1 Kurinitutari 8:3 - Kakaɨyari Niukieya

³ Matsi xɨka Kakaɨyari naki'erieka, Kakaɨyari kanimatekamɨkɨ mɨyamɨ'ane.

1 Kurinitutari 8:3 ပူးပေါင်းရင်းမြစ်များ

Memeyekɨ 33:17

Yawé mɨpaɨ Muitsexi katiniutahɨawe: —'Aixɨa pɨ'ane mɨpaɨ nepɨtiyurieni kepemaine, 'ekɨ pepɨnetsiparewiwame meta pepɨnehamiku.

Nahumi 1:7

Yawé 'aixɨa katiniuka'iyarini, 'uximatɨarika muxuawenitsie mɨkɨ tiyu'awietame kanihɨkɨtɨni, meta kemɨ'ane hetsiena memɨtewiya wahetsie nunuwame kanihɨkɨtɨni.

2 Timuteu 2:19

Tsepatsɨ mɨpaɨ memɨteyurie, Kakaɨyari yutetsariya kaniutawewieni kii tutuikame, 'apuwe tse'itɨ 'uxaya matsiɨkɨkaku mɨpaɨ manuyɨne: «Ti'aitame pɨwamate yuteɨterima,» 'ipaɨ meta manuyɨne: «Yunaitɨ memehɨawe Ti'aitame mekeyukweriwayurieka tita mɨkatiheitserie hepaɨtsita».

1 Kurinitutari 2:9

Matsi kemɨre'uxa: «Tita tewi mɨkatixeiyawe yɨhɨxikɨ, mɨkati'eniewe yunakakɨ, titakɨ mɨkatiyu'iyaritɨawe tewi, mɨya'aneneme Kakaɨyari kaniwarukuha'aritɨirieni mɨkɨ meminaki'erie».

Karatsiyatari 4:9

Hikɨrixɨa xekaneitimani kemɨ'ane mɨyuri Kakaɨyari, matsitsɨ pɨta, Kakaɨyari kanixehetimani xeme. Merikɨte, ketitayari xetehayewaku, tawarita mɨkɨ 'ɨkitɨarikatsie xetewiyakutɨ, hekwamete kememɨte'ɨkitɨarie, mɨwerani, tixaɨtɨ mɨkarexeiya. Titayari xeteyuwaɨriya, tawarita waɨriyarika xemɨteyuriekakɨ kemɨtixe'aitɨa mɨkɨ 'ɨkitɨarika.

Matsiɨkɨtɨ kemɨratɨa 2:19

'A'uximayatsikate nepɨtimate, 'anaki'eriya, meta yuri kepemɨti'erie, kepemɨtiwaparewie hipame, meta kepemɨtiuka'eniwa, mɨpaɨ nepɨtimate, 'imatɨrieka matsi waɨkawa pepɨtiyuriene, matɨaripai 'etsiwa xeikɨa pepɨtiyurienekai.

Tsatiyaku 1:12

'Aixɨa kani'itɨarieka kemɨ'ane tiuka'eniwatɨ mumie, mɨkɨ mɨpaɨ tita'inɨatsieme, tukari kurunayari kaniyetuiriyariemɨkɨ Kakaɨyari kemutayɨ kemɨ'ane meminaki'erie wahetsiemieme.

Keremiyaxi 1:5

«Meripaitɨ 'amaamatsie 'akuxi nekamatsikayewetɨ nepumatsimatekai, nepɨmatsi'anayexeiyakairi, pekatinuiwawekaku 'akuxi, nepɨmatsi'anuyewaukairi, Neniukame nepɨmatsi'ayeitɨakairi nuiwarite wahetsiemieme».

Wani 10:14

»Ne muxatsi wahɨweme 'aixɨa nemɨtiuka'iyari nekanihɨkɨtɨni, nemuxatsima nepɨwamate, mɨkɨta menetemate,

Mateu 7:23

'Ana ne mɨpaɨ nepɨtiwatahɨawe: “Hatsuaku nepɨkaxehetima. Xekeneuyupata nehetsɨa xepɨka'u'uwani, xeme 'axateyuruwamete”.

Nɨawari 1:6

Yawé 'aixɨa memɨte'u'iyari wahuye kani'ɨwiyani, 'axamemɨteyurie matsi wahuye kanitatɨmaiyariemɨkɨ.

1 Wani 4:19

Tame tepɨtetakanaki'erie mɨkɨ meri mɨtatsi'utanaki'erikɨ.

