1 Pekuru 1:12 - Kakaɨyari Niukieya

¹² Mɨkɨri mɨpaɨ mepɨte'u'ɨkitɨarie, yuhetsiemieme mɨpaɨ mepɨkayɨakai kememɨtehɨritɨariekai, tame pɨta tahetsiemieme mepɨyɨakai mɨkɨ hepaɨtsita. Xemetsɨ hikɨ wikweitsitɨarika hepaɨtsita xepɨte'utahɨawarie wahepaɨ, texaxatamete yametenixekuxaxatɨwakaitɨni, 'Iyari Mɨtiyupata hetsie metewiyatɨ taheima meyenɨ'arie. Kakaɨyari niuki tuayametemama mɨpaɨ mepɨtemaikakeyu kexemɨte'utahɨawarie.

1 Pekuru 1:12 ပူးပေါင်းရင်းမြစ်များ

Wani 15:26

»Kepauka munuani Tiyuparewiwame xehamatɨa muyeikanikɨ nemɨxehanɨ'airieni ne'ukiyari hetsɨa mieme, 'Iyari yuri maine ne'ukiyaritsɨa mayeneika kepauka munuani, mɨkɨ nehepaɨtsita katinitahekɨatamɨkɨ.

'Epetsutari 3:10

matsiɨkɨtɨ mayanikɨ hikɨ, memɨyutixexeɨriwa yametehekɨatakaku, mɨkɨ muyuawitsie memɨte'aita heitserie memexeiya yamemɨtehetimanikɨ, mɨiremekɨ kemɨtimaiwe Kakaɨyari, tahetsie yatimatsiɨkɨkaku.

1 Kurinitutari 2:10

Matsi hikɨ mɨya'aneneme Kakaɨyari matsiɨkɨme kanayeitɨani, 'Iyari yatatixeitsitɨakaku. Mɨkɨ 'Iyari katinimaika naitsarie kemɨti'ane, naitɨ kemɨtiyumate Kakaɨyari.

Hepɨrayutsixi 4:2

Tametsietɨ niuki 'aixɨa manuyɨnekɨ tepɨte'utaxatɨarie yaxeikɨa mɨkɨ wahepaɨ, peru mɨkɨ niuki memu'eni 'atsipɨkawaruyuri, memɨkayutaxewiriyaxɨkɨ mɨkɨ memi'eniekai wahamatɨa yuri memɨkate'uta'erikɨ.

Marikuxi 16:15

Hikɨ mɨpaɨ katiniwarutahɨawe: «Naitsarie kwiepa xekeneutayeixɨa, niuki 'aixɨa manuyɨne xekeniwakuxaxatɨwani yunaime keyupaɨmetɨ memunetɨarie.

1 Pekuru 1:25

Perutsɨ Ti'aitame niukieya yuheyemekɨ 'apɨtiteriwe». Mɨkɨ niuki mɨxata, niuki 'aixɨa manuyɨne kanihɨkɨtɨni xemutaxatɨarie.

Matsiɨkɨtɨ kemɨratɨa 5:11

Hikɨ neheutaniereka nekani'enieni tita yumɨireme niuki tuayamete waniuki hepaɨ mɨti'eniɨriɨkɨkai, 'uweni 'aurie memayeneniere wa'aurie 'ukirawetsixi wa'aurie mekaniti'ukaitɨni mɨireme miyuniyari meyupaɨmetɨ.

2 Kurinitutari 6:6

'Aixɨa 'anemekɨ tekateni'uximayaka, tetemaitɨ kemɨreuyewetse, tete'ukanenewietɨ meta 'aixɨa tete'u'iyaritɨ, 'Iyari Mɨtiyupata tehexeiyatɨ meta yurikɨ teteyukanaki'erietɨ,

2 Kurinitutari 1:22

yuhetsiemieme pɨtatsi'u'inɨaritɨa, ta'iyaritsie yu'iyari pɨtatsi'upitɨa 'inɨaritɨme mɨmatsiɨkɨnikɨ tita tahetsie mɨtinake.

Xumatari 15:19

tɨrɨkariya nehexeiyakaku 'inɨarite mamariwawemekɨ mɨtiyɨnikɨ, tɨrɨkariya nehexeiyakaku Kakaɨyari 'Iyarieya hetsɨa miemekɨ. Kerutsareme neheyeyaka 'Iririku paitɨ neheuyeyuneka nekanaye'ani yemekɨ netikuxatatɨ niuki 'aixɨa manuyɨne Kɨritsitu hepaɨtsita,

Nɨ'ariekate 2:33

'Anutiwitɨkieka mariwetɨ patɨa, Kakaɨyari tserieta, kanitanaki'erieni tita 'ukiyarieya mɨtiyetuirienikekai, 'Iyari Mɨtiyupata hɨkɨtɨme. Mɨkɨ kaniutatuani hikɨ kexemɨte'ixeiya meta kexemɨte'i'enie.

