1 Kurinitutari 15:3 - Kakaɨyari Niukieya

³ Ne nekanixeyetuirieni tita matsi mɨreuyewetse, kenemɨtiyetuiriyarie neta, kename Kɨritsitu 'umɨ tame 'axatemɨte'uyurikɨ, 'utɨarikate maine hepaɨ,

1 Kurinitutari 15:3 ပူးပေါင်းရင်းမြစ်များ

1 Pekuru 2:24

Mɨkɨ yuwaiyaritsie kanititɨni tita 'axatemɨte'uyuri kɨyetsie mukawiyatsie, tame te'utixɨnarieme 'axatemɨkateyuriekakɨ 'uxa'atɨni warie, temayenenierenikɨ pɨta heitseriemekɨ yatetekahutɨ. Mɨkɨ mɨtiukwinitɨariekɨ, xeme 'aixɨa xeteheu'erietɨ xepayeitɨarie.

Karatsiyatari 1:4

Mɨkɨ Ketsutsi kanihɨkɨtɨni kemɨ'ane mɨyuyetua, tame 'axatemɨteyurie temɨxɨnarienikɨ. 'Ayumieme pɨtatsitawikweitsitɨani, hikɨ miemetexi 'axamemɨteyurie watsata te'u'uwakaku. Mɨpaɨ katininakeni takakaɨyari ta'ukiyari.

1 Wani 2:2

Mɨkɨ kanihɨkɨtɨni kemɨ'ane 'aixɨa mɨtiuyuri 'aixɨa temɨtexeiyariekakɨ tame 'axatemɨteyurie, tita tame temɨteyuriekɨ xeikɨa pɨka'uyɨ, matsi yunaitɨ kwiepa memɨtama wahetsiemieme puyɨ.

Karatsiyatari 1:12

Neri kepauka nemitanaki'eri, tewi pɨkanetsiyetuiri. Nepeitima tewi kaneti'ɨkitɨakaku. Ketsutsi Kɨritsitu matsiɨkɨtɨ 'ayaku pɨta nekanitanaki'erieni.

Matsiɨkɨtɨ kemɨratɨa 1:5

meta Ketsutsi Kɨritsitu hepaɨtsita kemɨ'ane yatikamietɨ muyuhekɨatakai, kemɨ'ane mɨkite memanuku'uni wamexɨakame mɨhɨkɨ, kemɨ'ane kwiepa te'aitamete mɨtiwa'aitɨa. Mɨkɨ mɨtatsinaki'erie kanihɨkɨtɨni, meta yuxuriyakɨ mɨtatsi'utixɨnaxɨ 'axatemɨte'uyurikɨ,

Xumatari 4:25

Mɨkɨ pɨyetuiya mumierienikɨ tita 'axatemɨte'uyurikɨ meta panukuketɨarie heitserie temɨpitɨarienikɨ.

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

'Etsekieri 3:17

«Tewi pemunu'aya, 'ekɨ waxexeiyame nekamanayeitɨani, 'ixaheritsixi teɨteriyari. 'Ayumieme, kepauka neniuki pemɨ'enieni, nehetsiemieme ketiniwarutaxatɨa

'Epetsutari 5:2

Xeteyukanaki'erietɨ xekeneu'uwani, yaxeikɨa Kɨritsitu kemɨtatinaki'erie, kemɨtiyuyetua tahetsiemieme mɨmierienikɨ. Mawaritɨtɨ kaniyuyetuani 'ixatɨatɨ Kakaɨyari, 'inaki'atsitɨatɨ.

2 Kurinitutari 5:21

Kemɨ'ane 'axamɨkatiyuriwekai Kakaɨyari 'axatiyuruwame hepaɨ pɨtixei, tame mɨkɨ hetsie tetewiyatɨ Kakaɨyari heitserie kataniupitɨani.

1 Kurinitutari 11:23

Kenemɨtixeyetuiri, neta nekaniyetuiriyarieni Ti'aitame hetsɨa mieme. Mɨpaɨ katiniuyɨni. Mɨkɨ tɨkaritsie kepauka mɨyetuiyanikekai, Ti'aitame Ketsutsi paa kananuku'ɨni.

Nɨ'ariekate 3:18

Kakaɨyari meripaitɨ mɨpaɨ putayɨkai yunaitɨ Kakaɨyari niukametemama mɨpaɨ me'utiyuanekaku: kename Kɨritsitu tikwinekekai, mɨpaɨ katinaye'atɨarieni.

Wani 1:29

Merikɨtsɨ 'uxa'arieka Wani kanixeiya Ketsutsi 'a'amiekame hepana, mɨpaɨ kaniutayɨni: «Kamɨ muxa nunutsi Kakaɨyari hetsɨa mieme, kwiepa memɨtama tita 'axamemɨteyurie kaniwakunawairiwani mɨkɨ.

1 Pekuru 1:11

Mepɨtewautɨwekai kepauka mɨxatakai, kemɨ'ane tukari mɨhekɨatakai Kɨritsitu 'Iyarieya wahetsie mɨtiwiyakai, yakatiyɨwekaku 'akuxi 'Iyari pɨtihekɨatakai Kɨritsitu kemɨtikwinekekai, 'arike witsi'anetɨ kemɨrayanikekai.

