1 Tsamuheri 12:19 - Kakaɨyari Niukieya

¹⁹ 'Ayumieme Tsamuheri mɨpaɨ mekateniutahɨawe: —Yawé 'akakaɨyari nenewieri keneupitɨa tahetsiemieme mate'uximayatsiriwamete mɨkatatsikwinikɨ. Tame teyunaitɨ 'axatepɨte'uyuri 'akuxi matsi ti'aitame temuta'iwaukɨ yemekɨ 'axatepɨte'uyuri.

1 Tsamuheri 12:19 ပူးပေါင်းရင်းမြစ်များ

Memeyekɨ 9:28

Hawaikɨ tawariri nepɨkawakunuitɨani, nepɨwapitɨani memayekɨnekɨ, perutsɨ Yawé xekenetawawiri nehetsimieme, tɨranari meta tee wiyeriyari mɨkaxuawenikɨ.

1 Wani 5:16

Xɨka xewitɨ 'ixeiya yu'iwa 'axatiyurieneme kemɨkatimɨni, kanitawawiriemɨkɨ yu'iwatsie mieme, mɨkɨ Kakaɨyari tukari kanipitɨamɨkɨ. Tita 'axamɨti'ane nekanixatani 'axaxɨkatiuyurieni mɨka'umɨnikɨ. Kanixuaweni xewitɨ mɨmɨnikɨ xɨka 'axatiuyurieni, mɨkɨtsie mieme xemitawawirienikɨ 'atsinepɨkahaine.

1 Tsamuheri 12:23

Peru neta Yawé kenetsiparewieka nemɨkatihayewakɨ xehetsiemieme neyunenewietɨ, xɨka ne netiuhayewa Kakaɨyari hetsiemieme 'axanepɨtiyurieni. Meta huye mɨheitserie 'aixɨa mɨ'ane nepɨxe'ɨkitɨaka 'akuxi.

Memeyekɨ 10:17

Ne nepɨxewawirie xemɨneteheuyehɨwiriekakɨ ke'axanemɨtiuyuri tawarita, meta Yawé yukakaɨyari xekenetawawiri tsikere ne nekie makumawenikɨ 'etsiwa».

Tsatiyaku 5:15

Kememɨteyunenewie yuri mete'erietɨ, tikwikame 'aixɨa reu'erietɨ kanayeimɨkɨ, meta Ti'aitame kanenukuketɨamɨkɨ. Yaxeikɨata, xɨka 'axatiuyurieni, mɨkɨkɨ pɨreuyehɨwiyarieni.

Nɨ'ariekate 8:24

Hikɨ Tsimuni mɨpaɨ katinita'eiya: —Xemetsɨ Ti'aitame xekeneutawawiri nehetsiemieme, 'atsinemɨka'itɨarienikɨ kexemutiyuane.

Marakiyaxi 1:9

»Hikɨri xekeneutawawiri Kakaɨyari mɨtatsitinenimayatakɨ. ¿Kamɨtsɨ mɨkɨ mawari mɨyamɨ'anenekɨ xetanaki'erienike xete'erie? —mɨpaɨ kanaineni Yawé Naimekɨmɨtɨrɨkaɨye—.

Keremiyaxi 15:1

Yawé mɨpaɨ kanetiniutahɨawe: «Tsepa Muitsexi meta Tsamuheri nehɨxie memɨteti'ui, ne nepɨkawarutinenimayatawe 'ikɨ teɨteri. Hikɨ keniwaranunɨ'a nehɨxie memɨka'u'uwanikɨ. Mekeheuhuni.

Kitsariyaxi 26:16

Yawé, 'uximatɨarikatsata mepɨmatsi'utiwau, nenewierikɨ 'etsiwa xeikɨa me'eniɨriɨkɨtɨ kepauka 'ekɨ pemɨtiwaruka'enitsitɨatsie.

Kuwi 42:8

'Ayumieme hikɨ 'atahutame tuurutsixi xekeniwarahapani meta 'atahutame muxatsi 'ukitsi, hikɨ Kuwi neti'uximayatsiriwame hetsɨa xekenehu mawari taiyariyari xekenewewi yuhetsiemieme. Kuwi neti'uximayatsiriwame kaneyutanenewimɨkɨ xehetsiemieme, neta nenewierieya ne'enieme nepɨkaxetewiyatsitɨani. Matsi mɨpaɨ xeketenetimati, Kuwi kemutayɨ hepaɨtsita, matsi xeme kexemutiyua nehepaɨtsita pɨkayuri».

1 Tsamuheri 7:8

hikɨ mɨpaɨ Tsamuheri mekateniutahɨawe: «Pepɨkatihayewani Yawé pehahɨawetɨ tahetsiemieme mɨtatsitawikweitsitɨanikɨ piritsiteutsixi memɨkatatsiha'iwanikɨ».

