1 Pekuru 1:18 - Kakaɨyari Niukieya

¹⁸ mɨpaɨ xetemaitɨ, tita mɨtipɨniwekɨ pɨratakɨ, huru hepaɨ, mɨkɨkɨ xepɨka'unanaiya kepauka xemuxɨnarie 'uxa'atɨni warie yakɨ xeikɨa xemɨka'u'uwanikɨ, xetutsima kememɨtexe'ɨkitɨakai,

1 Pekuru 1:18 ပူးပေါင်းရင်းမြစ်များ

1 Kurinitutari 6:20

Xewitɨ pɨta 'uyutuaku xepunanaiya. 'Ayumieme yuwaiyaritsie witsitikuxaxatsiwame Kakaɨyari xekenayeitɨa, meta yu'iyaritsie, Kakaɨyari mukutsiyarieyakɨ.

1 Kurinitutari 7:23

Xewitɨ 'uyutuaku xepunanaiya. Teɨteri wahetsiemieme te'uximayatamete xepɨkahayuyeitɨwani.

Titu 2:14

Mɨkɨ kaniyuyetuani tahetsiemieme, mɨtatsixɨnakɨ 'inɨari temeutitsanaxɨaku, meta mɨtatsi'itienikɨ yuhetsiemieme teɨterimama temanayexeiyarie temakɨnekɨ, tetawaɨriyatɨ 'aixɨa temɨteyuriekakɨ.

Karatsiyatari 1:4

Mɨkɨ Ketsutsi kanihɨkɨtɨni kemɨ'ane mɨyuyetua, tame 'axatemɨteyurie temɨxɨnarienikɨ. 'Ayumieme pɨtatsitawikweitsitɨani, hikɨ miemetexi 'axamemɨteyurie watsata te'u'uwakaku. Mɨpaɨ katininakeni takakaɨyari ta'ukiyari.

'Epetsutari 4:17

'Ayumieme 'ipaɨ nepaine, Ti'aitame hetsie netiwiyatɨ 'ipaɨ nepɨtihekɨata. Xepɨka'u'uwani hipatɨ kememɨyɨa memɨkatateɨterima. Yakɨ xeikɨa mekateniku'eriwani mɨkɨ,

Xumatari 1:21

Kakaɨyari mehetimaika, 'aixɨa mepɨka'utiyuanekai hepaɨtsitana Kakaɨyari hepaɨtsita temutiyuane hepaɨ. Pamɨpariyutsi mepɨka'ipitɨakai, matsi yakɨ metekuxatatɨ mekanakɨne mexi niuki mexɨatɨakai, wa'iyari 'atsikatimaiwekaku, kaniukuyɨre wa'iyaritsie.

1 Pekuru 4:3

'Ariri tukari manuyetɨatsie tukari xeputsewixima yaxeteyurietɨ kemɨtiwanake nuiwarite, xekaniku'uwani xerukuyatɨwetɨ xeikɨa, xete'ukahiwe'erietɨ, xetarɨwetɨwetɨ, xeku'ixɨaratɨwetɨ, xeku'ietɨwetɨ, meta tetexi xewarayexeiyatɨ memɨxani'eriwa.

1 Pekuru 1:7

Huru, tsepanetɨ mɨxɨwe, taikɨ kwaxiyarietɨ waɨkawa kanixawatuni. Xemeta yuri kexemɨte'erie mɨpaɨ pɨ'ane, huru kemɨkaraye'axe matsi mɨkɨ waɨkawa katinaye'aka, mɨpaɨ xete'inɨatsietɨ matsi xeyɨwawetɨ xekanakɨnikuni, Kakaɨyari 'aixɨa pɨtayɨni xehepaɨtsita, meta witsipɨtixexeiya kepauka Ketsutsi Kɨritsitu matsiɨkɨtɨ mayani.

'Amuxi 2:4

Yawé mɨpaɨ paine: «Kura ke'axamɨtiuyuri waɨkawa katiniuyurieni, 'ayumieme nepɨkareiyehɨwirieni: Mɨkɨ yu'itarikatsie metewitɨ mepeuyexɨri, kememɨte'uyuri watutsima, mepiku'eiri Yawé 'aitsikaya mepɨkaheye'atɨa kemɨtiu'aitaxɨ.

Nɨawari 62:10

'Axamɨti'anetsie xepɨkatewiyani witsixepɨkateku'eriwani yu'inawarikɨ, tsepa xepiinite mɨtiutimɨirixɨ, mɨkɨ hetsie yu'iyari xepɨkatewiyatsitɨaka.

