1 Pekuru 5:5 - Kakaɨyari Niukieya

⁵ Mɨpaɨta xeme temari yaxeikɨa, kememutiyuane 'ukirawetsixi yaxeketenekahuni. Tixaɨtɨ xekatehayuyeitɨatɨ xekeneyɨaka yunaime wahepaɨtsita, «Kakaɨyari kaniwaraye'unieka mɨkɨ memuyuti'ɨre, matsi pɨta 'aixɨa pɨtiuka'iyari tixaɨtɨ memɨkatehɨkɨ wahetsiemieme».

1 Pekuru 5:5 ပူးပေါင်းရင်းမြစ်များ

Tsatiyaku 4:6

Peru mɨkɨ waɨkawamekɨ matsi 'aixɨa tiuka'iyaritɨ pɨtatsiparewie. 'Ayumieme 'utɨarikaya mɨpaɨ kanaineni: «Kakaɨyari kaniwaraye'unieka mɨkɨ memɨyuti'ɨre, matsi tixaɨtɨ memɨkatehayuyeitɨa 'aixɨa katiniuka'iyarini wahetsiemieme».

Temaiwawemete 3:34

Yawé kaniwananaimaka kemɨ'ane memɨte'uyukatawe'erie, peru kemɨ'ane tixaɨtɨ memɨkate'ayuyeitɨa mɨkɨ puwaparewie.

'Epetsutari 5:21

Xeyuxewitɨ yaxeketenekahuni Kɨritsitu xe'ayemakatɨ.

Xumatari 12:10

Kexemɨtewanaki'erie yu'iwamarixi, yu'iyarikɨ xekeniwahiwe'erieka. Yuxexuitɨ matsi 'aixɨa xeketeneyuxeiyani meta 'aixɨa xeketenayɨhɨaweni.

Piriputari 2:3

Hipame xewara'iwakutɨ xepɨkayɨaka, teɨteri xehepaɨtsita 'aixɨa memutiyuanenikɨ xeikɨa xepɨkayɨaka, mamariwawemete xekeniwa'erieka hipame, xeme pɨta tixaɨtɨ xekatehɨkɨtɨme xekeneyu'erieka yɨkɨmana.

Kurutsetari 3:12

'Ayumieme nepaine, Kakaɨyari mɨxe'anuyexeikɨ, teɨterimama xemɨhɨkɨkɨ, xemɨnaki'eriwakɨ, xeteyukanenimayatɨ xekenakɨni yu'iyaritsie, mɨhekwa xe'anakatɨtɨ, 'aixɨa xeketeneu'iyarini, xepɨkateyukatawe'erieka, xeketeneuyukanaki'erieka meta 'axeketeneutewini xekaha'atɨ.

Kitsariyaxi 66:2

Netɨrɨkariya katiniuyurieni naime 'ikɨ mɨtiutawewi: mɨpaɨ tiɨyɨku 'ayumieme katiniuneni ―Yawé mɨpaɨ kanaineni―. »Ne nepuwaxeiya tixaɨtɨ memɨkateheuxeiya meta yu'iyaritsie memɨte'uka'eniwa, kemɨ'ane neniuki memayemakaxe.

Xumatari 13:14

Matsi xekenanakatɨkɨni kemɨ'ane Ti'aitame Ketsutsi Kɨritsitu mɨhɨkɨ. Xepɨkayuha'aritɨaka yaxemɨteyuriekakɨ kememɨte'ukahiwe'erie teɨteri wahepaɨ xete'u'iyaritɨ.

1 Pekuru 4:5

Kaneuyewekamɨkɨ mɨkɨ memɨtiniunikɨ yuhetsiemieme kepauka mɨwata'iwawiya kemɨ'ane 'amuwe ha'aritsietɨ memayeneniere meta mɨkite yunaitɨ.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Hepɨrayutsixi 13:17

Yaxeketenekahuni kememutiyuane mɨkɨ memɨtexe'aitɨa, xewa'enietɨ. Mɨkɨ mepi'ɨwiya xe'iyari mɨpaɨ metemaitɨ, yɨhɨritɨarika hepaɨtsita memɨta'iwawiyarienikɨ. Mɨpaɨ xeketeniwa'enieka, mɨkɨ mɨpaɨ memɨte'uximayakakɨ meyutemamawietɨ, me'uti'aiwatɨ memɨkayɨakakɨ, mexɨka xewahiweritɨaka, xeme matsi xepɨkaparewiyani.

Mawari 19:32

»'Amɨyumate pexeiyame keneutakexi. »'Ukirawetsixi 'aixɨa ketinewaxeiyani. »'Akakaɨyari kenayemakaxeni. Ne Yawé nekanihɨkɨtɨni.

