1 Kurinitutari 9:16 - Kakaɨyari Niukieya

¹⁶ Tsepa niuki 'aixɨa manuyɨne nemɨkuxata, matsi mɨkɨkɨ nepɨkayɨwe 'aixɨa nemɨtikuxatanikɨ nehepaɨtsita. Waɨriyarika matsi nepitɨarietɨ nekatinikuxatani. Xɨa'ui, nehetsiemieme 'aixɨa pɨka'anenikeyu, xɨka niuki 'aixɨa manuyɨne nekakuxatanike.

1 Kurinitutari 9:16 ပူးပေါင်းရင်းမြစ်များ

Xumatari 1:14

Kaneuyeweka nemɨtiwataxatɨanikɨ kɨriyekutsixi yatɨni memɨkakɨriyekutsixi, temaiwawemete yatɨni memɨkatemaiwawe.

Kurutsetari 4:17

'Ipaɨ xeketeneutahɨawi 'Arukipu, kene'akweriwayurieka pemeye'atɨanikɨ 'ahɨritɨarika, kepemɨtiuhɨritɨarie Ti'aitame hetsie petiwiyatɨ.

Keremiyaxi 20:9

Xɨka mɨpaɨ ne'utayɨni: «Tawari nepɨka'enuku'erieni, tawariri hetsiena mieme nepɨkatitaxata», hikɨ niukieya netaɨta tai hepaɨ 'anetɨ kanayeikani ne'umeyari 'ɨarime kanititaiyani. Nepɨtikuwaune nemɨtinewienikɨ, peru nepɨkayɨwe netinewienike.

Rukaxi 9:62

Ketsutsi mɨpaɨ katinitahɨawe: —'Ikumayɨame hararu, xɨka yu'utɨma 'ukuniere, 'aixɨa pɨkayɨni, Kakaɨyari yakɨ xeikɨa kanexeiyakamɨkɨ ti'aitɨwametɨme.

Nɨ'ariekate 4:20

Tame tepɨkayɨwawe temɨtehayewa tetekuxatatɨ tita temɨte'uxei meta tita temɨte'u'eni hepaɨtsita.

'Amuxi 3:8

Maye xɨka heyutahaxɨatɨani, ¿kemɨ'ane pɨkatimani? Xɨka Yawé naimekɨmɨyɨwe haniukani, ¿kemɨ'ane niukameyatɨtɨ pɨkatitaxata?

Xumatari 15:17

Hikɨtsɨri Kɨritsitu Ketsutsi hetsie netiwiyatɨ nekaniyɨweni 'aixɨa nemɨtinekɨhɨawenikɨ nehepaɨtsita, tita Kakaɨyari mɨtiyuriene nexatatɨ.

Nɨ'ariekate 9:15

Ti'aitame mɨpaɨ katinitahɨawe: —Kenemietsɨ. Ne 'ikɨ nepenayexei, mɨtihekɨatanikɨ nehepaɨtsita nuiwarite wahɨxie, kwiepa te'aitamete meta 'ixaheritsixi wahɨxie.

Nɨ'ariekate 9:6

Tsauru 'uyɨyɨakatɨ matɨ mɨpaɨ kaniutayɨni: —Ti'aitame, tita matinake yanemɨtiyurieni. Ti'aitame rehɨawe: —Hikɨ kenanukukexi, kiekaritsie keneutahaki. Manari yapepɨretahɨawarieni kemɨreuyewetse yapemɨtiyurienenikɨ.

Xumatari 4:2

'Ipaɨ teputiyuane, xɨka 'Apɨrahami heitserie 'upitɨarienike tixaɨtɨ mɨtiuyurikɨ, kaniyɨwenikeyu muyuta'ɨrenikɨ yuhepaɨtsita. Matsi Kakaɨyari hɨxie pɨkayɨwe.

'Amuxi 7:15

Peru Yawé muxatsi watsata kanenayewitɨni, mɨpaɨ kanetiniutahɨawe: “Kenemie neniukame pepayani ketiniwarutaxatɨa 'ixaheritsixi neteɨterima”.

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Keremiyaxi 20:7

Yawé, pepɨnetsi'ukwamanaxɨ 'aniuki witsi'anemekɨ, neta nepɨmatsi'anu'eni. 'Ekɨ matsi waɨkawa pepɨtɨrɨkaɨyekai, pepɨnetsi'a'iwaxɨ. Yunaitɨ teɨteri mepɨnetsinanaima, yamepɨnete'atse tukarikɨ.

Keremiyaxi 1:17

»Peru 'ekɨ keneuyukuha'aritɨa. Kenemie yaketiniwaretahɨawi naime ne kenematitahɨawe. Pepɨka'utimamaweni mɨkɨ wahɨxie, xɨka pe'utimani marika wahɨxie matsi nekamanipitɨamɨkɨ.

1 Tsamuheri 12:23

Peru neta Yawé kenetsiparewieka nemɨkatihayewakɨ xehetsiemieme neyunenewietɨ, xɨka ne netiuhayewa Kakaɨyari hetsiemieme 'axanepɨtiyurieni. Meta huye mɨheitserie 'aixɨa mɨ'ane nepɨxe'ɨkitɨaka 'akuxi.

1 Kurinitutari 4:15

Tsepa tamamata miriyari xemɨwarexeiyanike texe'ɨkitɨwamete Kɨritsitutsie xetewiyakaku, yumɨireme xepɨkawarexeiya yupaapama. Kɨritsitu Ketsutsi hetsie netiwiyatɨ, niuki 'aixɨa manuyɨne nekuxatatɨ, nekanixe'utinuiwitɨani.

1 Kurinitutari 9:12

Hipame xekaniwapitɨaka heitserie memexeiyanikɨ xehepaɨtsita. ¿Tame matsi yemekɨ heitserie tekatehexeiya temɨtemikienikɨ? Peru tsepa heitserie temexeiya mɨkɨkɨ, mɨpaɨ tepɨkayɨa. Naime tepɨtenewie matsi, te'ixamurienikɨ niuki 'aixɨa manuyɨne Kɨritsitu hepaɨtsita.

1 Kurinitutari 9:14

Ti'aitame yaxeikɨa katiniwaruta'aitɨani mɨkɨ niuki 'aixɨa manuyɨne memukuxata, mɨkɨ memɨte'iwanikɨ yametekuxatatɨ.

2 Kurinitutari 2:12

Merikɨtsɨ, Tɨruhatsi nekaninuani niuki 'aixɨa manuyɨne Kɨritsitu hepaɨtsita para nemɨtikuxatanikɨ, peru kitenie tsepa mɨreuyepiyakai nehetsiemieme Ti'aitame hetsie kenemɨtiwiya nemɨtikuxatanikɨ,

Mateu 25:16

Kemɨ'ane 'auxɨwime kiriwayari mu'ɨitɨarie tumini, kwitɨwa kaneyani, mɨkɨkɨ katinituakaitɨni, tawari 'auxɨwime kiriwayari pana'iwaxɨ tumini.