Nɨawari 39:6

Tewi tukarieya 'etɨriya hepaɨ xeikɨa kani'aneni meuyewautse. Yakɨ xeikɨa pɨyɨaneni piinitɨarika xɨka tixeɨrieka, 'atsipɨkatimatsiɨkɨ kemɨ'ane mɨranupiini.

'Etsekieri 20:18

»”Mana makumawetsie mɨpaɨ nepɨtiwarutahɨawixɨ wanuiwarima: ‘Yu'ukiyarima wa'aitsika xepɨka'uweiyani, wa'inɨari xepɨka'ɨkeni meta wakakaɨyarixi 'axamemu'ɨatɨka xepɨkawarayexeiyani.

Keremiyaxi 44:17

Matsi pɨta, tepiyeweiyani ketemutiyua: 'Ɨkwa tepitairietɨweni meta kaxie winuyari tepitiyeuririwani kakaɨyari 'Uka Muyuawitsie Ti'aitame ketemɨteyuriekai meta meripaitɨ tatutsima kememɨteyuriekai meta tate'aitɨwamete meta waparewiwamete, Kura kiekariyaritsie meta Kerutsareme kayeyari'utɨma. 'Ana tukaritsie waɨkawa 'ikwai tepexeiyakai 'aixɨa 'iyari tepu'uwakai meta tepɨkate'uka'eniwakai.

Keremiyaxi 16:19

Yawé, netɨrɨkariya meta pemɨnetsi'awieta, 'ahetsɨa nemɨneti'awiwieta kepauka 'uximatɨarika nemexeiyani: kwie manu'axetsie paitɨ 'ahetsɨa nuiwarite mepɨ'axɨani, hikɨ mɨpaɨ mepɨtiyuani: «'Itarika xeikɨa ta'ukiyarima mepɨte'umikie, tixaɨtɨ mɨkatihɨkɨ mepɨte'umikie, nitixaɨtɨ mɨkatiyunaki'erie.

Keremiyaxi 9:14

Yu'iyari mɨkaheu'ena mepanukuwei, Wahari kakaɨyarixiyarite mepɨwaranukuwei, wa'ukiyarima kememɨtewaru'ɨkitɨa».

Keremiyaxi 4:11

'Iya tukaritsie mɨpaɨ mepɨtetahɨawarieni 'ikɨ teɨteri meta Kerutsaremetari: «Hɨrite mɨmeetse makumawetsie mɨtiteitsie paitɨ 'eka xɨkatɨ pataneika neteɨterima wakiekari nemɨnaki'erie makuma hepa 'erietɨ. Mɨkɨ 'eka tihename pɨkahɨkɨ meta tɨriku hename pɨkahɨkɨ,

1 Kurinitutari 3:20

Tawarita mɨpaɨ katine'uka: «Ti'aitame, memɨtemaiwawe kememɨteyɨkɨhɨawe kaniwamaika, mɨpaɨ katinimaika kename tixaɨtɨ mekatehɨkɨ».

Kitsariyaxi 44:22

'Aitsika pemutitsanaxɨakɨ neputayeitɨa haiwitɨri ximeri mieme hepaɨ, metatsiere ke'axapemɨtiuyuri nepekuyeitɨa haɨtsi hepaɨ. Nehetsɨa kenenua, nekameniutawikweitsitɨani».

Kitsariyaxi 52:3

Yawé mɨpaɨ kanaineni: «Xeme nitixaɨtɨkɨ xepɨkate'utuiya, 'ayumieme tuminikɨ xepɨkaxɨnarieni».

Hepɨrayutsixi 9:12

mɨkɨ tukita kepauka meutaha, tsipuri tsikerutsixi waxuriya 'a'ɨtɨ pɨkayɨanekai, yuxuriya pɨta 'a'ɨtɨ xeimieme xeikɨa mana kaneutahani Waɨkawa Mɨpatsieta. Mɨpaɨ tiuyurieka pɨtatsi'utixɨnaxɨ taheyemekɨ temɨxɨxɨninikɨ.

1 Wani 3:5

Xeme mɨpaɨ xepɨtemate Ketsutsi Kɨritsitu matsiɨkɨtɨ matɨakɨ mɨtatsinawairienikɨ tita 'axatemɨteyurie. Tita 'axamɨti'ane pumawe hetsiena.

'Inɨatsie 7:15

Mawari taiyariyari hetsiemieme, tsikeru xeiwiyari hɨkame kaniyetuani, xeime muxa 'uki meta xeime muxa xeiwiyari hɨkame.

Marikuxi 8:37

Nixewitɨ pɨkayɨwe mɨtiyutuani yutukari hetsiemieme.