1 Tetsarunikatari 1:8 - Kakaɨyari Niukieya

⁸ Xehetsɨa putiraurɨka Ti'aitame niukieya, Kakaɨyari hetsie yuri kexemɨte'erie xeme, Matseruniyatsie 'Akaiyatsie xeikɨa pɨkatikuxaxatsiwa, matsi naitsarie katinikuxaxatsiwani, 'ayumieme tixaɨri pɨkareuyewetse tame temɨtiniunikɨ.

1 Tetsarunikatari 1:8 ပူးပေါင်းရင်းမြစ်များ

Xumatari 1:8

Merikɨtsɨ Ketsutsi Kɨritsitu netsiparewiekaku pamɨpariyutsi nekanipitɨaka nekakaɨyari meri yunaime xehetsiemieme, naitsarie kwiepa mɨkuxaxatsiwakɨ yuri kexemɨte'erie.

Matsiɨkɨtɨ kemɨratɨa 14:6

Hikɨ xeimeta nekaniuxeiya niuki tuayame muyuawi hixɨapa 'awiximeme, meta niuki 'aixɨa manuyɨne yuheyemekɨ mɨwataxatɨanikɨ kwiepa memɨtama, naitsarie kiekatari, tsepa kehate, kememɨte'uniukakai, meta kiekari mukumane.

3 Wani 1:12

Yunaitɨ mepɨtehekɨata Remetɨriyu hepaɨtsita meta tita yuri mɨraine pɨtiutahekɨataxɨ hepaɨtsitana. Tameta tepɨtehekɨata hepaɨtsitana 'ekɨ pepɨtimate ketemɨtehekɨata muyurikɨ.

2 Tetsarunikatari 1:4

'Ayumieme tameri 'aixɨa te'utiyuatɨ xehepaɨtsita yatekateniwakuxaxatɨwani mɨkɨ memɨyutixexeɨriwa Kakaɨyari hetsie metewiyatɨ, mɨpaɨ teteniwakɨhɨaweni, kexemɨte'uka'eniwa, yuri kexemɨte'erie mexi xetaweweiyarɨwa, mexi xe'uximatɨarie, meta naime kexemɨ'itɨarietɨwe.

Kitsariyaxi 52:7

Witsipɨ'anene 'ɨkateya kemɨ'ane niuki 'aixɨa manuyɨne mukuxata hɨritsie, kemɨ'ane “kayuwatɨ mumakakɨ” mukuxata, kemɨ'ane niuki 'aixɨa manɨyɨne mukuxata, kemɨ'ane wikweitsitɨarika mukuxata, kemɨ'ane Tsiyuni mɨpaɨ mɨrahɨawe: «'Akakaɨyari pɨti'aita».

2 Tetsarunikatari 3:1

Merikɨte 'iwamarixi, xekeneyunenewieka tahetsiemieme, Ti'aitame niukieya kwitɨwa mɨ'enierienikɨ naitsarie, mɨkuxaxatsiwanikɨ kemɨtiuyɨ xehetsɨa,

Matsiɨkɨtɨ kemɨratɨa 22:17

'Iyari meta wikiwame mɨpaɨ mekaniutiyuaneni: «Kenaye'a». Kemɨ'ane mɨ'ena mɨpaɨ ke'utayɨni: «Kenaye'a». Kemɨ'ane meuharimɨkɨ, mɨkɨ ke'ayani, meta kemɨ'ane mɨyuwaɨriya, katuiriyarietɨ ke'anuhareni kɨmana tukari mexeiyanikɨ.

Xumatari 16:19

Xeme kexemɨtekahu mekatenetimaniri yunaitɨ. 'Ayumieme xehepaɨtsita nepɨnetemawie. Mɨpaɨ pɨnetinake, xemɨtemaiwawenikɨ 'aixɨa xeteyurietɨ, xemɨka'inɨkakɨ tita 'axamɨti'ane.

