1 Tsamuheri 12:21 - Kakaɨyari Niukieya

²¹ Kakaɨyarixi tixaɨtɨ memɨkateyunaki'erie xepɨkawarayexeiyani, mɨkɨ mepɨkayɨwawe memɨxe'uparewieni memɨxe'utawikweitsitɨani, tixaɨtɨ memɨkatehɨkɨkɨ.

1 Tsamuheri 12:21 ပူးပေါင်းရင်းမြစ်များ

'Awakuki 2:18

»¿Tita tiyunaki'erie kakaɨyari mɨwewiya, kemɨ'ane mitawewi tewi kɨyekɨ tiwewiwame xɨka hɨkɨtɨni? ¿Tita tiyunaki'erie kakaɨyari mukwaxiyarie, 'itarika xeikɨa mɨti'ɨkita? Tiwewiwame kakaɨyarixi mɨwawewie mekaniuwaweme mɨkɨ xeikɨa yuri katini'erieka yuwewiyatsie.

Keremiyaxi 16:19

Yawé, netɨrɨkariya meta pemɨnetsi'awieta, 'ahetsɨa nemɨneti'awiwieta kepauka 'uximatɨarika nemexeiyani: kwie manu'axetsie paitɨ 'ahetsɨa nuiwarite mepɨ'axɨani, hikɨ mɨpaɨ mepɨtiyuani: «'Itarika xeikɨa ta'ukiyarima mepɨte'umikie, tixaɨtɨ mɨkatihɨkɨ mepɨte'umikie, nitixaɨtɨ mɨkatiyunaki'erie.

Keremiyaxi 10:15

Tixaɨtɨ mepɨkateyunaki'erie, wawewiya pɨnanaiyɨkɨ xeikɨa, kepauka tukari maye'ani memɨtekwinitɨarienitsie, mepɨka'unarieni.

Keremiyaxi 14:22

¿Kamɨtsɨ tiyɨwe xewitɨ kakaɨyari wewiyakametɨtɨ wiyeri manayenɨ'ani? Yawé meta pemɨtakakaɨyari, ¿tamɨ 'ekɨ pekatihɨkɨ wiyeri pemeyenɨ'awa, muyuawi yuxaɨta pɨkayɨwe? Naime 'ekɨ 'ikɨ pepɨtiutawewi, 'ayumieme tepɨta'ikwewa 'ahetsie.

Hutarieka 'inɨari 11:16

»Yumarima 'aixɨa. Xepɨkayuwaɨriyani xemɨte'irɨwiyarienikɨ. Xaɨtsie xepɨka'uyuyuipikeni, meta hipame kakaɨyarixi xepɨkawarayexeiyani, wahetɨa xepɨkatihɨxima'uweni,

1 Kurinitutari 8:4

Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

Kunatsi 2:8

»Tetexi kakaɨyarixiyari memɨwarayexeiya 'anaki'eriya mepɨku'eiri.

Keremiyaxi 2:13

»Pɨtihuta 'axamɨti'ane neteɨterima 'axakememɨte'uyuri: Mepɨnetsi'uku'eiri, haixa mayeniere muhane nehɨkɨtɨme, putsute pɨta haa mukatuariketɨka yɨkɨmana mepuyutiwewiriexɨa, putsute mɨtatari haa mɨkareuteteritɨwa.

Kitsariyaxi 46:7

Yunaiparitsie me'etetɨ mekanititɨkɨni, manuwekaitsie mekanitaketsani, mana puyukuhayeikawa. Mukuyuaxɨani manuwetsie pɨkayɨwe. Tsepa waɨkawa memihiwie, pɨkawata'eiya, mɨkɨ pɨkayɨwe xe'uximatɨarikatsie mɨxe'utawikweitsitɨani.

Kitsariyaxi 45:20

»Xekeneuyukuxeɨri xemeyuta'unaxɨa nuiwarite watsata, xekeneuyukuxeɨri, xekenakɨni. 'Atsimemɨkatemate mekanihɨkɨtɨni kemɨ'ane kɨye kakaɨyarixiyari memɨwarɨ'ɨ, meta kakaɨyarixi wahɨxie memuyunenewixime memɨkateyuwikweitsitɨwa.

Keremiyaxi 10:8

Yunaitɨ mepɨka'u'iyari 'axamemɨteyurienikɨ xeikɨa pɨwanake, kɨyexi kakaɨyarixiyari 'ɨxatsitamete mepɨhɨkɨ wahetsiemieme.

Keremiyaxi 2:5

Yawé mɨpaɨ kanaineni: «¿Ketita 'axati'aneme mete'ukaxei nehetsie xetutsima, merikɨte yemekɨ menetsi'uku'eiri? Tixaɨtɨ mɨkatiyunaki'erie 'utɨa pɨta mepekɨ, 'ayumieme tixaɨtɨ mepɨkatehakɨ.

Kitsariyaxi 41:29

Mɨkɨ yunaitɨ te'itawamete mepɨhɨkɨ. Kememɨteyurie tixaɨtɨ pɨkatihɨkɨ, wakakaɨyarixi 'eka xeikɨa mepɨhɨkɨ, teyu'uximatɨwamete.

Hutarieka 'inɨari 32:21

Mepɨnetsi'uyehaxɨatɨa kemɨ'ane yuri mɨkakakaɨyarikɨ, nepuyeha'a hipame kakaɨyarixi memɨwarayexeiyakaikɨ. Neta yaxeikɨa nepɨwayurieni nepɨwayehaxɨatɨani kemɨ'ane memɨkaneteɨterima wahekɨ, nepɨwayehaxɨatɨani teɨteri 'axamemɨte'u'iyari wahekɨ.

Nɨ'ariekate 14:15

—Xeme teɨteri 'aku ¿titayari mɨpaɨ xeteyurie? Tame xehepaɨ tekaniteɨteritɨni, xehepaɨ tekateniu'iyarini. Niuki 'aixɨa manuyɨne temɨxekuxaxatɨwa xemɨtehayewakɨ yakɨ xeikɨa xemɨteyurie, Kakaɨyari mayeyuritsie xemɨtewiyanikɨ. Mɨkɨ muyuawi, kwie meta haramara putiwewi, meta naime wahetsie memɨtexuawetɨka.

Hutarieka 'inɨari 30:17

»Peru xɨka yu'iyaritsie xekaheu'enanaka xɨka yaxekatekahuni, matsi pɨta xɨka xaɨtsie xeheukuyune hipame pɨta kakaɨyarixi xemɨwarayexeiyanikɨ,

2 Te'aitamete 17:15

Mepɨka'itanaki'eri 'aitsikate meta Yawé kemɨtiwarayehɨtɨwakai, meta tɨratu kemɨtiuwewiekai wa'ukiyarima wahamatɨa mekaniku'eirieni. Kakaɨyarixi memɨwewiyatɨka tixaɨtɨ memɨkatehɨkɨ mewarayexeiyatɨ mepakɨ, yaxeikɨata mɨkɨ tixaɨtɨ mekatehɨmetɨtɨ mepakɨ, nuiwarite wa'aurie memɨtitekai wayeiyari mepanukuwei.

Kunatsi 2:9

Ne matsi, mawarite nepɨmatsiwewirieni, meta nɨawari 'ahetsiemieme nepɨyetuani. Nepɨraye'atɨani kenemɨmatiutahɨawixɨ. 'Ekɨ xeikɨa, Yawé, wikweitsitɨarika pemexeiyakɨ».