1 Kurinitutari 15:57 - Kakaɨyari Niukieya

⁵⁷ Peru pamɨpariyutsi Kakaɨyari tekanipitɨaka, mɨkɨ mɨtatsipitɨakɨ temɨte'ayu'iwanikɨ, Tati'aitɨwame Ketsutsi Kɨritsitu tatsiparewiekaku.

1 Kurinitutari 15:57 ပူးပေါင်းရင်းမြစ်များ

2 Kurinitutari 2:14

Matsi Kakaɨyari pamɨpariyutsi kepitɨarieka. Mɨkɨ yuheyemekɨ pɨtatsihekɨatɨa Kɨritsitutsie ketemɨtewiya, teɨteri wahɨxie tatsikuwitɨnetɨ yu'utɨma. Takɨmana naitsarie mɨpaɨ katinihekɨatani witsikemɨ'itɨarie xɨka Kɨritsitu maika.

Xumatari 8:37

Mɨyatɨtɨ naime, kwini mieme tekatene'iwani 'ikɨ tinaime 'iya mɨtatsinaki'erie yatatipitɨakaku.

Temaiwawemete 21:31

Yukawayu kanikuha'aritɨwani kuyaxa 'imieriyari tukaritsie mieme, matsi kemɨ'aneta mɨrayu'iwa Yawé yatipitɨakaku pɨrayu'iwani.

Matsiɨkɨtɨ kemɨratɨa 12:11

Mɨkɨri mekane'iwa Muxa xuriyayakɨ, meta memɨtekuxatakaikɨ meyuhekɨatatɨ, yutukari memɨka'utikwerikɨ tsepa memukwi'iwaxɨ.

Wani 16:33

'Ipaɨ nekatinixekuxaxatɨwakaitɨni yu'iyaritsie xemɨka'uximatɨariekakɨ nehetsie xetewiyatɨ. Kwiepa 'uximatɨarika xekanexeiyakakuni, yu'iyari xekeneukayetsa matsi, ne nekane'iwa tita kwiepa mɨtimieme.

2 Kurinitutari 9:15

Pamɨpariyutsi Kakaɨyari kepitɨarieka, mɨpaɨ mɨtatiumikɨ ketemɨkateyɨwawe yatemɨtehekɨatanikɨ.

Nɨawari 98:1

Xekenekwikani Yawé hetsiemieme kwikari hekwame, mariweme mɨtiuyurikɨ. Yɨtɨrɨkariyakɨ, yumamá patsiekamekɨ, mɨwara'iwaxɨkɨ memeye'unie.

'Epetsutari 5:20

Yuheyemekɨ naimekɨ pamɨpariyutsi xekenepitɨaka Kakaɨyari mɨta'ukiyari, Tati'aitɨwame Ketsutsi Kɨritsitu hetsɨa xemɨmiemetekɨ.

Xumatari 7:25

Pamɨpariyutsi nepipitɨa Kakaɨyari, Ketsutsi Kɨritsitu mɨtati'aitɨwame netsiparewiekaku. 'Ayumiemeri, kenemɨtinemate, nepɨti'uximaya Kakaɨyari 'inɨarieyatsie miemekɨ, teɨteri wahepaɨ kenemɨtiuka'iyari pɨta, nepɨti'uximaya 'inɨari 'axamɨ'anetsie mieme.

1 Kemɨtiuyɨ 22:11

»Hikɨ 'ayumieme neniwe, Yawé 'akakaɨyari kematsiparewieka tukieya pemɨtawewienikɨ, yemekɨ mɨkɨ kemutayɨ.

2 Kurinitutari 1:11

xeme xetatsiparewiekaku xe'iwawirietɨ Kakaɨyari tahetsiemieme. Mɨpaɨ xeteyurieyu, yumɨiretɨ pamɨpariyutsi mekanipitɨakakuni tahepaɨtsita, yametemaitɨ ketemɨtemikie yumɨiretɨ memɨyunenewiekɨ.

1 Kurinitutari 15:51

Kamɨtsɨ netinixetahekɨatɨamɨkɨ tita mɨti'awietsiekai. Tanaitɨ tepɨkaheukutsu, peru tanaitɨ tekanipatsiekuni

2 Te'aitamete 5:1

Merikɨtsɨ Nahamani, Tsiriya kwieyaritsie ti'aitame kuyaximama wa'ukiyari kanihɨkɨtɨkaitɨni, mɨkɨ tewi waɨkawa mɨtiyunaki'erie, ti'aitame waɨkawa pinaki'eriekai, mɨkɨ 'iparewiekaku Yawé mipitɨakaikɨ mɨrayu'iwakɨ yumienetɨ. Mɨkɨ kuya mɨkama kanihɨkɨtɨkaitɨni, peru nawi kwiniyayari kanexeiyakaitɨni.

Nɨ'ariekate 27:35

Mɨpaɨ 'utayɨka paa 'uti'ɨka Kakaɨyari pamɨpariyutsi kaniupitɨani yunaime wahɨxie. Kanititara, kanitsutɨani 'ikwatɨ.

Hepɨrayutsixi 2:14

Merikɨtsɨ, raniwema 'axeikɨa mekaniyuxewini xeixuriyayari meta xeiwaiyari mehɨtɨtɨtɨ, 'ayumieme mɨkɨta yaxeikɨa tahamatɨa yuxewitɨ kanayani, tahepaɨ yemekɨ, mɨpaɨ mɨtiuyurikɨ mumɨkɨ meta pɨyɨwekai mika'unanikɨ kemɨ'ane tɨrɨkariya mexeiya yemekɨ mɨtatsikwinikɨ Kauyumarietɨtɨ.

Matsiɨkɨtɨ kemɨratɨa 21:4

Mɨkɨ naime wa'ukai kana'itiexɨamɨkɨ. Hatsuakuri mepɨkakwini, mepɨka'utitsuanani, mepɨkayuhiwerieka meta mepɨkate'ukakukuineni, tita meripaitɨ mɨtimiemetɨkai katiniumaweniri».