Kitsariyaxi 2:3

Teɨteri meyumɨiretɨ mekani'axɨakuni, meta mɨpaɨ mekanitiyuakuni: «Xekenakɨni, Yawé hɨrieyatsie tepanutikɨne, Kakuwu Kakaɨyarieya kie, yuhuye mɨtatsiheta'ɨkitɨanikɨ meta huyetana xeikɨa temuhunikɨ». Karikɨ Tsiyunitsie xeikɨa 'ɨkitɨarika kanayenexɨamɨkɨ, meta Kerutsaremetsie Yawé niukieya.

Memeyekɨ 18:9

Keturu kaniyutemawiekaitɨni tiutamarieka Yawé 'aixɨa mɨtiuka'iyarikaikɨ 'Ixaheri hetsiemieme, meta 'ekipitutari watsata mɨwarayehapakɨ.

2 Kurinitutari 3:4

Kɨritsitu yatatipitɨakaku, mɨpaɨ tetetamaitɨ, yuri tekateni'erieka Kakaɨyari hetsie.

1 Kurinitutari 14:36

¿Kamɨtsɨ xehetsɨa xeikɨa rayene Kakaɨyari niukieya? ¿Xehetsɨa xeikɨa tinua?

Kitsariyaxi 66:19

»'Inɨari nekaniwawewiriemɨkɨ, hipatɨ memɨyuhayewa nuiwarite kwiepa memɨtama wahetsɨa nepɨwaranunɨ'ani: Taritsi kiekariyaritsie, Puri, Riria (mana kiekatari kwinie mepɨteheutamɨiwawekai), Tuwari meta Kɨretsiya, meta haramara tetsita meteewatsie hakewa memɨkanetsihetamariwawe meta kenemɨtimariwe memɨka'ixeiyawawe. Mɨkɨ mekanenitaxatakuni kenemɨtimariwe nuiwarite watsata.

Nɨ'ariekate 18:12

Hikɨ, Kareuni kuwexinaruri, 'Akaiya kwieyaritsie mɨhɨritɨariekai, huriyutsixi 'axeikɨa me'uyukuxeɨrieka Papuru me'iniukimatɨ, mekaneiwitɨni 'itsɨkame mɨrewa'aitatsie.

Xumatari 15:26

Matseruniyatari 'akaiyatari mekaniyuwaɨriya 'axeikɨa tixaɨtɨ memɨtewaminikɨ mɨkɨ tixaɨtɨ memɨkateheuxeiya Kakaɨyari teɨterimama Kerutsareme memetitei.

2 Kurinitutari 2:14

Matsi Kakaɨyari pamɨpariyutsi kepitɨarieka. Mɨkɨ yuheyemekɨ pɨtatsihekɨatɨa Kɨritsitutsie ketemɨtewiya, teɨteri wahɨxie tatsikuwitɨnetɨ yu'utɨma. Takɨmana naitsarie mɨpaɨ katinihekɨatani witsikemɨ'itɨarie xɨka Kɨritsitu maika.

Kurutsetari 3:16

Kɨritsitu niukieya xehetsie keheyekani waɨkawa, naimekɨ xetemaiwawekaku: Mɨkɨkɨ xeketeneyɨ'ɨkitɨaka meta xekeneyutuikani, Kakaɨyari kwikarieyakɨ, nɨawari Kakaɨyari hepaɨtsita manuyɨnekɨ, kwikari 'Iyaritsie timieme hepaɨtsita manuyɨnekɨ xeteyɨkɨhɨawetɨ, xekeneutikwikani, yu'iyaritsie xe'inɨawatɨ Kakaɨyari, pamɨpariyutsi xe'ipitɨatɨ.

1 Timuteu 2:8

'Ayumieme mɨpaɨ pɨnetinake, hakewa memeyutixexeɨriwa 'ukitsi mekeyunenewieka yumamate muyuawitsie meheutitseratɨkaitɨ mepatsietɨ, tixaɨ mekaha'atɨ meta niuki mekaxɨatɨatɨ yu'iyaritsie.

2 Timuteu 2:9

Mɨpaɨ nemɨtikuxatakɨ 'axanepɨ'itɨariexime, 'atsita nepanutahɨiya 'axatiyuruwame hepaɨ. Peru Kakaɨyari niukieya tixaɨ pɨka'anutahɨiwa.