1 Kurinitutari 3:13 - Kakaɨyari Niukieya

¹³ yuxexuitɨ wawewiya kanihekɨakamɨkɨ. Tukari 'aye'ayu hekɨatɨ kanayeimɨkɨ, tukari matsiɨkɨtɨ kemɨrayani tai xuawekaku. Tai kanita'inɨatamɨkɨ yuxexuime wawewiya, 'aixɨa kemɨti'anene.

1 Kurinitutari 3:13 ပူးပေါင်းရင်းမြစ်များ

1 Pekuru 1:7

Huru, tsepanetɨ mɨxɨwe, taikɨ kwaxiyarietɨ waɨkawa kanixawatuni. Xemeta yuri kexemɨte'erie mɨpaɨ pɨ'ane, huru kemɨkaraye'axe matsi mɨkɨ waɨkawa katinaye'aka, mɨpaɨ xete'inɨatsietɨ matsi xeyɨwawetɨ xekanakɨnikuni, Kakaɨyari 'aixɨa pɨtayɨni xehepaɨtsita, meta witsipɨtixexeiya kepauka Ketsutsi Kɨritsitu matsiɨkɨtɨ mayani.

Matsiɨkɨtɨ kemɨratɨa 20:12

Hikɨta mɨkite nekaniwaruxeiya 'ukirawetsixi meta tɨɨri yunaime, 'uweni manuwe hɨxie meti'ukame. Xapate kananutayepiyaxɨani, meta xewitɨ, tukari memexeiyanikɨ xapayari, hikɨ mɨkite mekaniuta'iwawiyarieni kememɨte'uyuri hepaɨtsita, kemɨre'utɨariekai xapatetsie.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

1 Pekuru 4:12

Nenaki'erima, xepɨkahɨxiyaka xe'inɨatsietɨwetɨ tsepa taikɨ, kexemɨtenewiekɨ mɨpaɨ xemɨ'itɨarieximekɨ.

2 Pekuru 3:10

Peru tukari kanaye'amɨkɨ kepauka Ti'aitame munuani, tinawayame mɨ'axe hepaɨ yɨwikɨta. 'Ana muyuawi kanitayeimɨkɨ karima 'utayuanekaku, tita mɨtiutiwewiya naitɨ katinikumaweriyariemɨkɨ taikɨ, meta tita kwiepa naitɨ mɨtixɨawe, naitɨ katinititaiyariemɨkɨ.

Tsakariyaxi 13:9

Peru mɨkɨ memuyuhayewaxɨ taipa nekaniwakayatsamɨkɨ, 'aixɨa nepɨwayurieni pɨrata ke'aixɨa mɨ'itɨariwa taipa hepaɨ, nepɨwata'inɨata huru taipa kemɨti'inɨatsiwa hepaɨ. Hikɨ 'ana menetsi'ayexeiyatɨ mepakɨne neta nepɨwata'eiya. Ne mɨpaɨ nepɨtayɨni: “Mɨkɨ mepɨneteɨterima”, mɨkɨta mɨpaɨ mepɨtiyuani: “Yawé takakaɨyari kanihɨkɨtɨni”».

Xumatari 2:16

Mɨpaɨ katiniyɨmɨkɨ 'iya tukaritsie kepauka Kakaɨyari mɨwata'iwawiyatsie teɨteri tita memɨte'uti'awietaxɨ hepaɨtsita Kɨritsitu Ketsutsi warahɨawekaku, neniuki 'aixɨa manuyɨne kemaine.

2 Timuteu 1:18

Ti'aitame ke'ipitɨaka mɨnenimayatsiekakɨ 'iya tukari 'aye'ayu Ti'aitame kemɨtixeiyani. Naime kemɨtatiparewiekai 'Epetsutsie heyeikatɨ, 'ekɨ matsi yapepɨtimate.

1 Kurinitutari 1:8

Mɨkɨ xeme kanixetseiriyamɨkɨ, tapareyuke, xehetsie mɨkarahɨiwanikɨ 'iya tukaritsie kepauka munuani Tati'aitɨwame Ketsutsi Kɨritsitu.

Marakiyaxi 3:17

«Tukari nepexeiyari kepauka mɨkɨ neteɨterima memakɨne yemekɨ —Yawé Naimekɨmɨtɨrɨkaɨye mɨpaɨ kanaineni—. Mɨkɨ nepɨwatinenimayata, tewi yuniwe kemɨtinenimaya ti'uximayatsiriekaku hepaɨ.

Xumatari 2:5

'Ekɨtsɨ 'a'iyari mɨtse'ikɨ pemɨka'awaɨriyakɨ pemɨtihayewanikɨ kepemɨtiyuriene, 'ahetsiemieme haxɨa pepu'utane, 'iya tukaritsieke kepauka pemɨyehekarienitsie, kepauka matsiɨkɨtɨ mayani heitseriemekɨ kemɨtiwaranutaxɨrɨwa Kakaɨyari.

