1 Tsamuheri 10:24 - Kakaɨyari Niukieya

²⁴ Tsamuheri kiekatari yunaime mɨpaɨ katiniwarutahɨawe: —Xekeneuxeiya tewi Yawé menayexei. Pumawe xewitɨ hepaɨna 'anetɨ yunaime teɨteri watsata. Yunaitɨ mɨpaɨ mekaniutiyuanekaitɨni: —Ke'ayeniereni ti'aitame yuheyemekɨ.

1 Tsamuheri 10:24 ပူးပေါင်းရင်းမြစ်များ

1 Te'aitamete 1:39

Meheta'axɨaka mawari wewiwame Tsaruki hatseiti 'awata mɨyema kanewatihana 'ixuriki tukiyarita Kakaɨyari hetsiemieme muyepatsieta meiyehanakai, hikɨ Tsarumuni kaniukawirieni mu'uyatsie. Meta 'awa mekaniutahɨtsieni, hikɨ yunaitɨ teɨteri mɨpaɨ mekateniuhiwa: «Ti'aitame Tsarumuni yuheyemekɨ keti'aitani».

1 Te'aitamete 1:25

Mɨpaɨ nekamatina'iwawiyani yanetimaitɨ mɨkɨ mawari mewewikɨ yumɨireme, turutsixi, muxatsi meta tsikerutsixi memɨwaiyatɨka. Meta yunaime 'aniwema kaniwaruta'inieni, kuyaxi tewa'aitɨwamete, meta mawari wewiwamete 'Awiyataxi mana mɨkɨ yunaitɨ mekatenekwaka mekane'ieka, mɨpaɨ mete'uhiwatɨ hɨxiena: “Ti'aitame 'Aruniyaxi yuheyemekɨ keti'aitani”.

2 Tsamuheri 21:6

'Ayumieme hikɨ 'atahutame Yawé menayexei Tsahuri nuiwarimama tepɨmatsiwawirie pemɨtatsiyetuirienikɨ, temɨwakawɨtɨanikɨ Yawé hɨxie Tsahuri manukatei Kiweya mɨrakutewatsie. Ti'aitame mɨpaɨ katiniwarutahɨawe: —Nekanixeyetuiriemɨkɨ.

Hutarieka 'inɨari 17:15

'ana yemekɨ xekeneyu'ɨwiya xeime xemanukakenikɨ yu'iwa xetsata mieme xemuyurienikɨ, xeime kemɨ'ane Yawé xekakaɨyari manayexeiya. Xepɨka'ipitɨaka xeime yeikame yatɨni 'ateewa kiekame.

2 Te'aitamete 11:12

Hikɨ Kuyara ti'aitame nu'aya kaniwayewitɨni, kuruna kanenutimanirieni meta xapa tɨratu 'aye'ukame kaniyetuirieni. Kwitɨta hatseiti mekanikawirieni, hikɨ yunaitɨ yumamakɨ mekateniutapini, mɨpaɨ mete'uhiwatɨ: «Ti'aitame».

Mateu 21:9

Teɨteri yumɨiretɨ memanuyetekai meta wa'utɨa memuhukai mekaniutihiwakaitɨni mɨpaɨ me'utiyuatɨ: —'Ari ketaneutawikweitsitɨa Rawiri Nu'aya. —'Aixɨa ke'itɨarieka kemɨ'ane 'umamie Ti'aitame hetsɨa miemetɨtɨ. —'Ari ketaneutawikweitsitɨa taheima pemakawe.

1 Te'aitamete 1:34

muwa mawari wewiwame Tsaruki meta Natani Kakaɨyari niukameya hatseiti witsimu'ɨa memeikawirienikɨ, 'Ixaheri kwieyaritsie ti'aitame mayanikɨ. Hikɨ 'ana 'awa kuxinetayari xekenetahɨtsi meta xekenetihiwani mɨpaɨ xe'utiyuatɨ: “Ti'aitame Tsarumuni yuheyemekɨ keti'aitani”.

1 Te'aitamete 1:21

Mexɨka 'ekɨ yapekatayɨwetɨ pe'umɨni, matsi kwitɨwa 'Aruniyaxi pɨtatsikwini ne meta neniwe Tsarumuni matɨa 'axateyuruwamete wahepaɨ.

1 Tsamuheri 9:2

Kihitsi yuniwe pexeiyakai Tsahuri titewakame, mɨkɨ temaikɨ witsipɨtiyuxexeiyakai, 'ixaheri tewiyari nixewitɨ mɨpaɨ pɨka'anekai, kwinimieme putewikai hipatɨ xeikɨa naiparieyatsie mepuku'axekai.

1 Tsamuheri 12:1

Merikɨtsɨ Tsamuheri 'ixaheritsixi yunaime mɨpaɨ katiniwarutahɨawe: —Xekeneneu'eni, ne naimekɨ nepɨxeheu'eniekai kexemɨnetekɨhɨawekai, tixe'aitɨwame nepɨxe'anukaketsiri mɨtixe'aitɨakakɨ.

1 Tsamuheri 12:13

'Aixɨa kani'aneni, tixe'aitɨwame 'ena kaniuweni xemita'iwau xemenayexei. Peru mɨpaɨ xeketenemaika, Yawé kanihɨkɨtɨni mɨkɨ xeti'aitɨwame mɨxeyetuiri.

2 Tsamuheri 16:16

Hikɨ Hutsahi 'araki tewiyari Rawiri hamikuya, 'Awitsaruni hɨxie kaniutakeni hikɨ mɨpaɨ katiniuhiwa: —Ti'aitame ke'ayeniereni. Ti'aitame ke'ayeniereni.

2 Kemɨtiuyɨ 23:11

Hikɨ mekaniwayewitɨni ti'aitame nu'aya, mekanenamanirieni kuruna, mekaniyetuirieni xapa tɨratu 'aye'ukame meta ti'aitame mekaneyeitɨani. Kuyara meta niwemama hatseiti mekanikawirieni meta mɨpaɨ mekateniuhiwa: «Ti'aitame ke'ayeyurini».

1 Tsamuheri 11:15

Merikɨte yunaitɨ Kirikari mekanekɨne, mana yunaitɨ Yawé hɨxie Tsahuri ti'aitame mekanayeitɨani. Metatsiere mana, Yawé hɨxie 'aixɨa memɨteyuxeiyanikɨ mawariyari mekaniuwewieni, Tsahuri 'ixaheritsixi yunaitɨ temawierika mekaniuwewieni.