'Epetsutari 1:7

Mɨkɨ xuriyaya mutayeuriyakɨ, hetsiena tetewiyatɨ tekaniuxɨnarieni. Tekateneuyehɨwiyarieni 'axaketemɨte'uyuri. Mɨpaɨ katatineuyehɨwirieni kwinimieme 'aixɨa tiuka'iyaritɨ.

Karatsiyatari 3:13

Kɨritsitu 'ari kataniunaneni, kataniuxɨna temɨkaxani'eriwanikɨ 'inɨari niukiyari kemaine hepaɨ. Mɨkɨ pɨta kaniutixani'eriwa tahetsiemieme, kemɨre'uxa: «Yunaitɨ kɨyetsie memɨkawɨtɨarieni mekanixani'eriwani».

Xumatari 3:25

Kakaɨyari kanikayeni 'itiya mawariyari mayanikɨ xuriyayakɨ temɨteheuyehɨwiyarienikɨ xɨka yuri tete'erieka. Mɨpaɨ tiuyurieka matsiɨkɨme kanayeitɨani heitserie kemɨrexeiya, wahetsie pɨkatiɨhɨa tita meripaitɨ 'axamemɨte'uyuri hepaɨtsita, Kakaɨyari mɨtinewiekaikɨ.

Mateu 26:28

'Ikɨ kaninexuriyatɨni, mɨkɨ tɨratu mɨhekwa 'aixɨa kaniyurimɨkɨ Kakaɨyari meta yuteɨterima wahamatɨa mieme. Yumɨireme wahetsiemieme kanitayeurimɨkɨ memɨteheuyehɨwiyarienikɨ ke'axamemɨte'uyurikɨ.

1 Pekuru 3:18

Kɨritsitu xeimieme xeikɨa kaniumɨni tita teɨteri 'axamemɨteyurie hepaɨtsita, kemɨ'ane heitseriemekɨ yamɨtikamiekai, mɨkɨ kaniumɨni tame heitseriemekɨ yatemɨkatekahu tahetsiemieme, mɨtatsi'aye'atɨanikɨ Kakaɨyari hetsɨa. Kemɨtitewitɨkai, kaniumierieni, yu'iyari kemɨrexeiyakai, panutanieritɨarie.

Hepɨrayutsixi 5:3

Mɨpaɨ mɨ'anekɨ 'ayumieme kaneuyeweka mawari Kakaɨyari mɨxatɨanikɨ teɨteri tita 'axamemɨteyurie hepaɨtsita, mɨpaɨta pɨreuyewetse mawari mɨwewienikɨ yɨkɨmana tita 'axamɨtiuyuri hepaɨtsita 'aixɨa miyurienikɨ.

Hepɨrayutsixi 5:1

Mawari wewiwamete tewa'aitɨwamete teɨteri watsata mekananuyexexeiyarɨwani yunaitɨ, mekaniukayatsarieni Kakaɨyari hetsiemieme memɨhɨritɨariekakɨ, teɨteri wahetsiemieme memixatɨanikɨ 'imikieri mawariyari, meta mawarite tita 'axamemɨteyurie hepaɨtsita.

1 Kurinitutari 11:2

'Aixɨa nepaine xehepaɨtsita naimekɨ xemɨnetsiha'eriwakɨ, yaxemɨtekahukɨ yeiyaritsie kenemɨtixeyetuiri.

Tsutɨarika 3:15

'Ekɨ kuu 'ukamatɨa xepayuye'unieka, meta 'aniwema 'uka niwemama wahamatɨa, 'uka nu'aya xewitɨ pumatikwinitɨani 'amu'utsie, 'ekɨta pepɨtikwinitɨani keputsayatsie».

Mateu 26:24

Yuri Tewi kenemɨtitewa, nepɨyemie nemɨmierienikɨ kemɨre'uxa nehepaɨtsita, perutsɨ xɨa'ui kemɨ'ane mɨnetsiyetuani Yuri Tewi nehɨkɨtɨme. Matsi 'aixɨa kani'anenikeyu xɨka ka'utinuiwake mɨkɨ tewi.

Rukaxi 24:25

Hikɨ Ketsutsi mɨpaɨ katiniwarutahɨawe: —Kari 'atsixepɨkatemate, yu'iyaritsie xepu'itutupe, 'akuxi yuri xepɨkateta'eriwawe texaxatamete kememɨtekuxatakaitsie naime.

Nɨ'ariekate 8:32

Mɨpaɨ panuyɨne 'utɨarika pemiterɨwakai: «Muxa hepaɨ kanehanieni mɨmierienikɨ, muxa kaxiriwatɨ mɨka'utatsuaka hepaɨ mɨpaɨta yaxeikɨa pɨka'utatsua.

Nɨ'ariekate 17:2

Papuru kemɨtiyeiyarieyatɨkai, muwa tukita kaneutahani, haikakɨa 'uxipiya tukaritsie katiniwakuxaxatɨwakaitɨni