1 Pekuru 3:11 - Kakaɨyari Niukieya

¹¹ Ke'iku'eirieni tita 'axamɨti'ane, 'aixɨa ketiyurieneni pɨta, ketikuwauni 'aixɨa mɨtiwaxeiyanikɨ teɨteri, keyumexɨitɨaka mɨkɨkɨ.

1 Pekuru 3:11 ပူးပေါင်းရင်းမြစ်များ

Mateu 5:9

'Aixɨa mekani'itɨarieka mɨkɨ memɨwanɨtɨani teɨteri, 'aixɨa memɨteyuxeiyanikɨ, mepɨmatsiɨkɨni Kakaɨyari niwemama kememɨtehɨkɨ.

Nɨawari 34:14

'axatiyurienetɨ ketiuhayewa, 'aixɨa pɨta ketiyurieneni, kayuwatɨ muyeikanikɨ keyumexɨitɨaka, mɨpaɨ xeikɨa ketiuyeikani.

Hepɨrayutsixi 12:14

'Aixɨa xemɨtewaxeiyanikɨ yunaime xekeneyumexɨitɨaka, meta xemɨpatsiekakɨ Kakaɨyari hetsiemiemekɨ. Xɨka mɨpaɨ katipatsieka, hatsuaku Ti'aitame pɨka'uxeiya.

Xumatari 14:19

'Ayumieme tame tekanitamexɨitɨaka kɨmana ta'iyaritsie temɨka'uximatɨariekakɨ, kɨmana 'axeikɨa temɨtatseiriyanikɨ tanaitɨ.

Kurutsetari 3:15

Kɨritsitu kemɨtixepitɨa yu'iyaritsie xemɨka'uximatɨariekakɨ, ketixe'aitɨaka xe'iyaritsie, xekaniuta'inierieni yu'iyaritsie xemɨka'uximatɨariekakɨ, xeiwaiyari xemɨhɨkɨkɨ. Mɨkɨ meta, pamɨpariyutsi teyupitɨwamete xekenakɨni.

Xumatari 14:17

Kakaɨyari 'i'aitɨakaku xɨka tewi 'a'uyeikani, tsepa mɨtikwa'a tsepa mɨranuye'e, heitserie kaniupitɨarieni, yu'iyaritsie pɨka'uximatɨarie, kaniyutemawieka 'Iyari Mɨtiyupata hetsie tiwiyatɨ.

Xumatari 12:18

Xɨka xeyɨwaweni, kexemɨteyurie xeme, kayuwatɨ xeketeneteni yunaime teɨteri wahamatɨa.

3 Wani 1:11

Neuxei, 'ekɨ nemɨmatsinaki'erie, 'axamɨti'ane pepɨka'ɨkeni, 'aixɨa mɨti'ane pɨta kene'ɨkeni. Kemɨ'ane 'aixɨa mɨtiyuriene Kakaɨyari hetsɨa kanimiemetɨni, kemɨ'ane 'axamɨtiyuriene Kakaɨyari pɨkaxeiyawe.

Tsatiyaku 4:17

Kemɨ'ane yamɨkatiyuriene timaitɨtɨtɨ, mɨkɨ 'axakatiniyurieneni.

Hepɨrayutsixi 13:16

Mɨkɨ meta, xepɨkatehatɨtɨmaiyani 'aixɨa xemɨteyuriekakɨ xemɨteyumikwanikɨ, mawari mɨpaɨ mɨ'ane pinake Kakaɨyari.

1 Timuteu 6:18

Mɨpaɨ ketiniwa'aitɨaka meta 'aixɨa memɨte'uximayakakɨ, memeuka'unikɨ 'aixɨa meteyurietɨ, 'aixɨa memɨte'u'iyarinikɨ, hipame wahamatɨa memɨyuxewinikɨ.

Karatsiyatari 6:10

'Ayumieme, ketemɨteyɨwawe 'aixɨa tekewayurieka yunaime, matsi yemekɨ mɨkɨ Kakaɨyari niwemaama yuri memɨte'erie.