1 Tsamuheri 7:5

Hikɨ Tsamuheri mɨpaɨ katiniuta'aita: «Xekeniwarukuxeɨri yunaime 'ixaheritsixi Mitsipa kiekariyaritsie, ne Yawé nemɨtawawirienikɨ xehetsiemieme».

Tsutɨarika 20:7

Peru mɨkɨ 'ukaratsi keneyetua hikɨ, mɨkɨ kɨnaya niukame kanihɨkɨtɨni nehetsiemieme, kanenitawawiriemɨkɨ 'ahetsiemieme pemuyeikanikɨ 'akuxi, peru xɨka peka'iyetuani 'ekɨ yaxeikɨa 'akie kiekatari wahamatɨa pekanimɨmɨkɨ.

'Inɨatsie 21:7

'Ixaheritsixi Muitsexi 'aurie me'ukɨneka mɨpaɨ mekatenitahɨawe: —Yawé hepaɨtsita te'uniukixieka 'axatepɨte'uyuri meta 'ahepaɨtsita. Yawé keneutawawiri kuuterixi mɨwakumaweriyakɨ. Muitsexi wahetsie 'utanuaku,

1 Tsamuheri 12:13

'Aixɨa kani'aneni, tixe'aitɨwame 'ena kaniuweni xemita'iwau xemenayexei. Peru mɨpaɨ xeketenemaika, Yawé kanihɨkɨtɨni mɨkɨ xeti'aitɨwame mɨxeyetuiri.

1 Tsamuheri 12:17

Hikɨ witarita pɨkahɨkɨ, matsi 'itsanaxa pɨhɨkɨ, peru ne Yawé nenitahɨawimɨkɨ, mɨkɨ menɨ'anikɨ wiyeri meta tɨranari, mɨpaɨ 'ana yaxepɨtehetimani kename Yawé hɨxie 'axaxete'uyuri xemitawawirikɨ xeime ti'aitame».

1 Tsamuheri 12:20

Tsamuheri mɨpaɨ katiniwaruta'eiya: —Xepɨkaheumamaka. Tsepanetɨ waɨkawamekɨ 'axaxemɨte'uyuri, Yawé xepɨka'uku'e'eiriwani, matsi pɨta naime yu'iyarikɨ xeketene'uximayatsirieka.

Kuwi 37:13

'Aixɨa mɨtiuka'iyarikɨ, hai muyukuxeɨrienikɨ yapɨtiyuriene, hipame mɨtiwakwinitɨanikɨ yatɨni 'aixɨa muwayurienikɨ.

Keremiyaxi 27:18

Xɨka yurikɨ Kakaɨyari niukametemama mehɨkɨtɨni meta Yawé niukieya mehexeiyani, Yawé Naimekɨmɨtɨrɨkaɨye nemɨhɨkɨ mekenetsi'utawawirieni Wawiruniya mɨkaranutɨkienikɨ Yawé netukita 'akuxi mɨtiyuhayewane meta Kura kwieyaritsie ti'aitame paratsiyuyata meta Kerutsareme.

Keremiyaxi 42:2

mɨpaɨ Kakaɨyari niukameya Keremiyaxi mekateniutahɨawe: —Neuxei ketaneu'eni ketemutiyuane, Yawé 'akakaɨyari keneutahɨawi tame temɨtahayewatɨwe tahetsiemieme. Pekatinimaika meripaitɨ waɨkawa temɨhɨkɨtɨkai hikɨri 'etsitekaniyupaɨmeni.

Memeyekɨ 32:30

'Uxa'arieka tukaritsie, Muitsexi mɨpaɨ katiniwarutahɨawe 'ixaheritsixi teɨteriyari: «Xemetsɨ kwinimieme 'axaxekateniuyurieni. Peru hikɨ hɨritsie nekanimieni Yawé nemetahɨawekɨ, heiwatɨ xereuyehɨwirieni Kakaɨyari ke'axaxemɨte'uyuri».

1 Tsamuheri 8:6

Kepauka mɨpaɨ memɨte'itahɨawixɨ kename ti'aitame meheuyehɨwa, 'ana Tsamuheri pɨka'inakixɨ. Hikɨ Yawé nenewieri kaniupitɨani,

Keremiyaxi 37:3

Hikɨ ti'aitame Tserekiyaxi, Kukari Tseremiyaxi nu'aya meta mawari wewiwame Tsupuniyaxi Matsehiyaxi nu'aya, Kakaɨyari niukameya Keremiyaxi mɨpaɨ memɨtehetahɨawekɨ: «Tahetsiemieme keneuyutanenewi, Yawé takakaɨyari pewawirietɨ».