1 Pekuru 2:7 - Kakaɨyari Niukieya

⁷ Kwinimieme mariwemekɨ witsixepɨte'ixeiya, xeme yuri xemɨte'erie, peru yuri memɨkate'erie wahepaɨtsita pɨta kemaine, «Kii wewiwamete tete memutixani'eri, matsi mɨkɨ tete 'itsikina mieme kanayani»,

1 Pekuru 2:7 ပူးပေါင်းရင်းမြစ်များ

Mateu 21:42

Hikɨ Ketsutsi mɨpaɨ katiniwarutahɨawe: —¿Xekate'ekaterɨwawawe 'utɨarika xapayaritsie: »“Mɨkɨ teté memitixani'eri kii wewiwamete mɨkɨ teté 'itsikina mieme kanayani, Ti'aitame mɨya katiniuyurieni, meta kanimariweni ketemɨte'ixeiya”?

1 Pekuru 2:8

metatsiere mɨpaɨ paine: «mɨkɨ tetetsie mepɨtiketamɨre meta tete mɨwarekaxɨrieni kanihɨkɨtɨni». Mɨkɨ mekaniutiketamɨreni niukitsie yamemɨkatekahukɨ, mɨpaɨ memɨteyurienikɨ memɨ'ayumiemetetɨkaikɨ.

1 Pekuru 1:8

Xeme xepinaki'erie tsepa hatsuaku xemɨka'ixeiyawawe, tsepanetɨ hikɨ xemɨka'ixeiya, hetsiena yuri xemɨte'erie, 'ayumieme xepɨyutemamawie 'anayuhayewakamekɨ meta witsi'aneme kexemɨtepitɨarie,

Hepɨrayutsixi 11:31

Yuri mɨti'eriekaikɨ Xahawi pɨka'utatɨmaiyarie teɨteri yuri memɨkate'eriekai wahamatɨa, mɨkɨ 'uka tuminikɨ mɨyuwitɨnɨakai kanihɨkɨtɨkaitɨni, kuyaxi 'awie nenieremete yukiita 'aixɨa 'anemekɨ muwarutanaki'erikɨ.

Hepɨrayutsixi 4:11

'Ayumieme teketamexɨitɨaka temaye'axɨanikɨ hakewa mɨtatsiheka'uxipitɨani, xewitɨ kapa 'atiwenikɨ kapa matsiɨkɨnikɨ hetsiena yuri kemɨkati'erie yaxeikɨa mɨkɨ wahepaɨ.

Titu 3:3

Tameri tanaitɨ meripaitɨ 'atsitekatemaitɨ tekaniu'uwakaitɨni meta yatepɨkatekahukai. Tepeuyexɨriekai waɨriyarika tepɨte'uximayakai tita temɨtehiwe'eriekaitsie mieme xeikɨa, mɨiremekɨ temɨnaki'akakɨ xeikɨa tepɨyɨakai. 'Atepu'uwakai 'axateteyuriekutɨ meta te'ɨtetsatɨ. Tepɨxani'eriwakai, tepɨta'uxiwe'eriekai tanaitɨ.

Kurutsetari 2:10

Xemeta hetsiena xetewiyatɨ xekanaye'atɨarieni, yunaitɨ memɨte'aita heitserie memexeiya kaniwamu'utɨni.

2 Kurinitutari 2:16

Memɨkwixime wahekɨ tepumɨki'ɨa temɨwaraye'eritɨwakɨ kememɨtekwini, peru mɨkɨ memɨtawikweitsitɨariexime wahekɨ teputukari'ɨa temɨwaraye'eritɨwakɨ kememɨte'ayeneniereni. ¿Merikɨte, kepaikɨ pikema 'ikɨ naime?

Xumatari 15:31

nemɨtawikweitsitɨarienikɨ, Kureya memɨtama yamemɨkatekahu 'axamemɨkanetsiyurienikɨ, 'aixɨa 'anemekɨ memenunakekɨ Kakaɨyari teɨterimama, kenemɨtiwaparewieni Kerutsareme hetsie,

Xumatari 10:21

Matsi mɨpaɨta paine 'ixaheritsixi wahepaɨtsita: «Tukarikɨ nemamá nepeutatserakai teɨteri yamemɨkatekahu memɨ'uxiwa'a wahepa».

Nɨ'ariekate 26:19

»Neuxeitsɨ ti'aitame 'Akɨripa, yanetikamietɨ nepatɨa kenemɨtixei taheima mieme.

Wani 4:42

Mɨpaɨ 'ukaratsi mekateniutahɨawe: —Hikɨrixɨa 'aniukikɨ xeikɨa yuri tepɨkate'erie, tameri tekani'enieni, tekatenimaika 'ikɨ yurikɨ kwiepa memɨtama wawikweitsitɨwame mɨhɨkɨkɨ.

Rukaxi 20:17

'Iya waxeiyatɨ mɨpaɨ kaniutayɨni: —Merikɨte, xɨka mɨpaɨ katiuyɨni, ¿titayari 'ipaɨ raine 'utɨarika: »“Mɨkɨ teté memitixani'eri kii wewiwamete, mɨkɨ teté 'itsikina mieme kanayani”?

Rukaxi 2:32

Kaniwahekɨariwiyamɨkɨ hipame nuiwarite meta witsite'aneneme katanayeitɨamɨkɨ 'ateɨterima 'ixaheritsixi».

Tsakariyaxi 4:7

¿Ketita peti'a'erie 'ekɨ, hɨri 'apemutewi? Tsuruwaweri hɨxie makuweri pekanihɨkɨtɨni xeikɨa. Mɨkɨ tete pɨkayeni tsutɨmeyari mayani, teɨteri me'utihiwakaku hepaɨtsitana 'aixɨa mehaitɨkaitɨ witsimɨ'anekɨ”».

'Akehuxi 2:7

yunaitɨ nuiwarite memɨtimamanikɨ yanepɨtiyurieni. Hikɨ yupiinite mɨraye'atɨka mekateni'atɨakuni 'ikɨ tukita, hikɨ witsimɨti'anene mɨkɨ netukita katinitahɨnimɨkɨ —Yawé Naimekɨmɨtɨrɨkaɨye mɨpaɨ kanaineni—.

Kitsariyaxi 28:5

'Iya tukaritsie Yawé Naimekɨmɨtɨrɨkaɨye kuruna witsimɨtiyuxexeiya kanihɨkɨtɨkamɨkɨ, patsaruxi mutixawatɨre keyupaɨmetɨ memuyuhayewa mehe'eriwatɨ wahetsiemieme.

Rukaxi 2:34

'Aixɨa xepɨ'itɨarieka kaniutayɨnita Tsimiyuni, mɨpaɨ Mariya katiniutahɨawe nunutsi maamaya: «Kamɨ 'ikɨ nunutsi yumɨiretɨ 'ixaheritsixi mematixɨrienikɨ meta yumɨiretɨ memanuku'unikɨ kani'ayumiemetɨni, 'inɨari kaniyɨmɨkɨ kaniniukimariekamɨkɨ,

1 Pekuru 2:4

Kɨritsitu tete mayeniere kanihɨkɨtɨni, teɨteri memitixani'eri, peru Kakaɨyari kanenayexeiya. Mariwemekɨ 'aixɨa mɨtixeiyarienikɨ. Kepauka hetsɨana xemɨye'axe