Matsiɨkɨtɨ kemɨratɨa 2:9

Neri mɨpaɨ nepɨtimate kepemɨti'uximatɨarie, meta tixaɨtɨ pemɨkarexeiya. Matsitsɨ 'ekɨ pekanixikutɨni. Mɨpaɨ nepɨtimate kememɨtexetsewixima huriyutsixi memɨte'uyuterɨwa, matsi yurikɨ mepɨkahuriyutsixi, mɨkɨ Kauyumarie tukita mepɨmiemete pɨta.

1 Pekuru 1:8

Xeme xepinaki'erie tsepa hatsuaku xemɨka'ixeiyawawe, tsepanetɨ hikɨ xemɨka'ixeiya, hetsiena yuri xemɨte'erie, 'ayumieme xepɨyutemamawie 'anayuhayewakamekɨ meta witsi'aneme kexemɨtepitɨarie,

Memeyekɨ 33:12

Muitsexi Yawé mɨpaɨ katiniutahɨawe: —'Ekɨ peyutemawietɨ pepɨnetikɨhɨawe kename newarayewitɨni 'ikɨ teɨteri, perutsɨ 'atsipepɨkanerahɨawe kemɨ'ane pepanunɨ'ani nehamatɨa. Mɨpaɨta peputaine kename ne 'ahamiku nehɨkɨ meta kename penetsiparewiwame.

Nɨawari 17:3

'Ekɨ ne'iyari pepɨmate, 'ekɨ tɨkarikɨ pepɨnetsixeiya, tsiparatsɨ keneneuta'inɨata, nehetsie 'axamɨ'ane pepɨkakaxeiya. Ne 'axanepɨkatayɨni

Matsiɨkɨtɨ kemɨratɨa 2:13

Neri nepɨtimate hakewa pemeka: mana Kauyumarie 'uwenieya pewe hakewa mɨre'aita. Matsi, 'ekɨ pepɨka'aku'imawa yuri peti'erietɨ nehetsie meta pepɨkatiuhayewaxɨ, tsepa mɨkɨ tukaritsie kepauka 'Anɨtipa mɨyuhekɨatakai yatikamietɨ kenemainekai, mɨkɨ nehetsɨa miemetɨtɨ tiukwineka pumierie mɨkɨ kiekaritsie Kauyumarie manuka.

Wani 21:17

Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

Tsatiyaku 2:5

Xekeneu'enana ne'iwama nenaki'erima: ¿Kakaɨyari tamɨ katiwaranuyexei tixaɨ memɨkatehexeiya 'ena kwiepa, mɨkɨ matsi metehexeiyakame mɨwarayeitɨanikɨ yuri mete'erietɨ, para wahetsie mɨtinakenikɨ mɨkɨ tiwa'aitɨwame mayanikɨ, kemutayɨ kemɨ'ane mɨkɨ meminaki'erie wahetsiemieme?

Xumatari 11:2

Kakaɨyari pɨkawarutixani'eri yuteɨterima meripaitɨ mɨwamaikai. Kamɨtsɨ ¿'atsixekatemate kemaine 'utɨarika xapayari 'Eriyaxi xatatɨ? Mɨkɨ kanitawawirieni Kakaɨyari 'ixaheritsixi wahepaɨtsita, mɨpaɨ 'utaitɨ:

1 Te'aitamete 3:3

Tsarumuni Yawé kaninaki'eriekaitɨni, metatsiere kemɨti'aitɨakai paapaya Rawiri yakatinikamiekaitɨni. Peru mɨkɨta yaxeikɨa kaneta'axekaitɨni hakewa memɨtehetimawakai tukite 'etsipepemeta, mɨtitimawakɨ meta 'ɨkwa putitaiyakai.

'Amuxi 3:2

«Xeme xeikɨa nekanixe'anayexeiya yunaime kwiepa memɨtama watsata. 'Ayumieme, nekatinixe'akapitɨamɨkɨ naimekɨ ke'axaxemɨte'uyuri».

1 Kurinitutari 13:12

Hikɨ kahekɨakamekɨ tekanineniereni, kemɨ'ane xikɨri mayeyɨwitsie mɨkaniere hepaɨ. 'Anari tahɨxie tekaniutinenierikuni pɨta. Yapaɨmemekɨ nekatinimaika hikɨ, 'anari pɨta nekatinetimaimɨkɨ, yaxeikɨa 'iya mɨnetimate hepaɨ.

1 Wani 4:7

Kamɨtsɨ nenaki'erima, tepɨtanaki'erieka tanaitɨ, naki'eriya Kakaɨyari hetsɨa kanimiemetɨni, yunaitɨ memɨteyukanaki'erie Kakaɨyari hetsie mekaniyenuiwa, Kakaɨyari mekanimateni.