1 Pekuru 2:2 - Kakaɨyari Niukieya

² tɨɨri xike memutinunuiwaxɨ wahepaɨ pɨta xekenehiwe'erieka retsi 'iyaritsie mieme mɨkahatuiyarie. Mɨkɨkɨ xekanitiwawerikuni, xewikweitsitɨarietɨ xekanakɨnikuni,

1 Pekuru 2:2 ပူးပေါင်းရင်းမြစ်များ

'Epetsutari 4:15

Matsi yuri te'utiyuatɨ tetetakanaki'erietɨ, tekanitiwerikuni 'iya hepaɨ te'anenetɨ temakɨnekɨ naimekɨ. 'Iya kanitamu'utɨni Kɨritsitutɨtɨ.

2 Pekuru 3:18

Matsitsɨ xekenewawereni waɨkawa matsi 'aixɨa xete'u'iyaritɨ xemakɨnirɨmenikɨ, xe'imatetɨ Tati'aitɨwame Tatsiwikweitsitɨwame Ketsutsi Kɨritsitu. Mɨkɨ mariwemekɨ kekuxaxatsiwani hikɨ, tukari mɨkaxɨwe mexi ka'aye'awe. Mɨpaɨ xeikɨa kani'aneni.

Marikuxi 10:15

Yurikɨ mɨpaɨ nepɨxerahɨawe, kemɨ'ane mɨka'itanaki'erieni Kakaɨyari kemɨti'aita nunutsi hepaɨ yuri ti'erietɨ pɨkayɨwe mana meutahani».

1 Kurinitutari 14:20

Ne'iwama, tɨɨri wahepaɨ xepɨkateyumaika. 'Aixɨa kani'aneni xɨka tɨɨri wahepaɨ 'atsixekatemaika tita 'axamɨti'ane hepaɨtsita, peru xetsetseɨyetɨ pɨta kexemɨteyumate.

Temaiwawemete 4:18

Heitseriemekɨ yamemɨtekahu wahuye witsipɨ'ane, kepauka tau 'ɨrɨya ximeri manatinexɨaxime hepaɨ: hekɨariya waɨkawa mɨhekɨariwiexime hepaɨ kepaukake hekɨariya 'aixɨa tixawatɨtɨ mayani.

Kuwi 17:9

tewi heitseriemekɨ yamɨtikamie yuhuyeta xeikɨa kaniumieni meta yumamatsie meu'itiyatɨka kanitɨrɨkaɨyeni.

2 Tetsarunikatari 1:3

Neuxei 'iwamarixi, kaneuyeweka tame taheyemekɨ pamɨpariyutsi temipitɨakakɨ Kakaɨyari xehepaɨtsita, kemɨreuyewetse yatemɨteyuriekakɨ xeme keyuri xemɨte'erie xemɨtaweriyarɨmekɨ, meta yuxexuitɨ yunaitɨ xemɨtetamɨiriyarɨmekɨ xeteyukanaki'erietɨ.

Mateu 18:3

Mɨpaɨ kaniutayɨni: —Yurikɨ mɨpaɨ nepɨxerahɨawe, xɨka xekate'uhayewa 'axaxeteyurietɨ, tɨɨri wahepaɨ xe'anenetɨ xɨka xekahakɨne, xepɨkaheutahaxɨani Kakaɨyari mɨra'aitatsie.

'Epetsutari 2:21

Mɨkɨtsie tiwiyatɨ kanixewiriyarieka naitɨ mɨwewiya, Ti'aitame hetsie kemɨtiwiya tuki payeika Kakaɨyari hetsiemieme mɨpatsie.

Xumatari 6:4

'Ayumieme hamatɨana tepukateukiexɨa mɨpaɨ tete'uka'ɨyarieka temɨkwinikɨ, para yaxeikɨa hepaɨna temu'uwanikɨ te'utihekwariyarieme ketemɨteyurie te'ayenenieretɨ tameta, mɨpaɨta Kɨritsitu manukuke hepaɨ mɨkite watsata ta'ukiyari witsimɨ'ane 'enukuketɨaka.

'Utseyaxi 6:3

'Ana Yawé tepetimani, kemɨtiku'eriwa 'utɨmana tepuhuni. Yurikɨ tau manatineika hepaɨ, tahamatɨa matsiɨkɨtɨ payuyeitɨani, tahamatɨa punuani wiyeri xexerixa mieme hepaɨ, wiyeri witarita mieme hepaɨ kwie mukuhawiya.

1 Pekuru 1:23

Xemetsɨ hekwamekɨ xekaniutinunuiwa, 'imɨari mɨpɨniwe hetsie xepɨka'utinexɨa. Mɨkapɨniwetsie pɨta xeputinexɨa, Kakaɨyari niukieya mayeniere yatixepitɨakaku yuheyemekɨ 'amɨtiteriwe.

2 Tsamuheri 23:5

»Kakaɨyari yuheyemekɨ nenuiwarima kaneniupitɨani, tɨratu yuheyemekɨ nehamatɨa kaniuwewieni, naime 'aixɨa hauti'aneme, mɨkayɨwe mɨpatsieni. Kakaɨyari yakatiniyuriemɨkɨ nemɨrayu'iwanikɨ, meta yamɨraye'anikɨ naitɨ tita nemɨreuyehɨwa.

'Utseyaxi 14:7

Ne'etɨritɨa mepuyutikiitɨani, mepɨtiwawere tɨriku hepaɨ. Mepɨkayɨyɨrani kaxie hepaɨ, mepukuxaxatsiwani winu Riwanu mieme hepaɨ.

'Utseyaxi 14:5

Ne wiyeri hepaɨ nepɨ'aneni 'Ixaheri hetsiemieme, yanepɨtiyurieni mɨkaxutunikɨ texuxuri tuturiyari hatetsita mieme hepaɨ. Nanayari tetɨata paitɨ ratiwiwiyame nepayeitɨani Riwanu kɨyeyari hepaɨ.

Marakiyaxi 4:2

Peru xeme matsi xemɨnetsi'ayemakaxe xehetsiemieme, tita mɨtiheitserie nehetsɨa miemekɨ xepɨhekɨariyarieni, mɨkɨ hekɨariyakɨ xepanayexɨrieni. Hikɨ xeme xetixɨnarieme, xekanayekɨnikuni xe'utitsukwakatɨ tsikerutsixi memɨxɨxɨni hepaɨ 'ɨxapa.

Mateu 19:14

Ketsutsi mɨpaɨ katiniwarutahɨawe: «Xekeniwapitɨaka tɨɨri nehetsɨa memɨ'axenikɨ, wahɨxie xepɨka'u'uka, mɨpaɨ memɨ'anene kaniwahetsiemiemetɨni Kakaɨyari mɨra'aita».

Rukaxi 18:17

Yurikɨ mɨpaɨ nepɨxerahɨawe, kemɨ'ane mɨka'itanaki'erieni Kakaɨyari kemɨti'aita nunutsi hepaɨ yuri ti'erietɨ, pɨkayɨwe mana meutahani».