Rukaxi 2:35

'Ekɨta 'a'iyaritsie pekanitsekiemɨkɨ hiwerikakɨ, kumu 'ixipara kemɨtiyutsewe. Mɨkɨ kemɨtiyurieneni, yumɨiretɨ mematsiɨkɨtɨ mekanakɨnikuni kememɨteyɨkɨhɨawe yu'iyaritsie».

2 Timuteu 3:9

Perutsɨ matsi waɨkawamekɨ 'atsimepɨkateyurieni, 'atsimemɨkatematekɨ mematsiɨkɨtɨ mekanayuyeitɨakuni yunaime wahɨxie, meripaitɨ miemetexi metematsiɨkɨtɨ memakɨ wahepaɨ.

Keremiyaxi 23:29

Neniuki tai hepaɨ kani'aneni, meta titsuname hepaɨ tetexi mɨti'una —Yawé mɨpaɨ kanaineni—.

Kitsariyaxi 28:17

Tita 'aixɨa mɨti'ane ti'inɨnɨatame hepaɨ 'aneme 'anepɨtakeni, meta mɨtiheitserie hetsiemieme, tepɨa mahete hiru manawie. Tee, xehetsie nunuwame 'itarikakɨ mɨhɨkɨ kaneuyehɨamɨkɨ, meta haa hakewa xemeyu'awieta kanikayunitɨamɨkɨ.

Kitsariyaxi 8:20

ne mɨpaɨ nekatinixehahɨaweni: «'Inɨari niukiyari meta kepemɨtiwatahekɨatɨanikɨ mɨ'ayumiemetsie xeketenewiyani». Kemɨ'ane mɨkɨtsie tiwiyatɨ mɨtihayewa, 'uxa'atɨni pɨkakahekɨariwiyarieni.

Keremiyaxi 23:28

Kemɨ'ane Kakaɨyari niukameya mɨtiuheinɨ ke'itaxata, peru kemɨ'ane neniuki mɨ'enieni, ke'itaxata 'aixɨa 'anemekɨ. ¿Kerayexeiya kuxari 'ikú hamatɨa? —mɨpaɨ kanaineni Yawé—.

Marakiyaxi 3:2

Peru ¿kemɨ'ane pinewieni mɨkɨ tukari munuanitsie? ¿Kemɨ'ane hɨxiena mɨtakeni pɨyɨweni kepauka mɨkɨ mɨyuhekɨatatsie? Tai kemɨtitikwaxiya kemɨtiti'itiwa hepaɨ kani'anemɨkɨ, meta xapuni kemɨtitituriya hepaɨ.

Mateu 10:15

Yurikɨ mɨpaɨ nepɨxerahɨawe, tukari 'aye'ayu kepauka 'itsɨkame mɨwatahɨawe, Tsurumatari meta Kumuxatari 'etsiwa xeikɨa mekatenikwinitɨariekuni, peru mana kiekatari waɨkawa matsi mekatenikwinitɨariekuni.

Mateu 16:27

Yuri Tewi kenemɨtihɨkɨ, nekaninuamɨkɨ ne'ukiyari hepaɨ nemariwetɨ neniuki tuayamete wahamatɨa, hikɨ 'ana nepɨtiwarakapitɨani, yuxexuitɨ kememɨte'uyuri.

1 Kurinitutari 3:12

Hurukɨ, pɨratakɨ, tetexi witsimɨ'anenekɨ xɨka 'utakini heimana, yatɨni kɨyexikɨ, 'ɨxakɨ, mɨaxakɨ,

2 Timuteu 1:12

Mɨpaɨ nemɨ'anekɨ, 'ayumieme mɨya nepɨtiuka'eniwa, peru nepɨkanetewiya nemimatekɨ kemɨ'anetsie yuri nemɨtiuta'eri, yuri nekatini'erieka mɨkɨ mɨyɨwekɨ mi'ɨwiyanikɨ tita mɨnetiyetuiri 'iya tukari mexi ka'aye'awe.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

Hepɨrayutsixi 10:25

Tepɨkatehayewani tepɨtakuxexeɨriwani, hipame wahepaɨ tepɨkatehayewani, tepɨtatuikani matsi, kexemɨte'imate mɨkɨ tukari maye'aximekɨ.

2 Pekuru 3:7

Mɨkɨ mɨpaɨ mutayɨkɨ, hikɨ mieme muyuawi meta kwie kani'ɨwiyarieka mɨtataiyarienikɨ, tukari 'aye'ayu kepauka teɨteri memɨkaheyexeiya Kakaɨyari memɨta'iwawiyarieni memɨtatɨmaiyarieni.