1 Pekuru 2:23 - Kakaɨyari Niukieya

²³ 'Axatikɨhɨawarɨwatɨ 'axapɨkatiwarutahɨawixɨ, tikwinetɨ 'atsipɨkahainekai kename 'axawayurienikekai, matsi kaniyuyetuani kemɨ'ane heitseriemekɨ mɨwa'inɨata 'aixɨa miyurienikɨ.

1 Pekuru 2:23 ပူးပေါင်းရင်းမြစ်များ

Kitsariyaxi 53:7

Pɨtiukwinitɨarie, nitixaɨtɨ pɨkarayeitɨarie, peru 'etsiwatɨma pɨka'utaniu, muxa nunutsi hepaɨ, pehanie memierienikɨ, muxa 'uka mɨxikie hepaɨ, pɨka'utatsua, meta 'etsiwatɨma pɨka'utaniu.

1 Pekuru 4:19

'Ayumieme mɨkɨ memɨte'ukakukwine mɨpaɨ mɨtinakekɨ Kakaɨyari, mɨkɨ kaneuyeweka 'aixɨa meteyurietɨ memɨyuyetuanikɨ, kemɨ'ane mɨwarunetɨa mɨwa'ɨwiyanikɨ wa'iyari, mɨkɨ yakatinikamieni kemaine.

Hepɨrayutsixi 12:3

Xekena'eriwani mɨkɨ kemɨtiukanewiekai 'axateyuruwamete kwinimieme meheye'uniekaku. Kapa xe'u'uxenikɨ xeme, yu'iyaritsie kapa xewaɨripiekakɨ.

Nɨawari 37:5

Yawé 'ahuye kenehɨritɨaka, hetsiena ketinewiyani, mɨkɨta yapɨtiyurieni 'ahetsiemieme.

Nɨ'ariekate 4:29

Hikɨ Ti'aitame keniwaru'eni 'axakememutiyuane, ketaneparewieka tame te'a'uximayatsiriwamete tixaɨtɨ tekateheumakatɨ 'aniuki temukuxatanikɨ.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

2 Timuteu 1:12

Mɨpaɨ nemɨ'anekɨ, 'ayumieme mɨya nepɨtiuka'eniwa, peru nepɨkanetewiya nemimatekɨ kemɨ'anetsie yuri nemɨtiuta'eri, yuri nekatini'erieka mɨkɨ mɨyɨwekɨ mi'ɨwiyanikɨ tita mɨnetiyetuiri 'iya tukari mexi ka'aye'awe.

Rukaxi 23:46

Hikɨ Ketsutsi karima 'utahiwaka mɨpaɨ kaniutayɨni: —Ne'ukiyari, ne'iyari nepɨmatsihɨritɨa. Mɨpaɨ 'utayɨka kaniumɨni.

Nɨawari 31:5

'Amamatsie ne'iyari nepɨyetua, Yawé, keneneutawikweitsitɨa, yuri Kakaɨyari.

Nɨawari 10:14

'Ekɨ pepɨniere ketemɨte'uximatɨarie meta ketemɨtenanaimarie, 'ekɨ pepɨkaratɨmaiya 'aixɨa pepɨtiyurieni mɨkɨ hepaɨtsita. Mɨyamemɨte'anuyehu matsi 'ahetsie mekaneuwaɨreni, 'ekɨ pepɨhɨkɨ nutuite waparewiwame.

Matsiɨkɨtɨ kemɨratɨa 19:11

Manata muyuawi nekaniuxeiya reuyepiekame, meta kawayu heutuxatɨ mana kaniuwekaitɨni. Manakatei Yamɨtikamie meta Yurimaine katinitewakaitɨni. Heitseriemekɨ yatikamietɨ kaniwaranutaxɨrɨwani meta kuyaxa kaniwewieka.

1 Pekuru 3:9

'Axaxete'upitɨarieme 'axaxepɨkawayurieni, 'axaxete'utahɨawarieme 'axaxepɨkatewakɨhɨaweni, matsitsɨ xekeneutawawiri Kakaɨyari 'aixɨa memɨ'itɨarienikɨ pɨta, 'ayumieme xeputa'inierie, xehetsie mɨtinakenikɨ 'aixɨa xemɨ'itɨarienikɨ.

