1 Kurinitutari 8:4 - Kakaɨyari Niukieya

⁴ Merikɨte, 'ikwai hepaɨtsita kakaɨyarixi kememɨtemawiyarie, mɨpaɨ tepɨtemate, tete pɨkaxuawe kwiepa yuri mɨkakaɨyari, xewitɨ pɨkaxuawe kakaɨyaritɨtɨ. Kakaɨyari yuxewitɨ 'akaniuweni xeikɨa.

1 Kurinitutari 8:4 ပူးပေါင်းရင်းမြစ်များ

Hutarieka 'inɨari 4:39

»Mɨpaɨ ketinetimati meta yurikɨ Yawé Kakaɨyari kenayeitɨwani taheima muyuawitsie meta 'ena kwiepa, meta kename tawarita xewitɨ ka'uyeika.

Kitsariyaxi 41:24

Yurikɨ xeme nitixaɨtɨ xepɨkatehɨkɨ, metatsiere tixaɨtɨ yɨkɨ xemɨte'uyurieni xepɨkayɨwawe. Kanixani'eriwani xeikɨa kemɨ'ane mɨxe'anayexei.

1 Timuteu 2:5

Kakaɨyari kaniyuxewini meta niukame puyuxewi kemɨ'ane Kakaɨyari mɨkɨhɨawe meta teɨteri, tewitɨtɨ Kɨritsitu Ketsutsi,

'Epetsutari 4:6

Kakaɨyari yunaime mɨwa'ukiyari mɨkɨta kaniyuxewini, mɨkɨ yunaime katiniwa'aitɨaka, yunaime kaniwakuyuitɨwani, yunaime wahetsie katiniwiyani.

Hutarieka 'inɨari 6:4

»'Ixaheritsixi, xekeneu'enana: Yawé takakaɨyari puyuxewi xeikɨa.

Marikuxi 12:29

Ketsutsi mɨpaɨ katinita'eiya: —'Ipaɨ kananuyɨneni 'aitɨarika mɨmariwe: “Xekeneu'enana 'ixaheritsixi. Ti'aitame mɨtakakaɨyari, mɨkɨ Ti'aitame kaniyuxewini.

Kitsariyaxi 44:24

«Yawé mɨpaɨ kanaineni, Metsiwikweitsitɨwame, kemɨ'ane 'amaamatsie mɨmetsikaye: »“Ne Yawé nekanihɨkɨtɨni, naime mɨtiutiwewi, ne nexaɨta muyuawi 'anekaniuyemani meta kwie 'anekanikumani. ¿Kemɨ'ane 'ana nehamatɨa puyeikakai?

Kitsariyaxi 44:6

»Yawé mɨpaɨ kanaineni, Yawé Naimekɨmɨtɨrɨkaɨye, 'Ixaheri ti'aitameya meta 'iwikweitsitɨwame: “Ne mexɨakame nekanihɨkɨtɨni meta 'imatɨreme netɨhɨkɨ, tawarita xewitɨ kakaɨyaritɨtɨ kaniumaweni.

Kura 1:25

mɨkɨ witsiketixeiyarieka, kemariweni, ketɨrɨkaɨyeni meta keti'aitani, Ketsutsi hetsie tiwiyatɨ tati'aitɨwame, tukari katsutɨariewekaku, hikɨ tukari meta yuheyemekɨ mieme. Mɨpaɨ xeikɨa kani'aneni.

1 Kurinitutari 8:10

'Ekɨ mɨpaɨ pemɨtimate, xɨka xewitɨ katseɨyetɨ metsixeiyani mana petikwakame xeime kakaɨyari tukieyatsie, ¿mɨkɨ kemɨtiyumate katiyutawaɨriyawe mitikwanikɨ tita memɨtemawiyarie kakaɨyarixi?

1 Kurinitutari 8:1

Tita kakaɨyarixi memɨtemawiyarie hepaɨtsita nekatinixetaxatɨanikeyu. Mɨpaɨ tekatenimaika, kename tanaitɨ tetemate ketemɨteku'eriwa. Peru yatetemaitɨ ketemɨteku'eriwa, mɨkɨkɨ tekateniyukatawe'erieka xeikɨa. Tetetakanaki'erietɨ pɨta tekanitseiriyariekuni matsi.

Nɨ'ariekate 19:26

Mɨpaɨ xepɨtexeiya, mɨpaɨ xepɨte'enana, Papuru yuri kemɨtiwa'eritɨa kemɨtiwarukunuitɨa yumɨireme teɨteri, 'ena 'Epetsutsie xeikɨa pɨkatixaɨ, matsi naitsarie 'Atsiyatsie. Mɨpaɨ katinikuxatani, mɨkɨ mamakɨ memɨwewiyatɨka kakaɨyarixi mepɨkahɨkɨ 'utaitɨ.

Nɨ'ariekate 14:15

—Xeme teɨteri 'aku ¿titayari mɨpaɨ xeteyurie? Tame xehepaɨ tekaniteɨteritɨni, xehepaɨ tekateniu'iyarini. Niuki 'aixɨa manuyɨne temɨxekuxaxatɨwa xemɨtehayewakɨ yakɨ xeikɨa xemɨteyurie, Kakaɨyari mayeyuritsie xemɨtewiyanikɨ. Mɨkɨ muyuawi, kwie meta haramara putiwewi, meta naime wahetsie memɨtexuawetɨka.

