1 Pekuru 5:2 - Kakaɨyari Niukieya

² Kakaɨyari muxatsimama xemɨhɨritɨarie xekeniwa'ɨwiyani, waɨriyarika xekayɨatɨ. Tumini xehiwe'erietɨ xeikɨa xepɨkayɨaka, matsi pɨta xeyuwaɨriyatɨ xeketene'uximayaka, Kakaɨyari kemɨtinake.

1 Pekuru 5:2 ပူးပေါင်းရင်းမြစ်များ

Titu 1:7

Kakaɨyari hetsiemieme mɨhɨritɨariekɨ, kaneuyeweka kemɨ'ane ti'ɨwiyame mɨhɨkɨ mɨkaniukimariekakɨ, yuhetsiemieme xeikɨa pɨkayɨaneni, mayu'eriya pɨkahɨkɨtɨni, tawekame pɨkahɨkɨtɨni, pɨkawatiwayani, tumini pɨkahiwe'erieka kwamanarikakɨ.

1 Timuteu 3:8

Yaxeikɨata teparewiwamete, peuyewetse mɨpaɨ memɨ'anenenikɨ, 'aixɨa mepɨtekahuni, yurikɨ mepɨtekuxatani, mepɨkatarɨwetɨweni, tumini mepɨkahiwe'erieka meteyukwamanakutɨ,

Titu 3:1

Keniwaraye'eritɨwani yamemɨtekahunikɨ te'aitamete heitserie memexeiya kememaitɨka, memɨteyu'aitɨarinɨakakɨ, memɨyuwaɨriyanikɨ 'aixɨa memɨteyuriekakɨ tsepa kemɨtitita 'aixɨa mɨti'ane:

1 Timuteu 3:3

tawekame pɨkahɨkɨtɨni meta pɨkawatiwayani, tumini pɨkahiwe'erieka, matsi pɨka'ayu'eriyani, pɨkayumieneni,

1 Kurinitutari 9:7

Kamɨtsɨ, ¿kepaikɨ kuya payani yuxaɨtame tiyupitɨatɨ? ¿Kepaikɨ haraweri 'uka'iteɨtame 'ikwaxiyari pɨkatikwani? ¿Kepaikɨ wa'ɨwiyatɨ muxatsi, waretsiyari pɨka'anu'ieni?

2 Pekuru 2:3

Piinite metehiwe'erietɨ, yakɨ xeikɨa mete'ɨkitatɨ xekɨmana mepɨte'itaka. Tsepa meripaitɨ 'amemu'uwa, xɨanakɨ pɨkayɨane 'itsɨkame 'arike mɨwatahɨawe, kemɨ'ane mɨwaka'una pɨkakutsu.

Hepɨrayutsixi 12:15

Xekeneyɨ'ɨwiyani xewitɨ ka'aye'awetɨ mɨka'ayanikɨ, Kakaɨyari 'aixɨa tiuka'iyaritɨ kemɨtiminikeyu, xekeneyɨ'ɨwiyani xewitɨ kapa xemuinanenikɨ, nana kwiepa mutineika hatsiwimekɨ mutixuxuawere hepaɨ yɨanetɨ, mɨpaɨ xɨka tiyurieneni, yumɨiretɨ mekanitsewiximariekakuni.

'Etsekieri 34:31

ne yurikɨ mɨpaɨ nepaine ne xekakaɨyari nepɨhɨkɨ, xemeta nemuxatsima, muxatsi nekuraruta miemete”».

Titu 1:11

Peuyewetse memanunamiyarienikɨ kememɨtekuxata, mepɨwamuina 'atsita xeime kie kiekatari yunaime, mepɨte'ɨkita tita 'aixɨa mɨkati'ane, mete'iwakutɨ xeikɨa 'axamɨti'anekɨ.

Rukaxi 12:32

»Nemuxatsima, tsepa xemɨkayumɨire, xepɨkaheumamaka, xe'ukiyari kaniyuwaɨriyani mɨtixepitɨanikɨ tita mɨrexeiya ti'aitametɨtɨ.