Tanieri 12:13

Peru 'ekɨ, 'aheyemekɨ keneumieni kepaukake 'atukari maye'ani, hikɨ keneuka'uxipi, kepauka 'imatɨrieka tukari maye'ani pekananukukemɨkɨ pemɨtiyetuiriyarienikɨ tita pemɨra'iwaxɨ”».

Tanieri 12:9

Mɨkɨ mɨpaɨ kanetiniuta'eiya: “Tanieri, keneumieni heitseriemekɨ, 'ikɨ naitɨ pɨranukanaka 'awie kepaukake tukari maye'ani.

Hepɨrayutsixi 2:4

Kakaɨyari meta 'axeikɨa wahamatɨa mɨpaɨ katinihekɨatakaitɨni 'inɨari wewietɨ mamariwaweme, tɨrɨkaɨyemekɨ tiyurienetɨ mɨiremekɨ, 'Iyari Mɨtiyupata yatiwapitɨakaku yuxexuime, kemɨtinakekai Kakaɨyari.

Karatsiyatari 1:16

yuniwe matsiɨkɨme mayeitɨanikɨ yanetimaikaku, hepaɨtsitana nemɨtikuxatanikɨ nuiwarite memɨkahuriyutsixi watsata. 'Ana teɨteri memɨwaite memɨxuriyate xeikɨa 'atsinepɨkatiwarahɨawekai.

Karatsiyatari 1:12

Neri kepauka nemitanaki'eri, tewi pɨkanetsiyetuiri. Nepeitima tewi kaneti'ɨkitɨakaku. Ketsutsi Kɨritsitu matsiɨkɨtɨ 'ayaku pɨta nekanitanaki'erieni.

Xumatari 10:15

¿Kehepaɨ metekuxatani xɨka mekaheutanɨ'ariexɨani? Kemɨre'uxa: «Mɨkɨ memɨtekuxata kemɨkati'uximatɨarieka yu'iyaritsie, niuki 'aixɨa manuyɨne memukuxata, witsike'aneneni wa'ɨkate».

Xumatari 1:17

Xɨka yuri ti'erieka, mɨkɨ niukitsie kanimatsiɨkɨkamɨkɨ Kakaɨyari heitserie kemɨtiyupitɨwa, para yuri mɨti'eriekakɨ, kemɨre'uxa: «Kemɨ'ane heitseriemekɨ yamɨtikamie, mɨkɨ kanayenierekamɨkɨ yuri mɨti'eriekɨ».

Rukaxi 15:10

Mɨpaɨ nepɨtixekɨhɨawe, yaxeikɨa Kakaɨyari hetsɨa miemete niuki tuayamete temawierika mekanexeiyani, kepauka xewitɨ mɨtihayewa 'axatiyurienetɨ».

Mateu 11:25

Merikɨtsɨ 'ana Ketsutsi mɨpaɨ kaniutayɨni: «Ne'ukiyari, taheima pemɨti'aita meta kwiepa, pamɨpariyutsi nepɨmatsipitɨa, pemɨtiuti'awietaxɨkɨ 'ikɨ naime memɨkaheitimanikɨ mɨkɨ memɨteyɨ'ɨkitɨawawe meta memɨtemaiwawe, tɨɨri pɨta wahetsiemieme matsiɨkɨme pemayeitɨakɨ.

'Amuxi 3:7

Yurikɨ, Yawé naimekɨmɨyɨwe yɨkɨ pɨkatiyurieni yuniukamete katiwataxatɨawetɨ kemɨtiyurieni.

Tanieri 9:24

»”Haika tewiyari heimana tamamata tsemanayari mepupitɨarie 'ateɨterima meta 'akiekari mɨpatsie para memɨtehayewakɨ 'axameteyurietɨ, memitawaunikɨ memɨteheuyehɨwiyarienikɨ ke'axamemɨte'uyuri, memitsutɨanikɨ kemɨtiheitserie meteyurietɨ yuheyemekɨ, kepemɨtiunierixɨ meta 'uxa'a warie kemɨtiyɨni kepemɨtiutaxatɨarie maye'anikɨ, meta patsiekame memayeitɨanikɨ tukita Waɨkawa Muyepatsietsie.

