19 'Iyari xepɨkakutɨtsani,
Xepɨka'ihiweritɨaka Kakaɨyari 'Iyarieya Mɨtiyupata. Mɨkɨ kanixetseyutɨni kɨmana xemu'inɨatsie mexi tukari ka'aye'awe kepauka temɨxɨnarieni.
»Xeme xekɨipi pɨtsetse'i, yu'iyaritsie yunakata xepɨka'inɨaritɨariewawe Kakaɨyari 'inɨarieyakɨ, xeme yuheyemekɨ xepeye'unie 'Iyari Mɨtiyupata yututsima wahepaɨ.
'Ayumieme mɨpaɨ nepɨmaraye'eritɨwa pemɨkaratɨtɨmaiyanikɨ, pe'atatuatɨ yaketineyurieneni Kakaɨyari kemɨmatiupitɨa 'ahetsie ne'utimeku.
Ketineuhayewa pe'itɨmaiyatɨ tita pemɨtiupitɨarie 'iyaritsie timieme, mɨpaɨ pepɨtiupitɨarie tixaxatame tikuxatakaku, kepauka 'ukirawetsixi 'axeikɨa 'ahetsie memutimeixɨa.
Peru mɨkɨ mepɨkahenu'eni, meta 'iyarieya mɨpatsie mepu'iyarimɨtɨa. 'Ayumieme waraye'unietɨ patɨa, mɨkɨtɨtɨ pɨwarutakwi.
»Mɨixa wiyari pepɨwanewiekai, 'a'iyarikɨ pepɨwaraye'eritɨwakai 'aniukamete yame'utiyuanekaku, peru mɨkɨ mepɨka'u'enana. 'Ayumieme pepɨwayetua mɨkɨ kwieyaritsie memɨtama wahetsɨa.
Pepɨkanetsikupatani 'ahetsɨa nemuyeikanikɨ, 'a'iyari mɨtiyupata pepɨkanetsikunawairiwani.
Hikɨ Yawé mɨpaɨ kaniutayɨni: «'Ari ne'iyari tewi hetsie pɨkayekani, tewi mɨmɨwe xeikɨa kanihɨkɨtɨni, xeitsienituyari heimana xeitewiyari wiyari xeikɨa puyuruwani».
Mɨkɨ meta, 'eyeume kemɨrakaxu'u kɨmana mɨyukunarɨma, xemeta yuri xeketene'erieka. Mɨpaɨ xepɨyɨwaweni xemitɨnikɨ naime 'axamɨtiuka'iyari 'ɨrɨteya mɨtaiwawe.
Xɨka xewitɨ mana 'akaitɨ tixaɨtɨ tiuhekɨatsitɨiyarieni mɨtihekɨatanikɨ, kemɨ'ane mɨtikuxata ketiuhayewa.
Tsepa haa muwaɨkawa pɨkayɨwe mitɨnikɨ, meta haa hatɨa mieme mikumaweriya tɨma pɨkayɨwe. Xewitɨ xɨka tita naime mɨrexeiya tipatamɨkɨni naki'eriyakɨ, 'axamɨtikɨhɨawarɨwanikɨ xeikɨa katinikaxeiyamɨkɨ.
Merikɨte Tsamuheri Yawé kemɨtita'aitɨa yakatiniuyurieni. Kepauka Wereni munua, mana kiekatari 'ukirawetsixi me'eyemakatɨ mekanitahɨawe. Mɨpaɨ mekatenita'iwawiya: —¿'Aixɨa 'anemekɨ petikɨyɨane?
xepɨka'itawe'erieka Kakaɨyari niukametemama waniuki,