Karatsiyatari 5:22

Matsita 'Iyari kemɨtixuaweriya, 'ipaɨ pɨta tewi katiniyurienemɨkɨ. Katiniyukanaki'eriekamɨkɨ, kaniyutemawiekamɨkɨ, yu'iyaritsie pɨka'uximatɨarieka, katiniuka'eniwamɨkɨ, 'aixɨa katiniuka'iyarikamɨkɨ, 'aixɨa kaniwayurienemɨkɨ hipame, yakatinikamiemɨkɨ kemaine,

Xumatari 8:6

Xɨka teɨteri wahepaɨ tiyumaika, kanimɨmɨkɨ. Xɨka 'Iyari hepaɨ tiyumaika, kanayenierekamɨkɨ, yu'iyaritsie pɨka'uximatɨarieka.

Xumatari 7:21

'Ipaɨ nepɨretima 'inɨari hepaɨtsita: kepauka nemɨnewaɨriya 'aixɨa nemɨtiyurienikɨ, tita 'axamɨti'ane nehetsie 'apuwe.

Xumatari 5:1

Merikɨte heitserie temupitɨariekɨ yuri tete'erietɨ, 'ayumieme 'aixɨa tekatenitaxeiyani Kakaɨyari hamatɨa, Tati'aitɨwame Ketsutsi Kɨritsitu yatatipitɨakaku.

Wani 17:15

Nepɨkamatsiwawirie pemɨwaranuwitɨnikɨ kwiepa memɨka'u'uwanikɨ, matsi nepɨmatsiwawirie pemɨwa'ɨwiyanikɨ tita 'axamɨti'ane hepaɨtsita.

Mateu 6:13

Pepɨkatatsipitɨaka temɨta'inɨatsienikɨ, matsi ketaneutawikweitsitɨa 'axatemɨka'itɨarienikɨ. 'Ekɨtsɨ 'aheyemekɨ pekatini'aitametɨni pekanitɨrɨkaɨyeni witsipekani'aneni 'aheyemekɨ. Mɨpaɨ xeikɨa kani'aneni”.

Mateu 5:45

Mɨpaɨ xeyɨatɨ puyuritɨni yu'ukiyari taheima makawe niwemama xemɨhɨkɨkɨ. Mɨkɨ kanenatinenetɨwani yutau 'axamemɨteyurie wahetsie 'aixɨa memɨteyurie wahetsie. Wiyeri panakanɨ'awa mɨkɨ heitseriemekɨ yamemɨtekahu wahetsie mɨkɨ heitseriemekɨ yamemɨkatekahu wahetsie yaxeikɨa.

Nɨawari 37:27

'Axapetiyurienetɨ ketineuhayewa, 'aixɨa pɨta ketineyurieneni, 'ana yuheyemekɨ mana pepuyeikani hakewa pemekani.

Xumatari 7:19

'Aixɨa kenemɨtiyurienikeyu, mɨpaɨ nepɨkatiyuriene. Matsi 'axakenemɨkatiyurienikeyu, mɨpaɨ pɨta nepɨtiyuriene.

Rukaxi 6:35

Matsitsɨ xekeniwanaki'erieka mɨkɨ memɨxe'aye'unie, 'aixɨa xeketeneyurieka, xeketeneyuniɨtɨaka 'atsixekateyu'iyaritɨatɨ. Mɨpaɨ xeteyurietɨ kwini mieme xekatena'iwakuni, kemɨ'ane taheima makawe niwemama xekanihɨkɨtɨkakuni, mɨkɨ 'aixɨa pɨtiuka'iyari mɨkɨ pamɨpariyutsi memɨkateyupitɨwa wahetsiemieme, mɨkɨ 'axamemɨteyurie wahetsiemieme meta.