1 Tetsarunikatari 2:9

'Iwamarixi, xekana'eriwani ketemɨte'uximayakai, tukarikɨ tɨkarikɨ ketemɨte'uximayakai nixeime temɨkate'uxitɨakakɨ, mɨpaɨ tetenixekuxaxatɨwakaitɨni Kakaɨyari niukieya 'aixɨa manuyɨne.

Rukaxi 9:6

Mɨkɨ meheutayeixɨaka kiekaritetsie mekaniku'uwakaitɨni metekuxatatɨ 'aixɨa meteheu'eriekame mewarayeitɨwatɨ tekwikwikate naitsarie.

Rukaxi 2:26

mɨpaɨ katiniuhekɨatsitɨiyariekaitɨni 'Iyari Mɨtiyupatakɨ, kename kwitɨ kamɨnikekai, 'ixeiyameke Ti'aitame hetsɨa mieme Kɨritsitu, 'anarike kanimɨnikekaitɨni.

Mateu 16:17

Hikɨ Ketsutsi mɨpaɨ katinitahɨawe: —'Aixɨa pepɨ'itɨarie 'ekɨ, Tsimuni Kunatsi pemɨnu'aya, tewi mɨmɨwe pɨkamatiutahekɨatɨa, matsi ne'ukiyari taheima makawe pɨta.

Mateu 11:27

»Ne'ukiyari naime kanetiniyetuirieni. Nixewitɨ pɨka'imate Nu'aya 'Ukiyarieya xeikɨa pimate, meta nixewitɨ pɨka'imate 'Ukiyarieya Nu'aya xeikɨa pimate meta mexɨka nu'aya yuwaɨriyani matsiɨkɨme meyeitɨani peitimani 'ukiyarieya.

Tsakariyaxi 12:10

Rawiri nuiwarimama wahetsie meta Kerutsareme kiekatari nepɨwapituani 'iyari mɨtiyukanenimaya meta nenewierikɨ mɨ'ayumieme, hikɨ 'ana mepɨnetsixeiya. Kemɨ'ane pitsikakɨ memutse hetsiemieme mepuyukahiwerieni, yuniwe matɨari mieme memutatɨmaiya hepaɨ mepɨteyuhiwerieka.

Tanieri 10:1

Hairieka wiyaritsie Tsiru ti'aitakaku Peritsiya kiekame, Tanieri hɨxie matsiɨkɨtɨ katinayani kuyaxi meyumɨireme kaniwaruxeiya. Mɨkɨ kemɨtiunieritɨarie puyuritɨkai, Tanieri meta mɨkɨtɨtɨ mɨtitewakaitsiere Werititsatsaxi, kaneitimaitɨyani kehapaɨtɨtɨ manuyɨnekai kemɨtiunierixɨ.

Tanieri 8:13

»Hikɨ mɨpaɨ nekatiniu'ena xewitɨ mɨpatsie kananiukakaitɨni, xewitɨta kaniku'iwawiyakaitɨni: “¿'Ikɨ mɨya temɨteneniere 'akuxi kereutere mawari xexuime tukaritsie mieme hepaɨtsita, meta mawari 'axamɨ'ane mɨkapatsie ka'itiyakame mayeitɨwa tuki, metatsiere kuyaxi tixaɨtɨ kememɨkate'ayeitɨarie?”

Tanieri 2:47

mɨpaɨta katinitahɨawe: ―'Akakaɨyari kakaɨyarixi wakakaɨyari pɨhɨkɨ meta te'aitamete mɨtiwa'aitɨa pɨhɨkɨ. 'Akakaɨyari naime pɨtihekɨatawe, pemuyɨwekaxɨakɨ pemɨnetsitahekɨatɨanikɨ 'ikɨ heinɨtsika mɨkayumainɨakai mɨ'awietsiekai.

Tanieri 2:22

Mɨkɨ meukatewatsie timieme pɨtihekɨata meta tita mɨti'awietɨ, yapɨtimate tita 'etɨripa mɨti'awietsie. Hetsiena hekɨariya pɨyeka.

Tanieri 2:19

Tɨkarikɨ, Tanieri kaniuxeitsitɨarieni kehepaɨtɨtɨ mɨtiniumɨkɨ heinɨtsika. Hikɨ Kakaɨyari 'aixɨa katiniutahɨawe muyuawitsie makawe

Kitsariyaxi 32:15

kepaukake taheima paitɨ 'Iyari temakanɨ'airiyarieni tahetsie mɨtinakenikɨ. Hikɨ makumawetsie kwie 'aixɨa mɨ'ane mɨraka'etsitɨre kanayeimɨkɨ, meta kwie 'aixɨa mɨ'ane mɨraka'etsitɨre 'uhukuyatɨ kanayeimɨkɨ.

