1 Kurinitutari 4:4 - Kakaɨyari Niukieya

⁴ Ne mɨpaɨ nepɨtiku'eriwa nehetsie pɨkarahɨiwa, mɨkɨkɨ xeikɨa heitserie nepɨkapitɨarie. Ti'aitame pɨta kanihɨkɨtɨni kemɨ'ane 'itsɨkametɨtɨ mɨnetsiku'iwawiyani.

1 Kurinitutari 4:4 ပူးပေါင်းရင်းမြစ်များ

Nɨawari 143:2

'Ekɨ meti'uximayatsiriwame pepɨka'utakwekwewiwani pemita'iwawiyakɨ, 'ahɨxie xewitɨ mɨkayɨwekɨ mɨpaɨ mutayɨnikɨ ne 'atsinepɨkatiyuruwame.

Nɨawari 130:3

'Ekɨ Yawé, xɨka naime ke'axatemɨte'uyurikɨ pekatatsixeiriekake, Yawé, ¿kamɨtsɨ kemɨ'ane hetsie pɨkatiuhɨiyawe?

2 Kurinitutari 1:12

'Aixɨa temutiyuanenikɨ mɨpaɨ tepaitɨka tahepaɨtsita, ta'iyaritsie 'aixɨa tepɨtetamate ketemɨyɨa 'ena kwiepa. Mɨpaɨ tepɨtemate, Kakaɨyari hetsiemieme tepatsietɨ tepɨyɨa, 'aixɨa tetehekɨatsietɨ Kakaɨyari kemɨtatipitɨa. Teɨteri wahepaɨ kememɨtemaiwawe tepɨkayɨa, matsi Kakaɨyari yatatipitɨakaku 'aixɨa kemɨtiuka'iyari, mɨpaɨ 'ayumieme tekaniyɨaka kwiepa memɨtama wahetsɨa, xehetsɨa matsi yemekɨ mɨpaɨ tekaniyɨaka.

Temaiwawemete 21:2

Yunaitɨ teɨteri 'aixɨa meteyuriekame mekaniyu'erieka, matsi Yawé pɨtatsixeiya ta'iyaritsie ketemɨteyuriku.

Nɨawari 19:12

Xewitɨ 'apɨka'uyeika timaitɨ kename 'axatiyuriene. Kenetineuyehɨwirieka titakɨ 'atsinemɨkatinemate.

2 Kurinitutari 5:10

Kaneuyewekani tanaitɨ tematsiɨkɨtɨ temayeitɨarienikɨ Kɨritsitu 'uwenieya hɨxie hakewa mɨtatsiheta'iwawiya, taxexuitɨ temɨte'apiniyarienikɨ 'aixɨa ketemɨte'uyuri meta 'axaketemɨte'uyuri, tawaiyaritsie te'u'uwatɨ.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Xumatari 2:13

Mɨkɨ memi'enie xeikɨa 'inɨari niukiyari, mɨkɨ heitserie mepɨkahexeiya Kakaɨyari hɨxie. Mɨkɨ yamemɨtekahu 'inɨari niukiyari kemaine, mɨkɨ pɨta heitserie mekanipitɨariekuni.

Kuwi 40:4

«Yanemɨmatita'eiyakɨ nepɨkayɨwe, tixaɨtɨ nepɨkatihɨkɨ, Nemamakɨ netenie nepuwiere.

Kuwi 27:6

Ne yemekɨ kename nehetsie karahɨiwa neputaineni, nepɨkaxepitɨani. Mexi ne'uyeikani, tewiyarika ne'iyaritsie pɨkaxuaweni.

Kuwi 25:4

¿Ketiyɨwe tewi kename 'atsikatiyuruwame mɨtayɨnikɨ Kakaɨyari hɨxie? ¿Tewi ketiyɨwe 'aixɨa 'aneme mayuyeitɨani 'ukaratsi hetsie yenuiwame?

Nɨ'ariekate 23:1

Hikɨ Papuru 'itsɨkate waxeiyatɨ, mɨpaɨ kaniutayɨni: —Ne'iwamarixi, ne'iyari 'aixɨa 'anekaku kanetsi'utate'akaku Kakaɨyari hɨxie nekaniuyeikani meripaitɨ hikɨ 'akuxi.

Wani 21:17

Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

Kuwi 15:14

»¿Ketita tihɨkɨ tewi 'aixɨa 'aneme muyu'erieka, meta 'uka hetsie yenuiwakatɨtɨ heitserie muyupitɨanikɨ?

Kuwi 9:20

Tsepa 'aixɨa 'anemekɨ nemuyeika, neneni kanenanutahɨamɨkɨ, tsepa 'atsinemɨka'utaine, nehetsie katinahɨiyamɨkɨ.

Xumatari 4:2

'Ipaɨ teputiyuane, xɨka 'Apɨrahami heitserie 'upitɨarienike tixaɨtɨ mɨtiuyurikɨ, kaniyɨwenikeyu muyuta'ɨrenikɨ yuhepaɨtsita. Matsi Kakaɨyari hɨxie pɨkayɨwe.

Nɨawari 50:6

Muyuawi 'aixɨa mɨti'ane katinihekɨatani kayuhekɨakamekɨ: Kakaɨyari kani'itsɨkametɨni 'aixɨa tiuka'iyaritɨ.

Nɨawari 26:12

'Ena kwiepa 'anepuwe, meta yumɨiretɨ meyuxeɨriekaku Yawé hetsiemieme 'aixɨa nekanitayɨmɨkɨ.

Temaiwawemete 29:26

Yumɨiretɨ parewiya ti'aitame hetsɨa mekanikuwautɨweni, matsi Yawé xeikɨa kanihɨkɨtɨni teɨteri heitserie muwapitɨani yuxexuime.

1 Kurinitutari 4:3

Peru xɨka xeme xenetsixanetanike 'itsɨkate wahepaɨ, xɨka 'itsɨkate memɨteɨteri xeikɨa menetsiku'iwawiyanike, matsi nepɨkane'iyaritɨakakeyu mɨkɨkɨ. Ninekɨmana nepɨkayɨwe nemɨyuku'iwawiyanikɨ.