1 Tetsarunikatari 1:6 - Kakaɨyari Niukieya

⁶ Xeme xetatsi'ɨketɨ xenakɨne, Ti'aitame meta xe'ɨketɨ xepakɨ, xepitanaki'eri niuki waɨkawa xe'uximatɨarietɨwetɨ, xeyutemamawietɨ tsiepɨre 'Iyari Mɨtiyupata kemɨtixetemawieriya.

1 Tetsarunikatari 1:6 ပူးပေါင်းရင်းမြစ်များ

1 Kurinitutari 11:1

Xenetsi'ɨketɨ xekenakɨni, neta Kɨritsitu kenemɨti'ɨke.

1 Kurinitutari 4:16

'Ayumieme waɨriyarika nekanixepitɨaka, xenetsi'ɨketɨ xemakɨnekɨ.

Nɨ'ariekate 13:52

Teyɨ'ɨkitɨwamete waɨkawa mekaniyutemamawiekaitɨni, 'Iyari Mɨtiyupatakɨ mekanihɨpɨnekaitɨni.

Karatsiyatari 5:22

Matsita 'Iyari kemɨtixuaweriya, 'ipaɨ pɨta tewi katiniyurienemɨkɨ. Katiniyukanaki'eriekamɨkɨ, kaniyutemawiekamɨkɨ, yu'iyaritsie pɨka'uximatɨarieka, katiniuka'eniwamɨkɨ, 'aixɨa katiniuka'iyarikamɨkɨ, 'aixɨa kaniwayurienemɨkɨ hipame, yakatinikamiemɨkɨ kemaine,

2 Tetsarunikatari 3:9

Heitserie tekahexeiyatɨ tepɨkayɨakai, heitserie tekanexeiyanitɨtɨ temɨtexe'uxitɨanikɨ, peru mɨpaɨ tekateni'uximayakaitɨni matsi 'ɨkitsika tematayeitɨanikɨ, xemɨtatsi'ɨkenikɨ.

3 Wani 1:11

Neuxei, 'ekɨ nemɨmatsinaki'erie, 'axamɨti'ane pepɨka'ɨkeni, 'aixɨa mɨti'ane pɨta kene'ɨkeni. Kemɨ'ane 'aixɨa mɨtiyuriene Kakaɨyari hetsɨa kanimiemetɨni, kemɨ'ane 'axamɨtiyuriene Kakaɨyari pɨkaxeiyawe.

'Epetsutari 5:1

'Ayumieme Kakaɨyari xe'ɨketɨ xekenakɨni. Kemɨ'ane mɨxenaki'erie niwemama wahepaɨ xekeneyɨaka.

Wani 8:12

Merikɨtsɨ Ketsutsi tawari teɨteri katiniwarutixatɨani mɨpaɨ 'utaitɨ: —Ne kwiepa memɨtama wahekɨariwiwame nekanihɨkɨtɨni. Kemɨ'ane mɨnetsi'anuweiya yɨwipa pɨka'uyeikani, matsi hekɨariya kanexeiyakamɨkɨ tukaritɨme.

Mateu 16:24

Hikɨ Ketsutsi mɨpaɨ katiniwarutahɨawe yuhetsɨa miemete teyɨ'ɨkitɨwamete: —Xɨka xewitɨ yuwaɨriyani tiyu'ɨkitɨwame nehetsɨa mieme mayani, ketihayewani kemɨtinake yuhetsiemieme tiyurienetɨ, yukuruxi ke'utitɨni, kenetsi'uweiyani.

1 Pekuru 3:13

Mɨkɨ meta, ¿kepaikɨtsɨ 'axapɨxeyurieni xɨka xeyuwaɨriyani hikɨ xemɨyumexɨitɨakakɨ tita 'aixɨa mɨti'ane hepaɨtsita?

1 Pekuru 1:8

Xeme xepinaki'erie tsepa hatsuaku xemɨka'ixeiyawawe, tsepanetɨ hikɨ xemɨka'ixeiya, hetsiena yuri xemɨte'erie, 'ayumieme xepɨyutemamawie 'anayuhayewakamekɨ meta witsi'aneme kexemɨtepitɨarie,

1 Pekuru 1:6

Mɨpaɨ xetemaitɨ xekaniyutemamawieka, tsepanetɨ hikɨ 'ayewaɨkawamekɨ xemɨte'ukakukwine xe'inɨatsietɨwetɨ yapaɨmexɨa.