1 Pekuru 4:1

'Ayumieme, Kɨritsitu yuwaiyaritsie kemɨtiukwinixɨ tahetsiemieme, xemeta xekeneyuha'aritɨaka xemɨtekwinitɨarienikɨ, hepaɨna xeteyumaitɨ, tamɨtsɨ kemɨ'ane yuwaiyaritsie mɨtiukwinixɨ katiniuhayewa 'axatiyurienetɨ.

Nɨawari 132:9

Mawari wewiwamete 'aixɨa meke'uyukuyurieni kemɨreuyewetse. 'Ahetsie memɨtewiya mekemetsinɨawani meyutemamawietɨ.

Kuwi 29:14

Tita mɨtiheitserie kamixayari nepanakatɨkɨkai, mɨkɨ nemata nemuwawiwa pɨhɨkɨtɨkai meta nemu'utsie nemayɨhɨaya heitserie nemexeiyanikɨ.

Kuwi 22:29

Memuyuti'ɨre Kakaɨyari tixaɨtɨ pɨkatiwarayeitɨwa, tixaɨtɨ memɨkatehayuyeitɨa kaniwaranuku'uitɨwani.

Kitsariyaxi 61:10

Yawé hetsiemieme nepɨnetemawie yemekɨ waɨkawa, nekakaɨyari hetsie temawierika nepexeiya. Mɨkɨ wikweitsitɨarika kamixayari mɨnetsi'anakatɨtɨakɨ meta tita mɨtiheitserie matayari pɨnetsiwakuketɨa. Neneɨkeme hepaɨ nekani'aneni witsimɨrekemari, yatɨni wikiwame hepaɨ nekatinekukani.

2 Kemɨtiuyɨ 6:41

»Kenenua, Yawé Kakaɨyari, 'ena kene'uxipieka, 'ekɨ meta 'atɨratu kakuniyari mɨtɨrɨkaɨye. Yawé Kakaɨyari, keniwarupitɨa 'amawari wewiwamete 'awikweitsitɨarika memexeiyanikɨ. Yamemɨtekahu mekeyutemamawieka 'aixɨa pemɨtiuka'iyarikɨ.

Nɨawari 132:16

Mawari wewiwamete wikweitsitɨarikakɨ nekaniwatikemaritɨamɨkɨ, meta hetsiena memɨtewiya mekanitanɨawakuni meyutemamawietɨ.

Nɨawari 138:6

Yawé muyuawitsie kaniuyeikani, meta puwaxeiya tixaɨtɨ memɨkateyu'erie, 'iyata memɨyuti'ɨre 'ateewa kaniwaxeiyani.

'Etsekieri 26:16

Yunaitɨ haramaratsie, te'aitamete mekananakakɨnikuni yu'uwenitsie, yupiinite mekatenanutihɨnakuni meta yukamixate mɨtixuiyatɨka. Kwiepa mekanitiyaxikuni yemekɨ memamatɨ mɨyamemɨte'anuyehukɨ, yamepɨte'uyɨyɨakatɨkani,

Rukaxi 22:26

Xeme pɨta mɨpaɨ xepɨkayɨaka. 'Apɨta, kemɨ'ane xeme mɨmariwe mɨkɨ kemɨ'ane tixaɨtɨ mɨkatihɨkɨ hepaɨ keyɨaneni, meta kemɨ'ane mɨtixe'aitɨa mɨkɨ kemɨ'ane xehetsiemieme mɨti'uximaya hepaɨ keyɨaneni.

1 Timuteu 5:1

'Ukiratsi pepɨkatatieni, matsi pepinɨtɨani 'apaapa hepaɨ. Temari 'a'iwama wahepaɨ ketiniwakɨhɨaweni.

1 Pekuru 3:8

'Imatɨrieka yunaitɨ xekeneyuxewini kexemɨteyɨkɨhɨawe, xekeneyuxewini 'axeikɨa xeyutemamawietɨ xeyuhiwerietɨ nutsu, xekeniwanaki'erieka 'iwamarixi, xeketeneyukanenimayaka, xepɨka'ayu'eririyani.

Temaiwawemete 25:7

Matsi pɨta 'aixɨa pɨyɨni ti'aitame xɨka mɨpaɨ metiutahɨawe: «'Ena 'ahurawa kenatiye'a», teɨteri memumariwawe wahɨxie pepɨka'atewiyatsitɨaka. Tita pemɨtiuxei 'ahɨxitekɨ,

Tanieri 11:12

'Ikɨ rayu'iwame, ti'aitame tatsutɨa kiekame waɨkawa kaniyuta'ɨrimɨkɨ meta yumɨireme kaniwakwimɨkɨ, matsi rayu'iwatɨ pɨkareutere,