nepɨtiuyuri 'axamɨkaraniuwanikɨ nehetsiemieme hipame nuiwarite wahɨxie, nekapatsiekame memɨkanetsi'eriekakɨ kemɨ'ane memɨnetsi'uxei 'Ekipitu nemɨwarayewitɨtsie.

'Etsekieri 20:9

Matsi mɨpaɨ netinehɨaweka, mɨpaɨ nepɨtiuyuri hipatɨ nuiwarite 'ixaheritsixi mana watsata memɨtitekai 'axamemɨkahaitɨkanikɨ, wahetsiemieme. Kepaukatsɨ 'ixaheritsixi nemɨwarayewitɨ 'Ekipitu hipame nuiwarite wahɨxie nekatiniuyurieni.

Kitsariyaxi 43:25

»Ne matsi nekɨmana nemɨnenaki'eriekɨ 'aitsikaya pemutitsanaxɨkɨ nekananuyeitɨani, meta tawariri 'axakepemɨtiuyurikɨ nepɨkaha'eriwa.

Nɨawari 94:14

Yawé yuteɨterima pɨkawaku'eirieni, mɨwaranayexei pɨkawanutuita.

1 Pekuru 2:9

Xeme pɨta xeime nuiwari xekanihɨkɨtɨni xemanayexeiyarie, Mawari wewiwamete ti'aitamete hetsɨamiemete, nuiwari xemɨpatsie, Kakaɨyari yuteɨterima mɨxe'ayeitɨa, xemɨtehekɨatanikɨ mariwemekɨ kemɨtiyuriene kemɨ'ane mɨxe'uta'ini xemɨtehayewakɨ yɨwipa xe'u'uwatɨ, mɨkɨ hekɨariyayatsie pɨta xemu'uwanikɨ mɨmariwetsie.

Mateu 11:26

Huu, ne'ukiyari, pepɨ'awaɨriyakai mɨpaɨ pemɨtiyurienenikɨ.

1 Kurinitutari 4:7

¿Kamɨtsɨ kepaikɨ pe'anuyehaitɨrɨweme pɨmatsi'ayeitɨa? ¿Tita perexeiya pekatimikiewetɨ? Merikɨte, xɨka petiumikieni, ¿ketitayariri pemariweme peti'axata, pekatikumikiwame pe'axatatɨ?

2 Kemɨtiuyɨ 15:2

hikɨ mɨkɨ kaneyani 'Atsá manukunakekɨ, 'itaxeiyaka mɨpaɨ katinitahɨawe: «'Atsá, meta Kuratsie kiekatari meta Wenikamini nuiwarimama, xekeneneu'eni. Xehamatɨa Yawé kaniuyeikamɨkɨ, peru xɨka xeme hamatɨana xe'u'uwani. Xɨka xeme xe'enukuwauni, mɨkɨ xemitaxeiyakɨ kanixepitɨamɨkɨ, peru xɨka xe'iku'eirieni, mɨkɨta kanixeku'eirimɨkɨ.

Memeyekɨ 32:12

¿Mɨpaɨ memɨka'utiyuanenikɨ 'ekipitutari, kari mɨkɨ pɨwarayewitɨ wakwimɨtɨ yeuta paitɨ, 'ena kwiepa memeuyewenikɨ? Pepɨkaha'aka ketineunewi. Keneuyɨnɨtɨa, 'ateɨterima wahetsiemieme 'axapepɨkatiyurieneni.

'Epetsutari 1:6

Kataniupitɨani 'aixɨa temutiyuanenikɨ hepaɨtsitana, witsikemɨtatimikwa. Mɨpaɨ pɨtatiumi, kemɨ'ane mɨnaki'eriwatsie temɨtewiyakɨ.

Wani 15:16

Xeme xepɨkanetsi'anayexei. Nepɨta nekanixe'anayexeiya. Nepɨxe'uhɨritɨa xemɨyehukɨ, xemutixuxuawerenikɨ, xehetsɨa mieme 'ikwaxi yuheyemekɨ mɨyuhayewanikɨ, tsepanetɨ ketita xemɨte'itawawirieni ne'ukiyari nehetsɨa xemiemetetɨtɨ katinixepitɨamɨkɨ.

