1 Pekuru 4:8 - Kakaɨyari Niukieya

⁸ 'Ikɨ naimekɨ, xekeneyunaki'erieka yuheyemekɨ, naki'eriya naime katinanuyeitɨwani waɨkawa 'axamɨti'anene.

1 Pekuru 4:8 ပူးပေါင်းရင်းမြစ်များ

Temaiwawemete 10:12

'Uxiwe'erika matsi waɨkawa 'imieri kaninetɨaweni, peru naki'eriya naime mɨtareuyehɨwirienikɨ kaniyɨweni.

Kurutsetari 3:14

Xe'ixewiriyatɨ naime, xeketeneyukanaki'erieka, mɨkɨ kanihɨkɨtɨni xemuyuxewiriyanikɨ mɨ'ayumieme.

Temaiwawemete 17:9

Kemɨ'ane mɨreiyehɨwirie 'axamutayɨ mɨkɨ naki'eriya pukaxexeiya, kemɨ'ane 'axamɨraniuwe kareiyehɨwirietɨ hamiku pɨkahexeiya.

1 Pekuru 1:22

Xekaniyu'itirieni yu'iyari, tita yuri mɨrainetsie yaxetekahutɨ 'Iyarieya xeparewiekaku, 'ayumieme yu'iwama yurikɨ xekeniwanaki'erieka, 'aixɨa 'iyarikɨ xekeneyunaki'erieka waɨkawamekɨ.

Tsatiyaku 5:20

mɨpaɨ xeketenemaika, kemɨ'ane hutarieka mi'atɨa 'axatiyuruwame kemɨtiuhayewakai, mɨkɨ tukarieya kaniutawikweitsitɨani mɨkamɨnikɨ, meta waɨkawamekɨ 'axakemɨtiuyuriekai hetsiena kaniutanuani.

1 Kurinitutari 13:1

Xɨka hipame niukiyarikɨ ne'utaniukanike teɨteri kememɨteniuwawe meta Kakaɨyari niuki tuayametemama, peru xɨka nekatinekanaki'eriekake, tepɨa mukuyuane hepaɨ nekani'anenikeyu, tirinari mutatiriurɨka hepaɨ.

1 Tetsarunikatari 3:12

Xemeta xɨka Ti'aitame xeheweriyani xeteyukanaki'eriekaku, xenaki'eriya manuyuhayewanikɨ xeyunaki'eriekaku yunaitɨ, xewanaki'eriekaku yunaime, yaxeikɨa ketemɨtexenaki'erie.

Hepɨrayutsixi 13:1

Xepɨkatehayewani xewanaki'erietɨ 'iwamarixi.

1 Timuteu 1:5

'Ikɨ 'ayumieme pukuyɨane xatsika mɨtiyukanaki'eriekakɨ 'iyarieya 'itiyakaku, ka'itate'akaku meta yuri ti'erietɨ peru huta 'iyariyari kahexeiyatɨ.

2 Tetsarunikatari 1:3

Neuxei 'iwamarixi, kaneuyeweka tame taheyemekɨ pamɨpariyutsi temipitɨakakɨ Kakaɨyari xehepaɨtsita, kemɨreuyewetse yatemɨteyuriekakɨ xeme keyuri xemɨte'erie xemɨtaweriyarɨmekɨ, meta yuxexuitɨ yunaitɨ xemɨtetamɨiriyarɨmekɨ xeteyukanaki'erietɨ.

Temaiwawemete 18:13

Mɨka'uka'iyari kaniyutewiyatsitɨmɨkɨ, xɨka 'aixɨa kati'enawetɨ waruta'eiya.

Temaiwawemete 12:16

'Axamɨtiyuriene yutemawietɨ yapauka kaniuyeha'arɨweni, matsi mɨtimaiwe katiniukanewieka kepauka 'axamɨtitahɨawarieni.

3 Wani 1:2

Neuxei, 'ekɨ nemɨmatsinaki'erie, nepɨnenenewie naimekɨ 'aixɨa pemɨreumienikɨ meta 'aixɨa pemɨreu'eriekakɨ, 'a'iyari 'aixɨa mɨtimie hepaɨ.

Tsatiyaku 5:12

Tsepa naimekɨ ne'iwama, xepɨkayɨhɨritɨaka, taheima miemekɨ, kwiepa miemekɨ, tsepa kemɨtititakɨ xexatatɨ. Xɨka xeyuwaɨriyani, «huu» xekeneutiyuaneni xeikɨa. Mexɨka xekayuwaɨriyani «hawaikɨ» xekeneutiyuaneni xeikɨa, kapa xehetsie tiuhɨiwatɨ 'ayanikɨ.

1 Kurinitutari 13:4

Tiyukanaki'erietɨ 'akatineutewini kaha'atɨ. 'Aixɨa katiniuka'iyarini tiyukanaki'erietɨ, pɨkayumexɨitɨa hipame wahepaɨtsita wara'iwamɨtɨ. Tiyukanaki'erietɨ mariwetɨ pɨkahayuyeitɨwa, meta pɨkayuta'ɨre.