Keremiyaxi 10:14

Teɨteri 'atsimemɨkatemate meta memɨte'ukatawe'erie mepɨhɨkɨ, kakaɨyarixi wawewiwamete mepuyutetewiya yuwewiyakɨ. Tita memɨtewewie pɨti'itarika, meta mepɨka'ayeneniere.

Keremiyaxi 10:10

Peru Yawé xeikɨa yuri Kakaɨyari kanihɨkɨtɨni, Kakaɨyari mayeyuri, yuheyemekɨ Ti'aitame. Kepauka muyeha'arɨwe, kwie kanewatayuaneni, nuiwarite haxɨaya memunewieni mepɨkayɨwawe.

Kitsariyaxi 45:14

Yawé mɨpaɨ kanaineni: «'Ekipitu mɨtiwewiya meta piinitɨarika Kutsi timieme, naitɨ 'apiinite katinayeimɨkɨ, tsaweutsixi, teɨteri kwinimieme memɨtɨtɨ, 'a'utɨa mepuhuni tepɨakɨ mehɨatɨkaitɨ. 'Ahɨxie mepɨtitunuma'uni, waɨkawa memetsiwawirietɨ mɨpaɨ mepɨtiyuani: “Yuxewitɨ xeikɨa Kakaɨyari 'apuyeika tawarita xewitɨ pumawe, mɨkɨ Kakaɨyari 'ahamatɨa puyeika”».

Kitsariyaxi 45:5

Ne Yawé nekanihɨkɨtɨni, tawarita xewitɨ pumawe, tawari xewitɨ Kakaɨyaritɨtɨ pumawe. Tsepa 'ekɨ pemɨkanetsimate, ne nepɨmatsitɨrɨkariyani,

Kitsariyaxi 37:20

Merikɨte hikɨ, Yawé, takakaɨyari, ketaneutawikweitsitɨa mɨkɨ memɨtatsi'uniekɨ, yunaitɨ nuiwarite kwiepa memɨtama mɨpaɨ memɨtehetimanikɨ kename 'ekɨ xeikɨa Yawé, Kakaɨyari pehɨkɨ».

Kitsariyaxi 37:16

«Yawé Naimekɨpemɨtɨrɨkaɨye, 'Ixaheri Kakaɨyarieya, 'ekɨ 'uweni pemexeiya 'ateɨtamete wahetsie: 'ekɨ xeikɨa te'aitamete kwiepa memɨtama pepɨwakakaɨyari. 'Ekɨ muyuawi peputawewi meta kwie.

Hutarieka 'inɨari 32:39

»”Hikɨ xekeneunenieri ne xeikɨa nepɨhɨkɨ Kakaɨyari nemɨyuxewi, xewitɨ tawarita 'apɨka'uyeika kakaɨyaritɨtɨ, ne mɨɨya nepɨrapitɨani meta tukari nepɨrayetuirieni, nepɨrakwinituani meta 'aixɨa nepɨrayurieni xewitɨ pɨkayɨwe mɨnetsitanewienikɨ netɨrɨkariyatsie.

Hutarieka 'inɨari 4:35

»Mɨpaɨ pɨtiɨyɨ mɨkɨ naitɨ 'ahɨxie 'ekɨ mɨpaɨ pemɨtimaikakɨ kename Yawé Kakaɨyari xeikɨa hɨkɨ, meta kename tawarita xewitɨ ka'uyeika.

Hutarieka 'inɨari 3:24

“Yawé Kakaɨyari, 'ekɨ pekanitsutɨani ne mati'uximayatsiriwame penetixeitsitɨatɨ kepemɨtimariwe kepemɨtitɨrɨkaɨye, xewitɨ kakaɨyari pumawe muyuawitsie meta kwiepa mɨpaɨ tiyurienetɨ kepemɨtiyuriene meta mariweme kepemɨtiyuriwe.

1 Timuteu 1:17

Kemɨ'ane kwiepa naime mɨti'aitame yuheyemekɨ, kemɨ'ane mɨkapɨniwe, mɨkaxeiyariewe, yuxewitɨ timaiwetɨ Kakaɨyari, mɨkɨ mariweme kexatsiwani meta witsiketixeiyarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

Nɨawari 86:10

'Ekɨ pemɨmariwekɨ meta mariwemekɨ pemɨtiyurienekɨ, 'ekɨ xeikɨa pepɨkakaɨyari.

Nɨ'ariekate 15:20

Matsi 'aixɨa pɨyɨni temɨtewata'utɨirienikɨ memɨyukweriwayuriekakɨ, tita kakaɨyarixi memɨtemawiyarie mɨkɨ hepaɨtsita, memɨkawakumaɨwanikɨ mɨkayɨ'ɨya mɨkayɨkɨna, 'ukawiyayu waiyarieya hepaɨtsita memɨyukweriwayuriekakɨ meta xuriya memɨkakwa'anikɨ.

1 Kurinitutari 8:11

Hikɨ mɨkɨ ta'iwa mɨkatseɨye Kɨritsitu hetsiena mieme mumɨ, kanitatɨmaiyariemɨkɨ 'ekɨ mɨpaɨ pemɨtimatekɨ.

Karatsiyatari 4:8

'Anapaitɨ xemɨka'imaikaikɨ kemɨ'ane mɨkakaɨyari, waɨriyarika xekateniyuriekaitɨni kememɨtexe'aitɨakai mɨkɨ memɨkayurikakaɨyarixi.