1 Pekuru 2:8 - Kakaɨyari Niukieya

⁸ metatsiere mɨpaɨ paine: «mɨkɨ tetetsie mepɨtiketamɨre meta tete mɨwarekaxɨrieni kanihɨkɨtɨni». Mɨkɨ mekaniutiketamɨreni niukitsie yamemɨkatekahukɨ, mɨpaɨ memɨteyurienikɨ memɨ'ayumiemetetɨkaikɨ.

1 Pekuru 2:8 ပူးပေါင်းရင်းမြစ်များ

Kitsariyaxi 8:14

Yawé tuki kanihɨkɨtɨkamɨkɨ. Matsi tete kanihɨkɨtɨkamɨkɨ hetsiena memɨtiketamɨrike 'Ixaheritsie nuiwarite memuyuhuta wahetsiemieme, mɨkɨ tete puwarekaxɨrieni. Kerutsareme kiekatari wahetsiemieme Kaunari kanayeimɨkɨ meta winiyari.

1 Kurinitutari 1:23

Tame Kɨritsitu pɨta tekanikuxatani, kemɨ'ane kuruxitsie mumierie kemɨtihɨkɨ. Mɨkɨkɨ huriyutsixi mekaniutiketamɨrixɨani, yakɨ xeikɨa tikuxaxatsiwame mekani'erieka hipatɨ memɨkahuriyutsixi.

1 Pekuru 2:7

Kwinimieme mariwemekɨ witsixepɨte'ixeiya, xeme yuri xemɨte'erie, peru yuri memɨkate'erie wahepaɨtsita pɨta kemaine, «Kii wewiwamete tete memutixani'eri, matsi mɨkɨ tete 'itsikina mieme kanayani»,

Xumatari 9:22

Yaxeikɨatatsiere, Kakaɨyari matsiɨkɨme 'ayeitɨamɨtɨ kemɨtiha'a, meta tihekɨatamɨtɨ kemɨtitɨrɨkaɨyekɨ, pɨtiunewi waɨkawa tiuka'eniwatɨ mɨhekarienikɨ mɨ'ayumiemetɨkai hetsiemieme meta mɨka'unarienikɨ mɨha'aritsiekai hetsiemieme.

Kura 1:4

Hipatɨ teɨteri tatsata mekanatahaxɨani 'awie, meripai mekaniukayatsariexɨani mɨpaɨ memɨtemari'itɨarienikɨ. Kakaɨyari mepɨka'ayexeiya, mekanipata tita Kakaɨyari mɨtiwamikwa 'aixɨa tiuka'iyaritɨ, para memɨyutatuanikɨ merukuyatɨwetɨ xeikɨa. Mekaniyuku'imawani mɨpaɨ me'utiyuatɨ kename meka'imate kemɨ'ane hɨkɨatɨ mɨtakutsiyari mɨtati'aitɨwame Ketsutsi Kɨritsitu.

2 Pekuru 2:3

Piinite metehiwe'erietɨ, yakɨ xeikɨa mete'ɨkitatɨ xekɨmana mepɨte'itaka. Tsepa meripaitɨ 'amemu'uwa, xɨanakɨ pɨkayɨane 'itsɨkame 'arike mɨwatahɨawe, kemɨ'ane mɨwaka'una pɨkakutsu.

1 Tetsarunikatari 5:9

Kakaɨyari 'ena pɨkatatsi'ukaye temɨhekarienikɨ, pɨtatsi'ukaye temaye'axɨanikɨ pɨta ketemɨtetawikweitsitɨarieni, Tati'aitɨwame Ketsutsi Kɨritsitu yatatipitɨakaku.

Rukaxi 2:34

'Aixɨa xepɨ'itɨarieka kaniutayɨnita Tsimiyuni, mɨpaɨ Mariya katiniutahɨawe nunutsi maamaya: «Kamɨ 'ikɨ nunutsi yumɨiretɨ 'ixaheritsixi mematixɨrienikɨ meta yumɨiretɨ memanuku'unikɨ kani'ayumiemetɨni, 'inɨari kaniyɨmɨkɨ kaniniukimariekamɨkɨ,

2 Kurinitutari 2:16

Memɨkwixime wahekɨ tepumɨki'ɨa temɨwaraye'eritɨwakɨ kememɨtekwini, peru mɨkɨ memɨtawikweitsitɨariexime wahekɨ teputukari'ɨa temɨwaraye'eritɨwakɨ kememɨte'ayeneniereni. ¿Merikɨte, kepaikɨ pikema 'ikɨ naime?

Memeyekɨ 9:16

Peru hikɨ nepɨmatsihayewa 'akuxi para pemɨretimanikɨ kenemɨtiyurieni, para nemukuxaxatsiwanikɨ naitsarie kwiepa.

Kitsariyaxi 57:14

Mɨpaɨ pɨtitaniukieni: «Xekeneutiwewi, xekeneutiwewi, huye xekeneukuha'arita. Xeketenanutaxɨriexɨa neteɨterima wahuyeta mɨtiu'utɨka».

Kitsariyaxi 37:26

»”¿Mɨpaɨ pekaretimaiwe? Mɨixa wiyari panuyemieri ne nemɨtiukuha'aritaxɨ. Ne meripaitɨ yaneputayɨ, hikɨta nepeye'atɨa, 'Ayumieme 'ekɨ pepɨwaruka'unaxɨ kiekarite mɨtɨrɨkawi.

Karatsiyatari 5:11

Ne'iwama, xɨka mɨpaɨ kuxi netikuxatanike, kename heuyewetse xitekiya 'inɨariyari, ketitayari netitaweiyarieni 'akuxi. Xɨka Niuki Kɨritsitu kemɨtiumierie kuruxitsie kemanuyɨne nekuxatani, mɨkɨ 'ari teɨteri pɨkawarukununuitɨwani.

1 Pekuru 2:6

'Ayumieme mɨpaɨ pɨre'uxa: «Neuxei, Tsiyunitsie nekanitakeni tete manayexeiyarie tsikurita mieme, waɨkawa mariwetɨ kemɨ'ane yuri mɨti'erie hetsiena hatsuaku pɨkatiyutewinɨaka».

Kuwi 23:14

Mɨkɨ yapɨtiyurieni nehetsiemiemekɨ kemɨtiu'eri, naime kemɨtiku'eriwa yapɨtiyurieni.