Hepɨrayutsixi 10:34

Memanutaxɨriyakai kememɨte'ukwinitɨarie, xemeta wahepaɨ xepɨteyumaikai. Xeyutemamawietɨ xepɨwanewiekai kepauka memɨxete'unawairi xepiinite, mɨpaɨ xetemaitɨ, yupiinite matsi 'aixɨa mɨti'anene 'emɨtiteriwe xemɨtehexeiyakɨ xeme muyuawitsie.

2 Tetsarunikatari 1:4

'Ayumieme tameri 'aixɨa te'utiyuatɨ xehepaɨtsita yatekateniwakuxaxatɨwani mɨkɨ memɨyutixexeɨriwa Kakaɨyari hetsie metewiyatɨ, mɨpaɨ teteniwakɨhɨaweni, kexemɨte'uka'eniwa, yuri kexemɨte'erie mexi xetaweweiyarɨwa, mexi xe'uximatɨarie, meta naime kexemɨ'itɨarietɨwe.

Piriputari 3:17

Ne'iwama, yaxeikɨa xekenene'ɨkeni ne kenemɨtiyuriene, tame 'inɨari tekanihɨkɨtɨni, mɨkɨ tahepaɨ memɨte'u'uwa, mɨkɨ xekeniwaxeiyani.

2 Kurinitutari 8:5

Ketemɨteku'eriwakai mɨpaɨ memɨteyurienikekaikɨ yamepɨkate'uyuri. Matsi mekaniyuyetuani meri Ti'aitame mɨtiwata'aitɨanikɨ, tameta temɨtewata'aitɨanikɨ Kakaɨyari mɨpaɨ mɨtinakekɨ.

Xumatari 15:13

Kakaɨyari mɨtiyupitɨwa tita xemɨtetakwewie yuri xete'erietɨ, mɨkɨ kexehɨniyani naimekɨ xemɨyutemamawiekakɨ yu'iyaritsie xemɨka'uximatɨariekakɨ mexi yuri xete'erie, matsi waɨkawa yuri xemɨte'eriekakɨ xeta'ikwewatɨ, 'Iyari Mɨtiyupata xetɨrɨkariyakaku.

Nɨ'ariekate 9:31

Hikɨ memɨyutixexeɨriwakai naitsarie Kureyatsie, Karereyatsie, Tsamariyatsie mepɨka'uximatɨariekai. Mepɨtɨrɨkariyariekai, Ti'aitame me'ayemakatɨ 'amekaniu'uwakaitɨni, 'Iyari Mɨtiyupata mɨiremekɨ kaniwatuikakaitɨni.

Nɨ'ariekate 5:41

'Itsɨkate wahetsɨa mekaniwayenexɨani meyutemamawietɨ, Kakaɨyari meyɨwaweme mɨwa'eriekaikɨ memɨtawe'eriwanikɨ hetsɨana memɨmiemetetɨkaikɨ.

'Utseyaxi 2:14

»'Ayumieme hikɨ nekatini'irɨwiyamɨkɨ: makumawetsie nekanenuwitɨmɨkɨ mana witsi'anekamekɨ nekaneitahɨawimɨkɨ.

1 Kurinitutari 11:2

'Aixɨa nepaine xehepaɨtsita naimekɨ xemɨnetsiha'eriwakɨ, yaxemɨtekahukɨ yeiyaritsie kenemɨtixeyetuiri.

2 Kurinitutari 6:10

tsepa temunututuixie, peru taheyemekɨ tepɨyutemamawie, tixaɨtɨ tekatehexeiyatɨ, peru xikutsixi tepɨwarayeitɨwa yumɨireme, tixaɨtɨ tepɨkatehexeiya, peru naitɨ pɨtitapiini.

2 Tetsarunikatari 3:7

Xeme yɨkɨmana xekatenimaika kemɨreuyewetse xemɨtatsi'ɨkenikɨ tame. Xehetsɨa te'u'uwatɨ tepɨkata'ɨraxiekai.

2 Timuteu 4:2

Niuki kenekuxatani. Mɨkɨkɨ kene'ayumiemetɨni penaki'eriwatɨ pekanaki'eriwatɨ. Keniwarutati'a keniwaku'imaiyani keniwatuikani. Naimekɨ 'eketineutewini petiuka'eniwatɨ, naimekɨ ketine'ɨkitani.