1 Tsamuheri 1:10 - Kakaɨyari Niukieya

¹⁰ hikɨ waɨkawa yuhiwerietɨ kanitsutɨani yunenewietɨ Yawé hetsiemieme, 'utatsuatɨ katihayewatɨ.

1 Tsamuheri 1:10 ပူးပေါင်းရင်းမြစ်များ

Kuwi 7:11

»'Ayumieme nepɨkayɨwe nemɨtinewieni ne'utaniutɨ, ne'iyaritsie kenemɨtiuka'eniwakɨ nekaniutaineni, meta mɨyamɨnetiyurie waɨriyarika kanenipitɨaka 'axa'anemekɨ nemɨtaniunikɨ.

Rukaxi 22:44

Hikɨ kwiyɨanetɨ hiwerikakɨ, matsi kwini mieme yutatuatɨ kaniyunenewiekaitɨni, kwaxiyaya xuriya tsuniriyari hepaɨ kani'anenekaitɨni kwiepa kaxɨrɨwetɨ.

Kuwi 10:1

»Nepuwaɨripieri nepu'uxe ne'ayenieretɨ. 'Ayumieme nepenatituaya ne'uximatɨarika, ne'iyaritsie 'axamɨti'ane ratsiwime nemɨrexeiya.

Nɨawari 91:15

Mɨkɨ pɨnetsitahɨawe, neta nepita'eiya, hamatɨana nepuyeikani kepauka 'uximatɨarika mexeiyani, nekanixɨnamɨkɨ 'aixɨa nekatinitahɨawimɨkɨ.

Hepɨrayutsixi 5:7

Kɨritsitu mexi tewitɨtɨ 'a'uyeikakai karima kaniyutanenewieni hahiwatɨ 'utatsuatɨ, kanitawawirieni kemɨ'ane mɨyɨwekai mitawikweitsitɨanikɨ kapa 'umɨnikɨ, pu'enierie Kakaɨyari mariweme mayeitɨakɨ.

Kitsariyaxi 54:6

Yawé kamanitahɨawimɨkɨ 'ukaratsi 'eiriwakame hepaɨ, 'ukaratsi tiuka'eniwatɨ muyu'iyaritɨa hepaɨ, 'uka wikiekame 'etsiyumaitɨ mutiwiki hepaɨ mɨtixani'eriwakɨ xeikɨa ―'akakaɨyari mɨpaɨ kanaineni―.

'Itsɨkate 21:2

Yunaitɨ mekanekɨne Weteri, mana mekaniukutaikairiyarieni, meyunenewietɨ me'utitsuatɨ waɨkawamekɨ Yawé hɨxie.

Hiwerika 3:15

Hatsiwimekɨ xeikɨa kaneniutahɨniya, meta kaneniu'itɨani tsiɨrika hepaɨ ratsiwime.

Keremiyaxi 22:10

Xepɨka'utitsuanani mumɨ hepaɨtsita, meta xepɨkayuhiwerieka hetsiena mieme. Xekeneutitsuanani matsi mehanie hetsiemieme, hatsuaku mɨkanuani hepaɨtsita meta tawariri yukwie mɨkaxeiyakɨ matinuiwaxɨtsie.

Kitsariyaxi 38:15

»Neuxei ¿kenehaineni? Mɨkɨ mɨpaɨ kanetiniutaxatɨani, meta mɨpaɨ katiniuyurieni. Ne'iyaritsie kukuiniyakɨ nepɨkakutsu.

Nɨawari 50:15

Keneneutahɨawi kepauka 'uximatɨarika pemexeiya, ne nepɨmetsixɨna, 'ekɨta 'aixɨa pepɨnetitahɨawe».

Kuwi 9:18

Pɨkanetsi'upitɨawe nemɨta'ienikɨ, matsi pɨta, waɨkawa hiwerika pɨnetsi'upitɨawe.

2 Te'aitamete 20:3

«Yawé, kenena'eriwani ne yanepɨtikamiekai 'aixɨa 'anemekɨ 'ahepaɨtsita, meta ne'iyarikɨ 'aixɨa netiyukɨhɨawetɨ, meta yanepɨtiuyuri kemɨmatinake». Hikɨ 'ana 'Etsekiyaxi kaniutitsuani waɨkawa yuhiwerietɨ.

Xuti 1:20

Nuhemi mɨpaɨ katiniwarutahɨawe: ―Nuhemi xepɨkanete'uterɨwani. Marara pɨtari xekeneteneuterɨwani. Naimekɨmɨtɨrɨkaɨye nehatsiwime pɨnetsi'ayeitɨa.

Keremiyaxi 13:17

Peru xɨka xeme xekahanu'enanani, 'awie nekanitatsuamɨkɨ xeme xemuyuti'ɨrekɨ, nehɨxita 'ukai panexɨani hatsiwimekɨ, Yawé muxatsimama 'ateewa memanuhapanienikɨ kayukwieyaritsie.

2 Tsamuheri 13:36

Hikɨ mɨpaɨ metekuxatatɨ mete'anunɨku ti'aitame niwemama mana mekanatanexɨani karima me'utitsuatɨ, hikɨ ti'aitame meta 'iparewiwametemama mekanitsutɨani me'utitsuatɨ mekayunɨtɨarinɨatɨ.

Tsutɨarika 50:10

Mekaneta'axɨani hakewa Hatahari tɨriku matihenatsie, mana Kurutani hatuxameyaritsie pehurakai. Mana Kutse 'atahuta tukari pɨyuhiweriekai paapaya mumɨkɨ.

2 Tsamuheri 17:8

'Ekɨ 'apaapa Rawiri pekanimaika yaxeikɨata kuyaximama: waɨkawa mekaniyɨwaweni hikɨ matsi mekaneha'aka hutse yeutanaka yuniwema munawaiyarieni hepaɨ. Metatsiere 'apaapa waɨkawa katinakumaika yumemiwame hepaɨ, xɨari tɨkarikɨ yukuyaxima wahamatɨa pɨkaheyuhayewani.

1 Tsamuheri 1:9

Heiwa Tsiru me'u'uwatɨ Hana kananukukeni tiukwaiyaku, tukita kaneyani heyutanenewienike, 'Eri mawari wewiwame mɨhɨritɨariekai kanixeiyakaitɨni, mana Yawé tukieya kitenie yu'ɨparitsie pakatei,

1 Tsamuheri 1:11

Hikɨ yuhɨritɨatɨ mɨpaɨ kaniutayɨni: «Yawé Naimekɨmɨtɨrɨkaɨye, xɨka ti'uximayatame 'ahetsɨa mɨmieme pexeiyanike haweri mɨyɨane yaketinemaika kenemɨtiuka'eniwa pepɨkanetsihatɨtɨmaiyani, xɨka penetsiyetuirieni nunutsi 'ukitɨme ne matsi nemaniyetuiriemɨkɨ tukarieya naime hepaɨtsita kɨpateya hatsuaku nepɨkakaxini».

Temaiwawemete 14:10

Ta'iyari yapɨtimate ketemɨte'uka'eniwa meta xewitɨ pɨkayɨwe xeime temawierikaya mɨhekɨatani.

Tsutɨarika 30:1

Kepauka Xakeri tɨɨri mɨkawarayexeiyawekai Kakuwu hetsiemieme, yukuri kani'uxiwe'erikaitɨni, hikɨ Kakuwu mɨpaɨ katiniutahɨawe: —Neta keneneupitɨa tɨɨri nemɨwaraxeiyakɨ, xɨka pekanetsi'upitɨani, nepɨmɨni.