Marakiyaxi 1:2

Yawé mɨpaɨ kanaineni: «Ne nekanixenaki'erieka». «Xemeta mɨpaɨ xeputiyuane: “¿Kehepaɨ petatinaki'erie?” »'Etsahu kanihɨkɨtɨkaitɨni Kakuwu matsikaya. Mɨyatɨtɨ Kakuwu pɨta nekaniutanaki'erieni,

Hiwerika 5:20

¿Ketitayarikuta 'aheyemekɨ petaratɨtɨmaiya? ¿Ketitayarikuta mɨixa tukari petatiuku'eiri?

Keremiyaxi 14:7

Tsepa ke'axatemɨte'uyuri tahetsie mɨrahɨpa, peru 'ekɨ Yawé, 'aixɨa pemɨramamatiwanikɨ yaketineuyuri, waɨkawamekɨ yatepɨkatekahu, 'ahepaɨtsita 'axatepɨte'uyuri.

Kitsariyaxi 48:11

Nehetsiemieme nekameniuyurieni. Yanepɨkatinaki'erie nekapatsiekame xemɨnetsi'ayeitɨwanikɨ kenemɨtitewakɨ. Tawarita xeime nepɨkapitɨani witsikenemɨ'anekɨ.

Kitsariyaxi 42:16

memɨkaheuneniere nekaniwaranuwitɨmɨkɨ huyeta memɨkahemaririetsie, huyeta nepɨwaranuwitɨni xewitɨ mɨkahemarietsie, wahetsiemieme yɨriya hekɨariya nepayeitɨani, nepakuweririta mɨkahakuweweritsie. Mɨpaɨ nekatiniyurimɨkɨ, meta nepɨkawaku'eirieni.

Kitsariyaxi 41:17

»Tixaɨtɨ memɨkatehexeiya meta memɨteheuyehɨwa haa mekanikuwautɨweni, matsi mepɨka'itaxeiyawawe, harimɨyakɨ waneni pɨwawaki. Peru ne, Yawé, nepɨwata'eiya, ne, 'Ixaheri Kakaɨyarieya, nepɨkawaku'eirieni.

Kitsariyaxi 37:35

Nekɨmana neminaki'eriekɨ, meta Rawiri neti'uximayatsiriwame nemɨnaki'eriekɨ, 'ikɨ kiekari hetsie nepɨtanuani meta nepitawikweitsitɨani”».

1 Kemɨtiuyɨ 28:9

»'Ekɨ Tsarumuni neniwe kena'eriwani 'a'ukiyari Kakaɨyarieya. Meta kenayexeiyani naime 'a'iyarikɨ meta 'aixɨa 'anemekɨ 'a'eriwamekɨ. Karikɨ Yawé 'iyari kanixeiyani meta naime 'iyaritɨarika kanimaika. Xɨka pe'itiwauni, pɨmatsipitɨani pemitaxeiyakɨ, mexɨka pe'iku'eirieni yuheyemekɨ kamaniku'eirimɨkɨ.

2 Te'aitamete 21:14

Xɨka hipatɨ 'akuxi me'utawikweni, nekaniwayetuamɨkɨ memɨwaraye'unie wahetsɨa, mekanitakwi'iwakuni tinaime mekateninawatsiyariekuni.

Hutarieka 'inɨari 31:17

Kepauka mɨpaɨ mɨtiyɨni waɨkawa nepɨwayeheka meta nepɨwaku'eirieni nepɨneti'awieta, 'aixɨa mepɨtekwaiyani. Hikɨ waɨkawa 'uximatɨarika wahetsie pɨtixɨawere meta kenemutayɨkai, hikɨ mɨpaɨ meputiyuaneni: “Neuxei 'ikɨ naitɨ 'uximatɨarika tahetsie pɨtinua Kakaɨyari 'ari tahamatɨa mɨka'uyeikakɨ”.

Hutarieka 'inɨari 9:5

Mɨpaɨ kani'aneni, 'ekɨ heitserie pemexeiyakɨ pɨkatiyɨni meta heitserie pemuyeikakɨ, mɨpaɨ 'ayumieme kwie pepɨkayetuiriyarieni. Hawaikɨ. Matsi mɨkɨ nuiwarite 'axamemɨte'uyurikɨ Yawé 'akakaɨyari 'ateewa paitɨ kaniwarayeweiyamɨkɨ. 'Ana mɨpaɨ mɨreye'atɨanikɨ 'atutsima meripaitɨ kemɨtiwarutahɨawixɨ, 'Apɨrahami, 'Itsahaki meta Kakuwu.

