1 Tsamuheri 11:1 - Kakaɨyari Niukieya

¹ Merikɨtsɨ 'amunitsixi tiwa'aitɨwame Nakaxi Kawetsi kiekariyaritsie kaniye'ani Karaha kwieyaritsie, yukuyaxima waritana kaniwara'uitɨatɨyani. Mana kiekatari mɨpaɨ mekatenitahɨawe: —Tahamatɨa tɨratu keneuwewi, matsiparewiwamete tepakɨne.

1 Tsamuheri 11:1 ပူးပေါင်းရင်းမြစ်များ

1 Tsamuheri 12:12

»Neuxei xeme kepauka Nakaxi 'amunitsixi tiwa'aitɨwame xemutamari xe'uniekame, xeme matsi mɨpaɨ xepɨnetekɨhɨawekai: “Pɨkatixaɨtsietɨ. Tame tepeiyehɨwa tati'aitɨwame”. Yawé matsi xekakaɨyari, tixe'aitɨwame hɨkɨtɨkaku.

'Etsekieri 17:13

Hikɨ xeime panayexei memanuyetei waniwe, waɨriyarika wapitɨatɨ yapɨtiwarutahɨawixɨ tɨratutsie yamemɨtekakɨnekɨ meyuhɨritɨatɨ. Ti'aitame mɨpaɨ katiniwarewitɨni memanuyetei yukwieyaritsie paitɨ.

1 Te'aitamete 20:34

—Ne nepɨmatsiyetuirieni kiekarite nepaapa 'apaapa munawairiekai. Meta 'ekɨ pepɨyɨwe Ramatsiku kiekariyaritsie pemika'uitɨani hakewa mɨretuiyaka 'ahetsiemieme, nepaapa kemɨtiyurienekai Tsamariya kiekariyaritsie. 'Akawi mɨpaɨ katinitahɨawe: —Neta hikɨ mɨya pemainekɨ, nekamenitatuamɨkɨ pemɨyemiekɨ. Mɨpaɨ tɨratu katiniuwewieni hamatɨana, hikɨ 'ana kanitatuani kanipitɨani mɨyemiekɨ.

'Itsɨkate 21:8

Hikɨ mekaniuta'iwauni: «¿Kemɨ'ane 'Ixaheri nuiwarieyatɨtɨ Yawé hɨxie Mitsipa mepɨka'u'axɨa?» Mɨpaɨ mekatenetimani nixewitɨ mɨkahayewekaikɨ Kawetsi-Karaha kiekame memayuxeɨrietsie,

Tsutɨarika 26:28

Mɨkɨ mɨpaɨ mekatenita'eiya: —Mɨpaɨ tepɨtehetima Yawé 'ahamatɨa puyeika, mɨpaɨ tepɨteku'eriwakaku tɨratu tepɨwewienikeyu. Yurikɨ tepɨtahɨritɨanikeyu. Mɨpaɨ tɨratu tepuyurienikeyu:

Kuwi 41:4

¿Kamɨtsɨ tɨratu tiwewieni 'ahamatɨa yuheyemekɨ ti'a'uximayatsiriwame mayanikɨ?

Memeyekɨ 23:32

»Mɨkɨ teɨteri wahamatɨa tɨratu xepɨkawewieka, metatsiere wakakaɨyarixima wahamatɨa.

Kitsariyaxi 36:16

»'Etsekiyaxi xepɨka'enieka. Mɨpaɨ kanaineni ti'aitame 'Atsiriya kiekame: “Nehamatɨa kayuwatɨ xemexeiyanikɨ tɨratu xekeneuwewi, xekeneyuyetua. Mɨpaɨ xɨka xe'ɨyɨni xepɨtetikwani yukaxietsie timieme meta yupiní 'ikwaxiyari, metatsiere xepɨtihareni yuputsuta,

'Itsɨkate 10:7

hikɨ Yawé kaniwaruyeheka 'ixaheritsixi, kaniwayetuani piritsiteutsixi wahetsɨa meta 'amunitsixi wahetsɨa,

Hutarieka 'inɨari 23:3

»Pɨkayɨweni memeutahaxɨani Yawé teɨterimama memayutixexeɨriwatsie 'amunitsixi meta muhawitsixi, meta nixewitɨ wanuiwarima, tamamata nuiwariyari me'uhukakuke.

