1 Kurinitutari 3:17 - Kakaɨyari Niukieya

¹⁷ Tewi xɨka 'ika'una Kakaɨyari tukieya, Kakaɨyari mɨkɨta kanika'unamɨkɨ. Kakaɨyari tukieya kanipatsieka hetsiena mieme. Xemeri xepɨhɨkɨ tuki.

1 Kurinitutari 3:17 ပူးပေါင်းရင်းမြစ်များ

'Etsekieri 43:12

»'Ikɨ tuki niuki 'inɨariyari kanihɨkɨtɨni: naitɨ kwie waritana maka hɨri kemanutitewi, mɨkɨ Waɨkawa Muyepatsie kanihɨkɨtɨkamɨkɨ. Mɨkɨ tuki 'inɨari niukiyari kanihɨkɨtɨni».

'Etsekieri 7:22

Ne nekaniwaku'eirimɨkɨ, netukiri pɨkapatsieka, muwa mekaneutahaxɨakuni teyukwikate 'ana kapatsiekame mekanayeitɨakuni.

'Etsekieri 5:11

»'Ayumieme ne Yawé naimekɨmɨyɨwe, mɨpaɨ nekanaineni: Xeme netuki ka'itiyakame xepayeitɨa 'axamemɨ'anene kakaɨyarixi wahekɨ, kemɨkareuyewetse xeyɨatɨ, ne nekanixeheuyehɨamɨkɨ nekaxehaunenimayatɨ.

'Inɨatsie 19:20

Xɨka tewi mɨka'itiya ka'uyu'itieni, kanakumaweriyariemɨkɨ 'ixaheritsixi watsata Yawé tukieya ka'itiyakame mayeitɨakɨ. Mɨkɨ tewi pɨka'itiyaka haa 'aixɨa mɨtiyuyuruwakɨ mɨka'uyu'itikɨ.

Nɨawari 79:1

Kakaɨyari 'aku, teɨteri memɨka'ahetsɨa miemete mepɨtatsi'unawairi tita pemɨtatiyetuiriekai, 'atuki mɨpatsie kapatsiekame mepayeitɨa, Kerutsareme 'unime mepayeitɨa.

Mawari 20:3

Ne mɨkɨ hepaɨtsita nepɨyeha'ani meta teɨterimama watsata nepeyeweiya, xeime yuniwe mɨyetuakɨ mɨtataiyarienikɨ Muruki kakaɨyariyari mawarieya mayanikɨ, ka'itiyakame mayeitɨakɨ netuki muyepatsieta meta kenemɨtitewakɨ nekapatsiekame mɨnetsi 'ayeitɨakɨ.

Kitsariyaxi 64:11

Tatuki mɨpatsie meta mɨmariwe, hakewa tapaapama memɨmatsihenɨawakai, tai kanitaxɨtsitɨani. 'U'unitɨ katiniyuhayewa naitɨ tita waɨkawa temɨteheuyehɨakai.

Mawari 15:31

»Xeme mɨpaɨ xeteyurietɨ xekaniwapatakakuni 'ixaheritsixi meka'itiyatɨ memɨkayuhayewanikɨ. Mɨpaɨ xeteyurieyu mɨkɨ mepɨkakwini netuki muyepatsie wahixɨata muwe metsewiximayu.

Memeyekɨ 3:5

Kakaɨyari mɨpaɨ katinitahɨawe: —Tawarita 'enahurawa pepɨka'amieni, 'akakai kenanuyehɨnaxɨa, kwie mɨpatsie hetsie pekaniuweni.

Tsutɨarika 28:17

Heumatɨri waɨkawa tawarita mɨpaɨ kaniutayɨni: «'Ena xɨari pakupatsie, 'ena xɨari pɨhɨkɨ Kakaɨyari kie, muyuawi kitenie pɨti'ane».

Nɨawari 99:9

Yawé hetsiemieme witsixekenaitɨkani mɨtakakaɨyari: xekenayexeiyani tukitana: Kanipatsieka Yawé takakaɨyari.

Nɨawari 93:5

Yawé, 'aitsikaya hetsie temɨtewiyani 'aixɨa pɨ'ane, kiiya mɨpatsiekɨ 'aixɨa pɨ'itɨarie yuheyemekɨ.

1 Kemɨtiuyɨ 29:3

Ketipaɨmeme nemɨtiukuxeɨriekai mɨkɨ nekati'inɨatatɨ, nekakaɨyari tukieya nenaki'erietɨ nepiyetuani tuki hetsiemieme naime huru meta pɨrata nemeixeiya:

Tsupuniyaxi 3:4

Kakaɨyari niukametemama mana kiekatari mepɨte'itawa, Kakaɨyari mepuku'eiri. Mawari wewiwamete piinite netukita timieme katipatsiekame mepɨte'ayeitɨa, meta 'aitsika kemaine yamepɨkatekahu.

Nɨawari 74:3

Kenaye'a yuheyemekɨ mɨti'u'uni hepa, tuki naime kaniuka'una mɨtatsi'aye'unie.

1 Kurinitutari 3:16

¿Kamɨtsɨ xeme mɨpaɨ xekatemate, Kakaɨyari tukieya xemɨhɨkɨkɨ hakewa Kakaɨyari 'Iyarieya meyeka?

1 Kurinitutari 3:18

Xepɨkateyu'irɨwiyani. Xɨka xewitɨ xeme timaiweme yu'erieka, temaiwawemete kememɨteyu'erie hikɨ miemetexi, 'atsikatimaitɨ pɨta ke'ayani, yuri timaiwetɨ mayanikɨ.