1 Tsamuheri 10:22 - Kakaɨyari Niukieya

²² Hikɨ tawarita Yawé mekaniuta'iwawiya: ¿Kamɨtsɨ mɨkɨ tewi hikɨ 'ena tahamatɨa tiuyeika? Yawé mɨpaɨ kaniutayɨni: —Huu, xepiinite mɨratipinetsie kaniyu'awietani.

1 Tsamuheri 10:22 ပူးပေါင်းရင်းမြစ်များ

'Itsɨkate 20:18

'Ixaheritsixi Weteri mekaniye'axɨani Kakaɨyari mekaniutahɨawe. Mɨpaɨ mekatenita'iwawiya: ―¿Kemɨ'anemeri pɨyɨni Wenikamini nuiwarieya mɨtamieni? Yawé mɨpaɨ kaniutayɨni: ―Kura nuiwarieya meri mepɨyɨaka.

'Inɨatsie 27:21

Hikɨ mawari wewiwame 'Eriyatsaxi hetsɨa kaniye'amɨkɨ, yamɨtayɨnikɨ 'inɨari wewietɨ 'urimi meta tumimi hekɨ Yawé kanitahɨawimɨkɨ. Kepauka Kutsuhexi mɨta'inieni memuyukwiyukɨ, yunaitɨ teɨteri mekaniyehuni hamatɨana, meta kepauka mɨta'inieni memakunuaxɨanikɨ, mɨkɨta mekanakununuwakuni.

Rukaxi 14:11

Yunaitɨ yuxaɨta mariweme memayuyeitɨwa tixaɨtɨ mekatehɨkɨtɨtɨ mekanayeitɨariekuni, peru kemɨ'ane tixaɨtɨ katihɨkɨtɨme mayuyeitɨwa mɨkɨ mariweme kanayeitɨariemɨkɨ.

1 Tsamuheri 15:17

Hikɨ Tsamuheri mɨpaɨ katinitahɨawe: —Kaniyuritɨni tsepanetɨ 'ekɨ tixaɨtɨ pemɨkati'a'eriekai, 'ekɨ hikɨ 'ixaheritsixi tiwa'aitɨwame pekanihɨkɨtɨni. Yawé katiniuyurieni mɨmatsi'anayexei 'Ixaheri kwieyaritsie ti'aitame pemayanikɨ.

1 Tsamuheri 9:21

Tsahuri mɨpaɨ katinitahɨawe: —¿Titayari mɨya penetikɨhɨawe? Ne nekanihɨkɨtɨni Wenikamini xiɨyarieyatsie mieme, 'etsi mɨyumate 'Ixaheri nu'aya. Meta Wenikamini xiɨyarieyatsie miemete ne'ukiyarima tixaɨtɨ mepɨkatehɨkɨ.

'Itsɨkate 20:28

Pinexi, 'Eriyatsaxi nu'aya 'Aruni teukarieya, hɨxiena katini'uximayakaitɨni. Mɨpaɨ mekateniuta'iwauni: ―¿Tawarita tetehu tetewatakwini ta'iwama Wenikamini nuiwarimama, nutsu tepuwahayewa? Yawé mɨpaɨ kaniutayɨni: ―Xekenehu, 'uxa'a nekanixeyetuiriemɨkɨ.

'Itsɨkate 20:23

Yawé hɨxie 'ixaheritsixi mekaniutitsuakaitɨni me'anutikɨneka taikai paitɨ meta tɨkarikɨ, mekanita'iwawiyakaitɨni: ―¿Tawarita tetewatakwini Wenikamini xiɨyarimama, ta'iwama? Yawé mɨpaɨ katiniwarutahɨawekaitɨni: ―Xekenehu.

'Itsɨkate 1:1

'Ixaheritsixi Yawé mekaniuta'iwawiya, Kutsuhexi 'ukumawereku reutiyetana: ―¿Kemɨ'aneta hikɨ panuyeyerɨni mɨwatakwinikɨ Kananeutsixi?

Tsutɨarika 25:22

Peru hukayahetsie paitɨ meyetetɨ yuhutatɨ tɨɨri mekaniyukwitɨwekaitɨni, mɨkɨ 'ayumieme mɨpaɨ kaniutayɨni: «Xɨka mɨpaɨ netiuka'eniwamɨkɨ, ¿titayari 'anetiuyeikani?» Hikɨ Yawé kaniutahɨawe kanita'iwawiya.

1 Tsamuheri 10:21

Hikɨ katiniuta'aita memawitɨkienikɨ Wenikamini nuiwarieyatsie miemete 'ahura memakɨnekɨ, Matɨri xiɨyarimama hetsie katiniunake, 'imatɨarieka Tsahuri hetsie katiniunake Kihitsi nu'aya. Hikɨ Tsahuri mekaniutiwauni, peru mepɨkaheitaxei.

1 Tsamuheri 14:37

Merikɨte 'ayumieme Tsahuri Kakaɨyari kaniuta'iwawiya: «¿Piritsiteutsixi netiwaranukuweiya? ¿'Ixaheritsixi wahetsɨa petiwayetuani?» Perutsɨ 'ana Kakaɨyari pɨka'ita'ei.

1 Tsamuheri 22:10

Meta 'Akimereki Yawé kanetahɨawe Rawiri hetsiemieme meta 'ikwaite katineimini metatsiere Kuriyati 'ixiparaya kaneiyetuirieni.

1 Tsamuheri 23:9

Kepauka Rawiri mɨpaɨ mɨretima kename Tsahuri 'imiemɨtɨ 'uhamiekai. Hikɨ 'Awiyataxi kaniuta'inieni mawari wewiwame kamixaya mihuritɨanikɨ.

1 Tsamuheri 30:7

'Ayumieme mawari wewiwame 'Awiyataxi 'Akimereki nu'aya mɨpaɨ katiniutahɨawe: —Mawari wewiwame kamixaya 'etsimɨnena kenehurimie. 'Awiyataxi yapauka kani'atɨirieni,

1 Tsamuheri 30:8

Rawiri Yawé kaniutahɨawe: —¿'Ikɨ tenawayamete netiwaranukuweiya? ¿Netiwaranuku'axiwe? Yawé mɨpaɨ katinita'eiya: —Keniwaranukuweiya. Pekaniwaranuku'aximɨkɨ memehapanie pekaniwaretawikweitsitɨamɨkɨ.

2 Tsamuheri 2:1

Merikɨtsɨ yapaɨmexɨa tukari 'anukayaku, Rawiri Yawé mɨpaɨ katiniuta'iwawiya: —¿Netiyɨwe hipame kiekaritetsie nemɨmiekɨ Kura kwieyaritsie? Yawé mɨpaɨ katinita'eiya: —Huu, pekaniyɨweni pemɨmiekɨ. Tawarita Rawiri mɨpaɨ katinita'iwawiya: —¿Kepehaine kemɨ'ane kiekariyaritsie nepɨmie? Yawé mɨpaɨ katinita'eiya: —Hewuruni kiekariyaritsie.

2 Tsamuheri 21:1

Merikɨtsɨ Rawiri ti'aitakaku haaka kaniutaweni haika wiyari. Rawiri Yawé kaniutahɨawe miparewienikɨ, mɨpaɨ Yawé katinita'eiya: «Tsahuri meta nuiwarimama puwanakekai hipame waxuriya memɨtayeurienikɨ, mɨkɨ kawahunitari mepɨwarukwi, 'ayumieme haka kanixuaweni».