1 Tsamuheri 14:47

Kepauka Tsahuri 'aixɨa muyuyuri mɨti'aitanikɨ 'ixaheritsixi wahetsie, Tsahuri memaye'unie yunaime kaniwarutikwitɨyani 'ahurawa memɨtitekai, muhawitsixi, 'amunitsixi, 'erumitsixi, Tsuwa kwieyaritsie te'aitamete meta piritsiteutsixi, mɨkɨ yunaime pɨwara'iwakai,

2 Tsamuheri 10:1

Hikɨ yapaɨmexɨa 'anukayaku 'amunitsixi tiwa'aitɨwame kaniumɨni, nu'ayata Kanuni kanitsutɨani ti'aitatɨ.

2 Tsamuheri 10:2

Merikɨte Rawiri mɨpaɨ katiniu'erieni: «Peuyewetse 'aixɨa nemɨtixeiyanikɨ Kanuni Nakaxi nu'aya, nehamatɨa paapaya ketemɨteyuxewikai hepaɨ». Hikɨ niuki tuayamete kaniwarenɨ'ani, memeinɨtɨanikɨ paapaya mumɨkaikɨ. Kepauka Rawiri nɨ'arimama, memeta'axɨa 'amunitsixi wakwieyaritsie,

2 Tsamuheri 17:27

Rawiri kepauka Makanahini munua, mana mepɨtitekai Tsuwi Nakaxi nu'aya Xawaha kiekame, mɨkɨ kiekari 'amunitsixi puwakiekari, Makixi 'Amiheri nu'aya Ru-Rewaxi kiekame, meta Waxitsirahi Karaha kiekame Xukerini kiekariyaritsie.

Keremiyaxi 40:11

Yunaitɨ huriyutsixi Muhawi memu'uwakai 'Amuni meta 'Erumi, metatsiere hipame kwieyaritsie memu'uwakai, mɨpaɨ metenetimani kename ti'aitame Wawiruniya kiekame yayupaɨmeme waruhayewakai Kura kwieyaritsie mieme, kuwexinarurikɨ 'enukakeka Kerariyaxi, 'Akikani nu'aya, Tsapani teukarieya.

Keremiyaxi 40:14

mɨpaɨ mekatenitahɨawe: —¿Petimate Warixi ti'aitame 'Amuni kiekame, 'Itsimaheri meyenɨ'a Netaniyaxi nu'aya mumetsimienikɨ? Peru Kerariyaxi, 'Akikani nu'aya yuri pɨkatiwaruta'eriri.

'Itsɨkate 11:4

'Arikeke kepauka 'amunitsixi 'ixaheritsixi memɨwarutakwi,

2 Tsamuheri 2:5

Hikɨ Rawiri Kawetsi kiekatari niuki kaniwarenɨ'airieni mɨpaɨ tiwarahɨawetɨ: «Yawé 'aixɨa kexeyurieka tixe'aitɨwame Tsahuri hetsie xemɨtewiyakaikɨ meta xemeikateukixɨkɨ.

1 Kemɨtiuyɨ 10:11

Kepauka Kawetsi Karaha kwieyaritsie kiekatari memɨte'utamari piritsiteutsixi Tsahuri kememuyuriekai.

1 Kemɨtiuyɨ 10:12

'Ana mekaniyukuha'aritɨani yunaitɨ memɨka'ukamama mana Tsahuri kaxarieya mekaniwarunawairieni meta niwemama. Mekaniware'ɨni Kawetsi paitɨ, wa'umete mekanekateuku xiu Kawetsi muwe hetɨa, mɨya mete'uyurieka mekaniuyuhakieni 'atahuta tukari.