Temaiwawemete 1:23

Xekeneneu'eni kenemɨxerahɨawe, ne nepɨnewaɨriya nemɨtixetaxatɨanikɨ 'iyaritsie miemekɨ kenemɨtiyumate netaɨta, yanekatinixepitɨamɨkɨ kenemɨtiku'eriwa yaxemɨtehetimanikɨ.

Memeyekɨ 25:20

»Kakaɨyari teɨtamete Kakaɨyari ma'axe heimana mepuye'anatɨkani, kɨmana mepenukanaka. Mepanuyutaxeiyani Kakaɨyari ma'axe meheukanenieretɨ.

Hepɨrayutsixi 11:13

Yuri mete'erietɨ mekaneutakwixɨani mɨkɨ yunaitɨ, meheixeiyatɨ mepɨka'akɨ kememɨte'utahɨawariekai, matsi 'ateewa paitɨ mepixei yuri mete'erietɨ, mepitawaɨritɨa, mɨpaɨ mepɨteyuhekɨatakai kename xaɨtsie miemete kɨkamete mehɨkɨtɨkai xeikɨa 'ena kwiepa me'u'uwatɨ.

Kitsariyaxi 53:1

¿Kemɨ'ane taniukitsie yuri pɨtiuta'eri, kemɨ'ane Yawé tɨrɨkariyaya puxeiyatsitɨarie?

Xumatari 1:15

'Ayumieme ne'iyari yapɨ'ane nemɨxetaxatɨanikɨ niuki 'aixɨa manuyɨne xemeta Xuma xemɨtama.

Nɨ'ariekate 16:10

Yuheinɨtsita tiuxeiyaka kwitɨwa tekaniyukuha'aritɨani ketemɨte'anukɨnekɨ 'anutaɨye Matseruniya paitɨ, mɨpaɨ tetehetimaika Kakaɨyari mɨtatsi'uta'ini niuki 'aixɨa manuyɨne temɨwaretaxatɨanikɨ.

Nɨ'ariekate 10:44

Hikɨ Pekuru mexi'akuxi niuki kuxatakaku, 'Iyari Mɨtiyupata wahetsie katiniuwiya, yunaitɨ niukieya memu'eni wahetsie.

Nɨ'ariekate 8:25

Hikɨ mɨkɨri mewarutahekɨatɨaka me'itaxataka Ti'aitame niukieya, ta'aurie mepaxɨri, Kerutsareme mekanekɨne. Niuki 'aixɨa manuyɨne mekanikuxatakaitɨni naitsarie tsamariyatari wakiekaritetsie.

Nɨ'ariekate 4:31

Hikɨ me'uyutanenewieku mana memayuxeɨrietsie kaniutayuani, yunaitɨ 'Iyari Mɨtiyupatakɨ mekaniutihɨne, Kakaɨyari niukieya mekanikuxatakaitɨni tixaɨtɨ mekateheumakatɨ.

Nɨ'ariekate 4:8

Hikɨ Pekuru 'Iyari Mɨtiyupatakɨ hɨnetɨ mɨpaɨ katiniwarutahɨawe: —Neuxei teɨteri wa'ukiyarima meta 'ukirawetsixi:

Kuheri 2:28

»'Arike mɨpaɨ tiyɨyu, ne'iyari nepɨtatuani yunaime teɨteri wahetsie. Xeme xeniwema 'ukitsi 'ukari mepɨtetaxata, 'ukirawetsixi mepɨteheinɨni temarita mepɨtexeiyatsitɨarieni.

1 Timuteu 3:16

Mɨpaɨ katinihekɨaka, pɨmariwe mɨkɨ niuki matsiɨkɨtɨ matɨa, ketemɨteheyexeiya Kakaɨyari manuyɨne: Mɨkɨ matsiɨkɨtɨ kanayani yuwaiyaritsie 'uyeikatɨ, heitserie pupitɨarie 'Iyari hexeiyatɨ, niuki tuayamete mepixei, pɨkuxaxatsiwakai nuiwarite watsata, yuri mepɨte'uta'eri hetsiena kwiepa memɨtama, witsi'anetɨ panutiwitɨkie.

1 Pekuru 4:6

'Ayumieme teɨteri memukwi mekaniutaxatɨarieni hepaɨtsitana niuki 'aixɨa manuyɨnekɨ, memɨta'iwawiyarienikɨ yuwaiyaritsie teɨteri kememɨ'itɨariwa, yu'iyaritsie pɨta memayenenierenikɨ Kakaɨyari kemɨrayeniere.