Marakiyaxi 1:10

Yanepɨra'eriwakaku xewitɨ xeme netukita mɨreunanikɨ, yakɨ xeikɨa xemɨka'ikutaiyanikɨ tai nemawari taiyametsie mieme. Nepɨkayutemawie tɨma xehetsiemieme, meta xemawari xeime tɨma nepɨkatanaki'erieni —Yawé Naimekɨmɨtɨrɨkaɨye mɨpaɨ kanaineni—.

Tsakariyaxi 11:17

Xɨa'ui tihɨweme nitixaɨtɨkɨ mɨkatiyunaki'erie mɨwaruku'eiri yumuxatsima. 'Ixipara pewiteni mamaya, meta hɨxieya tserietana mieme nawaxakɨ ke'uyetsekieni. Mamaya kayuawetɨ ke'ayani, meta hɨxieya tserietana mieme, kanieretɨ ke'ayani.

Mikeyaxi 7:14

'A'itsɨ pe'akwetɨ 'ateɨterima keniwahɨneni, muxatsi 'atewama, yuxaɨta 'ɨtsita memɨkie, 'ɨtsi hixɨapa. Watsani meta Karaha mu'ɨxayatsie ketiniwarutimikwa meripaitɨ hepaɨ.

Mikeyaxi 5:4

Peru xewitɨ kaninemɨkɨ muxatsi wahepaɨ wahɨweme mayani Yawé tɨrɨkariyayakɨ, mɨkɨ kemɨtimariwe 'ipitɨakaku Yawé kakaɨyarieya. 'Aixɨa 'iyari mepu'uwani, mɨkɨ mɨti'aitanikɨ kwie kemɨyewa naimetsie.

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

'Etsekieri 34:23

Hikɨ 'ana wahɨweme xeime wahetsɨa nepɨhɨani, neti'uximayatsiriwame Rawiri, mɨkɨ pɨwakɨhɨneni, mɨkɨ yuxewitɨ pɨwahɨwemetɨni.

Keremiyaxi 13:17

Peru xɨka xeme xekahanu'enanani, 'awie nekanitatsuamɨkɨ xeme xemuyuti'ɨrekɨ, nehɨxita 'ukai panexɨani hatsiwimekɨ, Yawé muxatsimama 'ateewa memanuhapanienikɨ kayukwieyaritsie.

Keremiyaxi 6:13

»'Etsimemɨyumate meta memu'ukirawetsixi, yunaitɨ mepɨtehiwe'erie tita mɨkatiheitseriekɨ memɨte'iwanikɨ. Kakaɨyari niukametemama meta mawari wewiwamete, yunaitɨ mepɨte'itawa.

Kitsariyaxi 63:11

Teɨterimama meripaitɨ mieme mepaye'eri, Muitsexi muyeikakaitsie: ¿Hakewari haramaratsie muwaranawitɨ, muxatsi wahɨweme muxatsi mɨtiwaruwitɨkɨ hepaɨ? ¿Hakewari yu'iyari mɨpatsie watsata mɨ'atɨa,

Kitsariyaxi 56:11

Tsɨikɨri kwinie memɨteyukwaiwawie mepɨhɨkɨ, hatsuaku mepɨkahuxaiwawe. Muxatsi wahɨwemete mekanihɨkɨtɨni 'atsimekateheitimaitɨkɨkatɨ, yuxexuitɨ kemɨtiwanake xeikɨa mekaniu'uwani. Nitixaɨtɨ mekateha'eriwatɨ, yu'iwarikakɨ xeikɨa mepuyumexɨitɨa.

Kitsariyaxi 40:11

Muxatsi wahɨweme yumuxatsima kemɨtiwa'ɨwiya hepaɨ, muxatsi tɨɨrixi kaniwaratɨkɨni, yutawie kaniwarutiyatsani, meta memɨhehekwa niwetɨka wakweriwayurietɨ kaniwaruwitɨximeni.