Rukaxi 6:9

Hikɨ Ketsutsi mɨpaɨ katiniwarutahɨawe: —'Ipaɨ nepɨtixeku'iwawiya: ¿'Uxipiya tukaritsie tiheitserie 'aixɨa mɨtiyurieneni, nutsu 'axamɨtiyurieneni? ¿Tiheitserie para tewi mutawikweitsitɨani, nutsu mika'unakɨ pɨta?

Rukaxi 1:79

Mɨwahekɨariwiyakɨ mɨkɨ yɨwipa memu'uwa, meta mɨkɨ mekwi'iwarɨmetɨ memɨyɨriyarie niwahekɨariwiyamɨkɨ, ta'ɨkate katanitseiriyamɨkɨ temeu'uwanikɨ hake 'aixɨa temɨtetaxeiyanikɨ Kakaɨyari matɨa».

Marikuxi 14:7

'Uxa'atɨni warie 'amekaniu'uwakuni tixaɨtɨ memɨkatehexeiya xehetsɨa. Kepauka xemɨyuwaɨriya xekaniyɨwawekuni xemɨwaparewienikɨ, neri xehetsɨa 'anepɨka'uyeikani 'uxa'atɨni warie.

Temaiwawemete 16:17

Kemɨ'ane heitseriemekɨ yamɨtikamie huyetana 'axamɨti'ane pɨtiumawe, kemɨ'ane yutukari mɨwikweitsitɨamɨkɨ, kaniyɨ'ɨwiyani kemɨtimie.

Temaiwawemete 16:6

Xeyunaki'erietɨ meta yuri xehaitɨkaitɨ xekateneuyuyehɨwiriekakuni, Yawé 'ayemakatɨ xeikɨa pɨyɨwe 'axamɨti'ane mɨnewienikɨ.

Temaiwawemete 3:7

Kwinimieme perakumaikame pepɨkayuxatani: matsi pɨta Yawé kenayemakaxeni meta 'axamɨti'ane hepaɨtsita kene'apatani.

Nɨawari 125:4

Yawé, 'aixɨa keniwayurieka 'aixɨa memɨte'u'iyari, kemɨ'ane 'iyari mɨheitserie memexeiya.

Kuwi 28:28

Hikɨ teɨteri mɨpaɨ katiniwarutahɨawe: «Ti'aitame 'ayemakatɨ mɨtimaiwenikɨ kanihɨkɨtɨni. 'Axamɨti'ane hepaɨtsita yukweriwayurietɨ: mɨkɨ mɨreutamaiwe pɨhɨkɨtɨni».

Kuwi 2:3

Yawé tawarita mɨpaɨ katinita'iwawiya: ―¿Kuwi neti'uximayatsiriwame hepaɨtsita kepetiku'eriwa? Xewitɨ mɨkɨ hepaɨ 'anetɨ kwiepa kaniumaweni, tewi heitseriemekɨ yamɨtiyuriene meta hetsiena mɨkarahɨiwa kanihɨkɨtɨni, kenemɨrehɨawe kaneni'enieka meta 'axamɨti'anekɨ kaniyɨ'ɨwiyani, tsepanetɨ 'ekɨ waɨriyarika pemɨnetsi'utawawiri 'axanemiyurienikɨ tsepa 'atsikatiuyuri, matsi 'akuxi mɨyatɨtɨ nehetsie yuri pɨti'erie.

Kuwi 1:1

'Utsi kwieyaritsie tewi xewitɨ kaniukateitɨni heitseriemekɨ 'aixɨa tiyurienetɨ meta hetsiena karahɨiwakaku, Kakaɨyari 'ayemakatɨ meta 'axamɨti'anekɨ yupatatɨ. Mɨkɨ tewi Kuwi pɨtitewakai.

1 Pekuru 3:12

Ti'aitame kaniwaxeiyani mɨkɨ heitseriemekɨ yamemɨtekahu, meta wanenewieri kani'enieka, matsi 'axapɨtiwaxeiya mɨkɨ 'axamemɨteyurie».

'Itsɨkate 11:14

Ketexi tawarita tupiritsixi kaniwarenɨ'ani, 'amunitsixi tiwa'aitɨwame hetsɨa,