2 Tetsarunikatari 1:5

Yaxe'itɨariekaku kanimatsiɨkɨni Kakaɨyari heitseriemekɨ kemɨti'inɨata 'itsɨkametɨtɨ, mɨpaɨ xeteta'inɨatsieme xemeta xekanimariwakakuni, xehetsie kemɨtinakeni 'axemu'uwanikɨ Kakaɨyari tixe'aitɨwametɨkaku, mɨpaɨ mɨtiyɨnikɨ xetenikwineni xemeta.

'Epetsutari 6:9

Xemeta, xemɨwakutsiyarima, yaxeikɨa xekeniwayurieka, xeketeneuhayewa xewamariutatɨ. Mɨpaɨ xetemaitɨ, kemɨ'ane mɨwakutsiyari mɨxekutsiyari xemeta, mɨkɨ Ti'aitame taheima pakawe, yɨkɨ teɨteri pɨkatiwaxeiya.

Xumatari 2:5

'Ekɨtsɨ 'a'iyari mɨtse'ikɨ pemɨka'awaɨriyakɨ pemɨtihayewanikɨ kepemɨtiyuriene, 'ahetsiemieme haxɨa pepu'utane, 'iya tukaritsieke kepauka pemɨyehekarienitsie, kepauka matsiɨkɨtɨ mayani heitseriemekɨ kemɨtiwaranutaxɨrɨwa Kakaɨyari.

Nɨ'ariekate 17:31

Xeime tukari pukaye mɨwa'inɨatanikɨ kwiepa memɨtama heitseriemekɨ yɨanetɨ, 'iya 'uki manuyexei yatiyurienekaku. Kakaɨyari yurikɨ niwarutahekɨatɨani yunaime, 'enukuketɨaka mɨkɨ mɨkite watsata».

Nɨ'ariekate 9:1

Hikɨ Tsauru 'uxiwa'atɨ 'akuxi mɨpaɨ 'utaitɨ mɨwakwinikekai Ti'aitame teyɨ'ɨkitɨwametemama, kaninuani mawari wewiwamete tiwa'aitɨwame hetsɨa,

Rukaxi 23:9

Waɨkawa kaniku'iwawiyakaitɨni, peru Ketsutsi 'atsipɨkatita'ei.

Nɨawari 96:13

Yawé hɨxie xekeneutikwikani, 'ukanamieniri. 'Ukanamieniri kwiepa 'aixɨa tiyurienike. Kwiepa memɨtama kaniwataxanetamɨkɨ kemɨtiheitseriekɨ, meta teɨteri wahetsie yuri mainekɨ.

Nɨawari 7:11

Kakaɨyari 'itsɨkame 'aixɨa mɨtiuka'iyari kanihɨkɨtɨni, Kakaɨyari kaniwahekani 'axamemɨteyurie tukarikɨ.

Tsutɨarika 18:25

Mɨpaɨ pemɨtiyurieneni matsi 'aixɨa pɨka'ane. Heitseriemekɨ yamɨtikamie xɨka 'umieni 'axamɨtiyuriene hamatɨa meta yaxeikɨa memɨte'anuyehuni yunaitɨ. Mɨpaɨ matsi hatsuaku pepɨkatiyurieneni. 'Ekɨ 'itsɨkame pekanihɨkɨtɨni 'ikɨ kwie naime hetsiemieme. ¿Tamɨ kemɨtiheitserie pekatiyurieni?

Nɨ'ariekate 7:59

Mexi'akuxi me'itituaxakai, 'Etsitewani kaniyunenewiekaitɨni. Mɨpaɨ 'utaitɨ: —Ti'aitame Ketsutsi 'aku, ne'iyari keneutanaki'eri.

Rukaxi 23:41

Peru kaniheitserietɨni tahetsie kemɨtiunakixɨ, kemɨreuyewetse xeikɨa tepɨ'itɨarietɨwe yatemɨteyuriekaikɨ. 'Ikɨ matsi tixaɨ 'atsipɨkatiyuriewe.