Kitsariyaxi 6:8

Hikɨ Ti'aitame niukieya nekaniu'enieni mɨpaɨ 'utaineme: ―¿Kemɨ'ane nepɨtanɨ'ani? ¿Kemɨ'ane tahetsiemieme pɨmie? Hikɨ mɨpaɨ nekaniutayɨni: ―Ne kenenanɨnɨ'a. 'Ena nekaniuweni.

Kwikari 1:8

Xɨka 'atsipekatimaika, 'uka witsipemɨti'ɨimari 'ukari watsata pe'uyeikatɨ, muxatsi waketate kemɨreuyuyune kenanukuweiya meta 'atsipuri tɨɨrixi keniwahɨneni, muxatsi wahɨwemete wakii maku'utsie.

Kirimuni 1:14

Matsi 'ekɨ 'atsipekatimaikaku, nepɨkanewaɨri nemikunuitɨanikɨ, 'aixɨa kepemɨtiyuriene waɨriyarika pemɨkayɨanenikɨ, matsi pɨta waɨkawamekɨ pe'awaɨriyatɨ.

Titu 2:14

Mɨkɨ kaniyuyetuani tahetsiemieme, mɨtatsixɨnakɨ 'inɨari temeutitsanaxɨaku, meta mɨtatsi'itienikɨ yuhetsiemieme teɨterimama temanayexeiyarie temakɨnekɨ, tetawaɨriyatɨ 'aixɨa temɨteyuriekakɨ.

Xumatari 1:15

'Ayumieme ne'iyari yapɨ'ane nemɨxetaxatɨanikɨ niuki 'aixɨa manuyɨne xemeta Xuma xemɨtama.

Nɨ'ariekate 21:13

Papuru mɨpaɨ katatiniuta'eiya: —¿Titayari xe'utitsuatɨ ne'iyari xeteweranariya? Ne nepɨha'aritsie Kerutsaremetsie nemɨhɨiyanikɨ meta nemɨmɨnikɨ Ti'aitame Ketsutsi hetsiemieme.

Keremiyaxi 13:20

Xekeneutanenieri xekeniwaruxeiya tayeta memayehu. ¿Hakewari muxatsi pemɨhɨritɨarie, muxatsi wahetsiemieme pemuyuta'ɨrekai?

Keremiyaxi 8:10

'Ayumieme wa'ɨitama hipame 'ukitsi nepɨwayetuirieni, meta wakwie hipame pɨta nepɨwayetuirieni. Karikɨ 'etsimeyumatetɨ meta 'ameyumatetɨ, yunaitɨ mepɨtehiwe'erie mɨkatiwapiini, Kakaɨyari niukametemama meta mawari wewiwamete, yunaitɨ mekateni'itawani.

'Inɨatsie 18:7

'Ekɨ xeikɨa meta 'aniwema nekanixepitɨaka xemɨmawari wewiwametetɨnikɨ, xemɨtekumaɨwanikɨ mawari taiyametsie timieme meta 'ixuriki meuwie warita timieme. Xeme nekanixepitɨaka xemɨmawari wewiwametetɨnikɨ, kemɨ'ane tawarita 'ahurawa mayani mɨtimaiwetɨkatsie mɨpaɨ katipitɨarietɨ kanimɨmɨkɨ».

Nɨ'ariekate 20:29

Netsɨ nekatinimaika neyemieyu 'arike 'ɨrawetsixi xetsata mekaneutahaxɨakuni teyu'uximatɨwamete. Muxatsi mekaniwatixɨtɨakuni.

2 Te'aitamete 12:6

Hikɨ xeitewiyari heimana haika wiyari ti'aitakaku Kuhatsi, mawari wewiwamete 'atsimekateyuriwawekaku tuki hetsiemieme,

'Etsekieri 46:24

Hikɨ mɨpaɨ kanetiniutahɨawe: «'Ikɨ ti'etsamete kanihɨkɨtɨni 'uwa memɨteti'etsani tukita memɨte'uximaya teɨteri wamawarika».