Hepɨrayutsixi 13:5

Mɨpaɨ xeketeneu'uwani tumini xekahiwe'erietɨ, xekenenaki'aka xeheixeiyatɨ tita xemɨtehexeiya. Mɨkɨ kanihɨkɨtɨni kemɨ'ane mɨpaɨ mutayɨ: «Ne yemekɨ 'axaɨtame nepɨkamatsihayewani, nepɨkamatsiku'erieni hatsuaku».

Xumatari 11:1

Merikɨtsɨ 'ayumieme 'ipaɨ nepaine: ¿Kakaɨyari tiwarutixani'eri yuteɨterima? Pɨkatixaɨtsietɨ. Netɨtɨ 'ixaheritsixi nekanihɨkɨtɨni. 'Apɨrahami hetsie nepɨyetɨa, Wenikamini nuiwarieyatsie nepɨmieme.

Hutarieka 'inɨari 7:6

Karikɨ Yawé xekakaɨyari hetsiemieme xeme teɨteri xemɨpatsie xekanihɨkɨtɨni, mɨkɨ kanixe'anayexeiya yunaime nuiwarite watsata, teɨterimama hetsɨana miemete xemɨhɨkɨtɨnikɨ.

Hutarieka 'inɨari 31:6

Xekenetɨrɨkawini meta xepɨkamamaka. Mɨkɨ nuiwarite wahɨxie xepɨka'utimamaweni xepɨkawamakarɨka, mɨkɨtsɨ Yawé xekakaɨyari xehamatɨa yuheyemekɨ kaniuyeikani, hatsuaku yuxaɨtame pɨkaxehayewa meta pɨkaxeku'eirieni».

1 Te'aitamete 8:57

Yawé takakaɨyari tahamatɨa ke'uyeikani meripaitɨ ta'ukiyarima wahepaɨ, hatsuaku pɨkatatsiku'eirieni pɨkatatsinutuitani.

Hutarieka 'inɨari 31:8

Yawé matsi panuyehaitɨaka 'ahɨxie meta 'ahamatɨa puyeikani, hatsuaku pɨkamatsiku'eirieni 'axaɨtame meta pɨkamatsinutuita. Pepɨkamaka meta pepɨka'utaweranareni».

2 Te'aitamete 14:27

Peru Yawé kaniwarutawikweitsitɨani, Keruwuhani Kuhatsi nu'aya 'anayexeiyaka, mɨkɨ mɨpaɨ mutayɨkaikɨ kename yunaime kwiepa kawareuyehɨanikekai 'Ixaheri kemɨtitewa.

Nehemiyaxi 9:17

Mematsi'enienike mepɨkayuwaɨri, mariweme kepemɨtiuyuri wahetsiemieme mepɨkahaye'eri. Waɨkawa mepɨtsetse'ikai meta mepɨkaheu'enanakai 'atsita xeime mepanuyeye muwarakunuitɨanikɨ 'Ekipitu waɨriyarika memɨteha'uximayakaitsie. Peru 'ekɨ pepɨkawaruku'eiri Kakaɨyari pemɨtareuyehɨwirie pemɨhɨkɨkɨ, pemɨtiuyukakwewimɨkɨ meta pemɨtiuyukanenimaya, haxɨakɨ pekayumexɨitɨatɨ, peru waɨkawa petiuyukanaki'erietɨ.

Kitsariyaxi 43:7

Yunaime xekeniwa'atɨa kemɨ'ane nehetsiemieme mematerɨwarɨwa, kemɨ'ane mɨnetsinɨawanikɨ nemitawewi, kemɨ'ane nemitawewi meta nemita'iwewaxɨ”».

Kitsariyaxi 49:15

«¿Kamɨtsɨ tiyɨwe niwekame yuniwe tsitsitɨwatɨ metɨmaiya, meta yuniwe naki'erietɨ miku'eirieni? Tsepa mɨkɨ mɨyɨwe metɨmaiya, peru ne nepɨkamatsihatɨmaiya.

Kitsariyaxi 63:8

Mɨpaɨ nepaine: «Yurikɨ neteɨterima mepɨhɨkɨ, neniwema hatsuaku memɨkanete'itaiya». Mɨpaɨ pɨratɨa wawikweitsitɨwame

Keremiyaxi 14:9

¿Titayari petihɨxiya, kuya mɨkayɨwe mɨtiyutawikweitsitɨani hepaɨ? Yawé, 'ekɨ tahamatɨa pepuyeika, kepemɨtitewa mɨpaɨ tepɨtematiwa, pepɨkatatsi'uku'e'eiriwani.