1 Kurinitutari 13:7 - Kakaɨyari Niukieya

⁷ Naime katininewieka, naimekɨ yuri katini'erieka, naimekɨ kanita'ikwewani yuri ti'erietɨ, naimekɨ katiniuka'eniwani.

1 Kurinitutari 13:7 ပူးပေါင်းရင်းမြစ်များ

1 Pekuru 4:8

'Ikɨ naimekɨ, xekeneyunaki'erieka yuheyemekɨ, naki'eriya naime katinanuyeitɨwani waɨkawa 'axamɨti'anene.

1 Kurinitutari 13:4

Tiyukanaki'erietɨ 'akatineutewini kaha'atɨ. 'Aixɨa katiniuka'iyarini tiyukanaki'erietɨ, pɨkayumexɨitɨa hipame wahepaɨtsita wara'iwamɨtɨ. Tiyukanaki'erietɨ mariwetɨ pɨkahayuyeitɨwa, meta pɨkayuta'ɨre.

2 Timuteu 2:24

Kaneuyeweka kemɨ'ane Ti'aitame hetsiemieme mɨti'uximayatame mɨkayumieneni, matsi 'aixɨa pɨtiuka'iyarini yunaime wahamatɨa, pɨti'ɨkitawenikɨ meta mɨtiukanewie pɨhɨkɨtɨni,

1 Pekuru 2:24

Mɨkɨ yuwaiyaritsie kanititɨni tita 'axatemɨte'uyuri kɨyetsie mukawiyatsie, tame te'utixɨnarieme 'axatemɨkateyuriekakɨ 'uxa'atɨni warie, temayenenierenikɨ pɨta heitseriemekɨ yatetekahutɨ. Mɨkɨ mɨtiukwinitɨariekɨ, xeme 'aixɨa xeteheu'erietɨ xepayeitɨarie.

Temaiwawemete 10:12

'Uxiwe'erika matsi waɨkawa 'imieri kaninetɨaweni, peru naki'eriya naime mɨtareuyehɨwirienikɨ kaniyɨweni.

1 Kurinitutari 9:12

Hipame xekaniwapitɨaka heitserie memexeiyanikɨ xehepaɨtsita. ¿Tame matsi yemekɨ heitserie tekatehexeiya temɨtemikienikɨ? Peru tsepa heitserie temexeiya mɨkɨkɨ, mɨpaɨ tepɨkayɨa. Naime tepɨtenewie matsi, te'ixamurienikɨ niuki 'aixɨa manuyɨne Kɨritsitu hepaɨtsita.

Karatsiyatari 6:2

Yuxexuitɨ xekeneyuparewieka yu'ikakɨ, mɨpaɨ xeteyurietɨ Kɨritsitu 'inɨarieya xekanaye'atɨakuni.

2 Timuteu 4:5

'Ekɨtsɨ naimekɨ kene'amaika. Ketineukanewieka tsepa 'axapemɨ'itɨariene. Ketine'uximayaka petikuxatatɨ niuki 'aixɨa manuyɨnekɨ, 'ahɨritɨarika kenaye'atɨa yemekɨ.

Tsatiyaku 1:12

'Aixɨa kani'itɨarieka kemɨ'ane tiuka'eniwatɨ mumie, mɨkɨ mɨpaɨ tita'inɨatsieme, tukari kurunayari kaniyetuiriyariemɨkɨ Kakaɨyari kemutayɨ kemɨ'ane meminaki'erie wahetsiemieme.

Nɨawari 119:66

Kenenepitɨaka nemɨtimaiwenikɨ meta nemeitimaitɨyeikanikɨ, ne 'a'aitsikatsie yuri nekatini'erieka.

2 Tetsarunikatari 1:4

'Ayumieme tameri 'aixɨa te'utiyuatɨ xehepaɨtsita yatekateniwakuxaxatɨwani mɨkɨ memɨyutixexeɨriwa Kakaɨyari hetsie metewiyatɨ, mɨpaɨ teteniwakɨhɨaweni, kexemɨte'uka'eniwa, yuri kexemɨte'erie mexi xetaweweiyarɨwa, mexi xe'uximatɨarie, meta naime kexemɨ'itɨarietɨwe.

2 Timuteu 3:11

kenemɨtiuweiyarie, kenemɨtiukwinixɨ naime kenemu'itɨarie 'Anutiyukiyatsie, 'Ikuniyutsie meta Ritsitɨratsie, tsepa kenemɨtiukwinixɨ ne'uweiyarietɨ, Ti'aitame kaneniutawikweitsitɨani naimekɨ.

Xumatari 15:1

Kaneuyewekani tame temɨyɨwawemete teminewienikɨ titakɨ memɨkateyɨwawe mɨkɨ memɨwerarani. Taxaɨtame xeikɨa temɨnaki'akakɨ tepɨkayɨaka.

Mateu 10:22

Yunaitɨ mekanixe'uxiwe'eriekakuni nehetsɨa xemɨmiemetekɨ, peru kemɨ'ane tiuka'eniwatɨ 'amuyeikani heutipareyuke, mɨkɨ kanitawikweitsitɨariemɨkɨ.

Hepɨrayutsixi 13:13

Hikɨmɨ hetsɨana tepɨyehu kiekari tetsita paitɨ, niukimarika tenewietɨ hepaɨna.

Xumatari 8:24

Mɨpaɨ yuri tete'erietɨ teta'ikwewatɨ teputawikweitsitɨarie. Peru xɨka 'ixeiya tita mɨtitakwewie, matsi pɨka'itakwewieri. ¿Keri titakwewieka tita mɨtixeiya?

Kuwi 13:15

Tsepa mɨnetiumi. Ne hetsiena nepɨtitakwewie. Matsi hɨxiena kenemɨtiuyeikakɨ yanepɨtayɨni.

Tsutɨarika 29:20

Hikɨ Kakuwu 'atahuta wiyari katini'uximayakaitɨni Xakeri mɨtiwitɨnikɨ, hikɨ 'apɨkareuterixɨ tsepa mɨixa tukari manuyetɨa waɨkawa minaki'eriekaikɨ.

Hutarieka 'inɨari 1:9

»'Iya tukaritsie mɨpaɨ nepɨtiwarutahɨawixɨ: “Ne neyuxaɨtame yunaime nepɨkaxekema.

Marikuxi 9:23

Ketsutsi mɨpaɨ katinitahɨawe: —¿Ketitayari peraine, xɨka neyɨweni? Kemɨ'ane yuri mɨti'erie, hetsiena mieme naitɨ pɨtiyɨwe.

Hutarieka 'inɨari 22:27

'uki yeuta 'uka pukaxei, tsepa 'uka karima mutahiwake, mana pumawekai xewitɨ hetsiena mɨtanuanikɨ.